ಮುಂಬಯಿ: ಬಾಲಿವುಡ್ ನಟ ಸಲ್ಮಾನ್ ಖಾನ್ ಡೆಂಗ್ಯೂ ಜ್ವರದಿಂದ ಬಳಲುತ್ತಿದ್ದು, ಸ್ವಲ್ಪ ದಿನಗಳ ಮಟ್ಟಿಗೆ ಶೂಟಿಂಗ್ ಸೆಟ್ನಿಂದ ಹೊರಗೆ ಉಳಿಯಲಿದ್ದಾರೆ. ವೈದ್ಯರ ಸಲಹೆ ಮೇರೆಗೆ ವಿಶ್ರಾಂತಿ ಪಡೆಯಬೇಕಿರುವ ಕಾರಣ, ಈ ವೀಕೆಂಡ್ನಲ್ಲಿ ಬಿಗ್ಬಾಸ್ ನಿರೂಪಣೆಗೂ ಅವರು ಆಗಮಿಸುತ್ತಿಲ್ಲ. ಸಲ್ಮಾನ್ ಬದಲು ಕರಣ್ ಜೋಹಾರ್ ನಿರೂಪಣೆ ಇರಲಿದೆ ಎನ್ನಲಾಗಿದೆ.
ಸಲ್ಮಾನ್ ಖಾನ್ ಅವರು ಕಳೆದ ಎರಡು ವಾರಗಳಿಂದ ತಮ್ಮ ಮುಂಬರುವ ಚಿತ್ರ ‘ಕಿಸಿ ಕಾ ಭಾಯ್, ಕಿಸಿ ಕಾ ಜಾನ್’ ಶೂಟಿಂಗ್ನಲ್ಲಿ ತೊಡಗಿದ್ದರು. ಸದ್ಯ ಆ ಸಿನಿಮಾ ಶೂಟಿಂಗ್ಗೂ ಅವರು ಲಭ್ಯ ಇರುವುದಿಲ್ಲ. ಡೆಂಗ್ಯೂದಿಂಚ ಚೇತರಿಸಿಕೊಳ್ಳುತ್ತಿದ್ದು, ಅಕ್ಟೊಬರ್ 25ರಿಂದ ಸಿನಿಮಾ ಚಿತ್ರೀಕರಣಕ್ಕೆ ಅವರು ಆಗಮಿಸಲಿದ್ದಾರೆ ಎಂದು ಹೇಳಲಾಗಿದೆ. ಸದ್ಯ ಚಿತ್ರತಂಡ ಸಲ್ಮಾನ್ ಖಾನ್ ಭಾಗವನ್ನು ಹೊರತು ಪಡಿಸಿ, ಉಳಿದ ಭಾಗದ ಚಿತ್ರೀಕರಣ ಮಾಡಿಕೊಳ್ಳುತ್ತಿದೆ. ಸಾಮಾನ್ಯವಾಗಿ ದೀಪಾವಳಿ ಹಬ್ಬದ ನಿಮಿತ್ತ ಅವರ ಸ್ನೇಹಿತ ವಲಯದವರು ಹಮ್ಮಿಕೊಳ್ಳುವ ಎಲ್ಲ ಪಾರ್ಟಿಗಳಿಗೂ ಸಲ್ಮಾನ್ ಖಾನ್ ಹೋಗುತ್ತಿದ್ದರು. ಸದ್ಯ ಡೆಂಗ್ಯೂ ಕಾರಣಕ್ಕೆ ಅವರು ಎಲ್ಲ ಪಾರ್ಟಿಗಳಿಂದಲೂ ದೂರವೇ ಉಳಿದಿದ್ದಾರೆ.
ಸಲ್ಮಾನ್ಖಾನ್ಗೆ ಡೆಂಗ್ಯೂ ಜ್ವರ ಎಂದು ಗೊತ್ತಾಗುತ್ತಿದ್ದಂತೆ ಅಭಿಮಾನಿಗಳು ಅವರಿಗೆ ‘ಶೀಘ್ರ ಗುಣಮುಖರಾಗಿ’ ಎಂದು ಹಾರೈಸುತ್ತಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಕಮೆಂಟ್ ಹಾಕುತ್ತಿದ್ದಾರೆ. ಅಂದಹಾಗೇ, ಸಲ್ಮಾನ್ ಖಾನ್ ಅವರ ಕಿಸಿ ಕಾ ಭಾಯ್ ಕಿಸಿ ಕಾ ಜಾನ್ ಸಿನಿಮಾ ಇದೇ ವರ್ಷ ಡಿಸೆಂಬರ್ನಲ್ಲಿ ಬಿಡುಗಡೆಯಾಗಲಿದ್ದು, ಪೂಜಾ ಹೆಗ್ಡೆ, ಶೆಹನಾಜ್ ಗಿಲ್ ಇತರರು ಅಭಿನಯಿಸಿದ್ದಾರೆ.
ಇದನ್ನೂ ಓದಿ: Pooja Hegde | ಕೇಕ್‌ ತಿನ್ನಿಸಲು ಹೋದ ಪೂಜಾ ಹೆಗ್ಡೆಗೆ ʻಸೀನಿಯರ್‌ ಫಸ್ಟ್‌ʻ ಅಂದ್ರು ಸಲ್ಮಾನ್ ಖಾನ್: ವಿಡಿಯೊ ವೈರಲ್‌!