ಮುಂಬೈ; ನಟ ಸಲ್ಮಾನ್ ಖಾನ್ (Salman Khan) ಬಹು ದಿನಗಳ ಬಳಿಕ ಹೊಸ ಲುಕ್‌ನಲ್ಲಿ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದಾರೆ. ಮುಂಬೈ ವಿಮಾನ ನಿಲ್ದಾಣದಲ್ಲಿ ನಟನನ್ನು ಕಾಣುತ್ತಿದ್ದಂತೆ ಹೆಚ್ಚಿನ ಭದ್ರತೆಯ ನಡಯವೆಯೂ ಬಾಲಕ ಓಡಿ ಬಂದು ಸಲ್ಮಾನ್ ಖಾನ್ ಅವರನ್ನು ತಬ್ಬಿಕೊಂಡಿದ್ದಾನೆ. ಸಲ್ಲು ಕೂಡ ಬಾಲಕನಿಗೆ ಹಗ್ ಮಾಡಿದ್ದಾರೆ. ಪಾಪರಾಜಿ(ಫೋಟೊಗ್ರಾಫರ್‌ಗಳ) ಖಾತೆಯಲ್ಲಿ ಈ ವಿಡಿಯೊ ಪೋಸ್ಟ್ ಮಾಡಿಕೊಂಡಿದ್ದು, ಇದೀಗ ವಿಡಿಯೊ ವೈರಲ್‌ ಆಗಿದೆ.
ಸಲ್ಮಾನ್ ಖಾನ್ ಅಭಿಮಾನಿಯೊಂದಿಗೆ ಇರುವ ಮುದ್ದಾದ ಕ್ಷಣವನ್ನು ಪಾಪರಾಜಿಗಳು ( ಫೋಟೊಗ್ರಾಫರ್‌ಗಳ) ಸೆರೆಹಿಡಿದಿರುವುದು ಮೆಚ್ಚುಗೆಗೆ ಪಾತ್ರವಾಗಿದೆ. ವಿಡಿಯೊದಲ್ಲಿ ಸಲ್ಮಾನ್ ಮುಂಬೈ ನಿಲ್ದಾಣದಲ್ಲಿ ಪ್ರವೇಶ ದ್ವಾರದ ಕಡೆಗೆ ಹೋಗುತ್ತಿದ್ದಂತೆ, ಅವರ ಅಭಿಮಾನಿ ಬಾಲಕ ಓಡಿ ಬಂದು ಅವರನ್ನು ಬಿಗಿಯಾಗಿ ತಬ್ಬಿಕೊಂಡಿದ್ದಾನೆ. ಸಲ್ಮಾನ್ ಅವರ ಮುಖದಲ್ಲಿ ನಗು ಇತ್ತು. ಅಷ್ಟೇ ಅಲ್ಲದೇ ಬಾಲಕನ ಬೆನ್ನನ್ನು ಪ್ರೀತಿಯಿಂದ ತಟ್ಟಿದ್ದಾರೆ. ವಿಡಿಯೊ ವೈರಲ್‌ ಆಗುತ್ತಿದ್ದಂತೆ ಸಲ್ಲು ಅಭಿಮಾನಿಯೊಬ್ಬರು ʻ ಎಂತಹ ಒಳ್ಳೆಯ ವ್ಯಕ್ತಿತ್ವʼʼ ಎಂದು ಕಮೆಂಟ್‌ ಮಾಡಿದ್ದಾರೆ. “ಈ ಹುಡುಗ ತುಂಬಾ ಅದೃಷ್ಟಶಾಲಿ” ಎಂದು ಇನ್ನೊಬ್ಬರು ಬರೆದಿದ್ದಾರೆ.
ಸಲ್ಮಾನ್ ಇತ್ತೀಚೆಗಷ್ಟೇ ಟೈಗರ್ 3 ಸಿನಿಮಾ ಸೆಟ್‌ನಲ್ಲಿ ಶೂಟಿಂಗ್ ಮಾಡುವಾಗ ಗಾಯಗೊಂಡಿದ್ದರು. ತಮ್ಮ ಭುಜಕ್ಕೆ ಸ್ವಲ್ಪ ಗಾಯವಾಗಿದೆ ಎಂದು ತಮ್ಮ ಅಭಿಮಾನಿಗಳಿಗೆ ತಿಳಿಸಲು ಟ್ವಿಟರ್‌ನಲ್ಲಿ ತಮ್ಮ ಚಿತ್ರವನ್ನು ಪೋಸ್ಟ್ ಮಾಡಿದ್ದರು.
ಸಲ್ಮಾನ್ ಕೊನೆಯದಾಗಿ ʻಕಿಸಿ ಕಾ ಭಾಯ್ ಕಿಸಿ ಕಿ ಜಾನ್ʼ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಫರ್ಹಾದ್ ಸಾಮ್ಜಿ ನಿರ್ದೇಶನದ ಈ ಸಿನಿಮಾ ಏಪ್ರಿಲ್ 21ರಂದು ಬಿಡುಗಡೆಯಾಗಿತ್ತು.
ಇದನ್ನೂ ಓದಿ: Salman Khan: 3 ದಶಕದ ಬಾಡಿಗಾರ್ಡ್‌ ಶೇರಾಗೆ ಜನ್ಮದಿನದ ಶುಭ ಕೋರಿದ ಸಲ್ಮಾನ್ ಖಾನ್
ವೈರಲ್‌ ವಿಡಿಯೊ
ಮನೀಶ್ ಶರ್ಮಾ ನಿರ್ದೇಶನದ ಟೈಗರ್ 3 ಚಿತ್ರ ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಕತ್ರಿನಾ ಕೈಫ್ ಮತ್ತು ಇಮ್ರಾನ್ ಹಶ್ಮಿ ಕೂಡ ನಟಿಸಲಿದ್ದಾರೆ.