ಬೆಂಗಳೂರು: ನಟಿ ಪ್ರಿಯಾಂಕಾ ಚೋಪ್ರಾ (Priyanka Chopra) ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. 2023ರ `ಮೆಟಾ ಗಾಲಾ’ದಲ್ಲಿ ಪಿಗ್ಗಿ ತಮ್ಮ ಉಡುಗೆಗಳಿಂದ ಸಖತ್‌ ಸುದ್ದಿಯಲ್ಲಿದ್ದರು. ಇದೀಗ ನಟಿ ತಮ್ಮ ಮುಂಬರುವ `ಲವ್ ಅಗೇನ್ʼ ಸಿನಿಮಾದ ಪ್ರೀಮಿಯರ್‌ನಲ್ಲಿ (Love Again premier) ಭಾಗಿಯಾಗಿದ್ದರು. ಸ್ಯಾಮ್ ಹ್ಯೂವನ್ (Sam Heughan) ಎದುರು ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಮೇ 3ರಂದು ನ್ಯೂಯಾರ್ಕ್‌ನಲ್ಲಿ ಪ್ರೀಮಿಯರ್‌ನಲ್ಲಿ, ಪ್ರಿಯಾಂಕಾ, ಸ್ಯಾಮ್ ಮತ್ತು ನಿಕ್ ಜೋನಾಸ್ ಭಾಗವಹಿಸಿದ್ದರು. ಈ ಸಂದರ್ಭದಲ್ಲಿ ಪ್ರಿಯಾಂಕಾ ಅವರ ಮೂಗಿಗೆ ಸ್ಯಾಮ್ ಹ್ಯೂವನ್ ಕಿಸ್‌ ಕೊಟ್ಟಿದ್ದಾರೆ. ಈ ವಿಡಿಯೊ ಇದೀಗ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.
ಸ್ಯಾಮ್ ಹ್ಯೂವನ್, ಪ್ರಿಯಾಂಕಾ ಚೋಪ್ರಾ ಮತ್ತು ಸೆಲಿನ್ ಡಿಯೋನ್ ಅಭಿನಯದ ಲವ್ ಅಗೇನ್ ಚಿತ್ರಕ್ಕಾಗಿ ಅಭಿಮಾನಿಗಳು ಎದುರು ನೋಡುತ್ತಿರುವ ಕಾರಣ, ಚಿತ್ರದ ಮೊದಲ ಪ್ರದರ್ಶನ ನ್ಯೂಯಾರ್ಕ್‌ನಲ್ಲಿ ನಡೆಯಿತು. ಸ್ಯಾಮ್ ಹ್ಯೂವನ್ ಮತ್ತು ಪ್ರಿಯಾಂಕಾ ಜತೆಗೆ, ಚಿತ್ರದಲ್ಲಿ ಸಣ್ಣ ಅತಿಥಿ ಪಾತ್ರವನ್ನು ಹೊಂದಿರುವ ನಿಕ್ ಕೂಡ ಪ್ರೀಮಿಯರ್‌ಗೆ ಹಾಜರಾಗಿದ್ದರು. ಕಾರ್ಯಕ್ರಮಕ್ಕಾಗಿ, ಪ್ರಿಯಾಂಕಾ ಗೌನ್ ಮತ್ತು ಸ್ಕರ್ಟ್ ಧರಿಸಿದ್ದರು. ಪ್ರೀಮಿಯರ್‌ನಲ್ಲಿ, ಸ್ಯಾಮ್ ಹ್ಯೂವನ್ ಅವರು ಪ್ರಿಯಾಂಕಾ ಅವರನ್ನು ಭೇಟಿಯಾದಾಗ, ಪ್ರಿಯಾಂಕಾ ಅವರ ಮೂಗಿಗೆ ಮುತ್ತು ನೀಡಿದ್ದಾರೆ. ಮತ್ತೊಂದೆಡೆ, ನಿಕ್ ಬೂದು ಬಣ್ಣದ ಸೂಟ್‌ನಲ್ಲಿ ಕಾಣಿಸಿಕೊಂಡರು. ಪತಿ ನಿಕ್ ಜೋನಸ್ ಎದುರಲ್ಲೇ ಪ್ರಿಯಾಂಕಾ ಚೋಪ್ರಾ ಅವರು ಬೇರೆ ನಟನೊಂದಿಗೆ ಸಿಹಿ ಮುತ್ತು ಹಂಚಿಕೊಂಡಿದ್ದಾರೆ.
ಲವ್ ಅಗೇನ್ ಪ್ರೀಮಿಯರ್‌ನಲ್ಲಿ ಸ್ಯಾಮ್ ಹ್ಯೂವನ್ ಅವರು ಪ್ರಿಯಾಂಕಾ ಚೋಪ್ರಾರನ್ನು ಚುಂಬಿಸಿದ್ದಕ್ಕೆ ಅಭಿಮಾನಿಗಳು ತರಹೇವಾರಿ ಕಾಮೆಂಟ್‌ಗಳನ್ನು ಮಾಡಿದ್ದಾರೆ. ಒಬ್ಬ ಅಭಿಮಾನಿ, “ಸ್ನೇಹಿತರ ನಡುವೆ ಅಂಥದೊಂದು ಬಾಂಧವ್ಯ ಇದೆ,ʼʼ ಎಂದು ಬರೆದಿದ್ದಾರೆ.
ಲವ್ ಅಗೇನ್ ಸಿನಿಮಾವನ್ನು ಜಿಮ್ ಸ್ಟ್ರೌಸ್ ಬರೆದು ನಿರ್ದೇಶಿಸಿದ್ದಾರೆ. ಮೇ 12ರಂದು ಥಿಯೇಟರ್‌ಗಳಿಗೆ ಬರಲು ಸಿದ್ಧವಾಗಿದೆ. ಪ್ರಿಯಾಂಕಾ ಚೋಪ್ರಾ ಮತ್ತು ಸ್ಯಾಮ್ ಹ್ಯೂವನ್ ಅವರ ಕೆಮಿಸ್ಟ್ರಿ ಚೆನ್ನಾಗಿ ಮೂಡಿಬಂದಿದೆ ಎಂಬುದಕ್ಕೆ ಟ್ರೈಲರ್‌ನಲ್ಲಿ ಸುಳಿವು ಸಿಕ್ಕಿದೆ.
ಇದನ್ನೂ ಓದಿ: Priyanka Chopra: ಪಿಗ್ಗಿಗಾಗಿ ಕಿಟಕಿಗೆ ಸರಳು ಹಾಕಿಸಿದ್ದರಂತೆ ತಂದೆ: ಪ್ರಿಯಾಂಕಾ ಚೋಪ್ರಾ ಹೇಳಿದ್ದೇನು?
ವೈರಲ್‌ ವಿಡಿಯೊ
ಪ್ರಿಯಾಂಕಾ ಚೋಪ್ರಾ ಕೊನೆಯದಾಗಿ ಸಿಟಾಡೆಲ್‌ ಸಿರೀಸ್‌ನಲ್ಲಿ ರಿಚರ್ಡ್ ಮ್ಯಾಡೆನ್ ಅವರೊಂದಿಗೆ ಕಾಣಿಸಿಕೊಂಡರು. ರುಸ್ಸೋ ಬ್ರದರ್ಸ್ ವೆಬ್ ಶೋ ಪ್ರೈಮ್ ವಿಡಿಯೊದಲ್ಲಿ ಏಪ್ರಿಲ್ 28ರಂದು ಪ್ರಥಮ ಪ್ರದರ್ಶನಗೊಂಡಿತು. ನಟಿ ಆಲಿಯಾ ಭಟ್ ಮತ್ತು ಕತ್ರಿನಾ ಕೈಫ್ ಅವರೊಂದಿಗೆ ʻಜೀ ಲೆ ಜರಾʼದಲ್ಲಿ ಕೂಡ ತೆರೆ ಹಂಚಿಕೊಳ್ಳಲಿದ್ದಾರೆ. ಈ ಚಿತ್ರವನ್ನು ಫರ್ಹಾನ್ ಅಖ್ತರ್ ನಿರ್ದೇಶಿಸಲಿದ್ದಾರೆ.