`ಅಲಮೇಲಮ್ಮ’, `ಕವಲುದಾರಿ’, ಸಾರ್ವಜನಿಕರಿಗೆ ಸುವರ್ಣಾವಕಾಶ’ ಹೀಗೆ ಅನೇಕ ಸಿನಿಮಾಗಳ ಮೂಲಕ ಮನಗೆದ್ದ ರಿಷಿ ಅವರು ಈಗಾಗಲೇ ತೆಲುಗಿನ ವೆಬ್ ಸರಣಿ ʻಶೈತಾನ್ʼಗೆ ಬಣ್ಣ ಹಚ್ಚಿದ್ದಾರೆ. ತಮ್ಮ ಅಭಿನಯದಿಂದ ಅಲ್ಲಿನ ಸಿನಿಪ್ರೇಮಿಗಳ ಹೃದಯವನ್ನ ಗೆದ್ದಿದ್ದಾರೆ.
ಇದೀಗ ರಿಷಿ ಅವರಿಗೆ ಬಾಬಿ ಡಿಯೋಲ್ ಹಾಗೂ ಬಾಲಯ್ಯ ಜತೆ ತೆರೆ ಹಂಚಿಕೊಳ್ಳುವ ಸುವರ್ಣ ಅವಕಾಶ ಸಿಕ್ಕಿದೆ. ಇನ್ನು ಬಾಬಿ ಡಿಯೋಲ್ ಕೂಡ ಬಾಲಯ್ಯ ಸಿನಿಮಾದ ಮೂಲಕ ತೆಲುಗು ಚಿತ್ರರಂಗವನ್ನೂ ಪ್ರವೇಶಿಸಿದ್ದಾರೆ.
ಇದನ್ನೂ ಓದಿ: Dheekshith Shetty: ʻಕೆಟಿಎಂʼ ಟ್ರೈಲರ್ ರಿಲೀಸ್; ರಿಷಬ್, ರಶ್ಮಿಕಾ ಬೆಂಬಲ
ಅನಿಮಲ್ ಚಿತ್ರದ ಗೆಲುವಿನ ನಂತರ, ಏಕಾಏಕಿ ಬಾಬಿ ಡಿಯೋಲ್ ಅವರಿಗೆ ಬೇಡಿಕೆ ಸೃಷ್ಟಿಯಾಗಿದೆ. ಹೆಸರಿಡದ ಬಾಲಯ್ಯ ಅವರ 109ನೇ ಸಿನಿಮಾದಲ್ಲಿ ಖಳನಾಯಕರಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಬಾಬಿ ಡಿಯೋಲ್ ಪಕ್ಕ ನಮ್ಮ ಕನ್ನಡದ ರಿಷಿ ಕೂಡ ಇರಲಿದ್ದಾರೆ.
ʻʻಬಾಲ್ಯದ ದಿನಗಳಲ್ಲಿ ಬಾಬಿ ಡಿಯೋಲ್ ಸಿನಿಮಾಗಳನ್ನ ನೋಡುತ್ತ ಬಂದವನು ನಾನು. ಈಗ ಅವರ ಜತೆ ಖಳನಾಯಕನಾಗಿ ತೆರೆ ಹಂಚಿಕೊಳ್ಳುತ್ತಿರುವುದು ಸಂತಸ ತಂದಿದೆʼʼಎನ್ನುತ್ತಾರೆ ರಿಷಿ.
ಬಾಬಿ ಕೊಲ್ಲಿ ಈ ಚಿತ್ರದ ನಿರ್ದೇಶಕ. ಶೈತಾನ್ ವೆಬ್ ಸಿರೀಸ್ ನಲ್ಲಿ ರಿಷಿ ಅಭಿನಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿ ಈ ಸಿನಿಮಾಗೆ ಸೆಲೆಕ್ಟ್‌ ಮಾಡಿದ್ದಾರೆ ಎಂದು ವರದಿಯಾಗಿದೆ.