ಬೆಂಗಳೂರು: ಕನ್ನಡಿಗರ ಮನಗೆದ್ದಿರುವ ಕೆಲವೇ ಕೆಲವು ರಿಯಾಲಿಟಿ ಶೋಗಳ ಪೈಕಿ ‘ಕಾಮಿಡಿ ಕಿಲಾಡಿಗಳು’ ಕೂಡ ಒಂದು. ಅದರಲ್ಲೂ ‘ಕಾಮಿಡಿ ಕಿಲಾಡಿ’ ಖ್ಯಾತಿಯ ನಯನಾ ಕರುನಾಡಿನಾದ್ಯಂತ ಮನೆಮಾತಾಗಿದ್ದಾರೆ. ಈಗ ಅವರು ಸಾಲು ಸಾಲು ಸಿನಿಮಾಗಳಲ್ಲಿ ಸಿಕ್ಕಾಪಟ್ಟೆ ಬ್ಯುಸಿಯಾಗಿದ್ದು, ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ ಮತ್ತೊಂದು ಸಿನಿಮಾದ ಟೀಸರ್ ರಿಲೀಸ್ ಆಗಿದೆ.
‘ರಕ್ತದೋಕುಳಿ’ ಚಿತ್ರದ ಟೀಸರ್ನ ಯುವ ನಟ ಧಿರೇನ್ ರಾಮ್ ಕುಮಾರ್ (Dheeren Ramkumar) ಬುಧವಾರ ರಿಲೀಸ್ ಮಾಡಿದ್ದಾರೆ. ಎನ್.ಎನ್.ಜಾಕಿ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಚೊಚ್ಚಲ ಚಿತ್ರ “ರಕ್ತದೋಕುಳಿ”ಯಾಗಿದೆ. ಹೀಗೆ ಹೊಸಬರ ತಂಡದ ಹೊಸ ಪ್ರಯತ್ನಕ್ಕೆ ನಟ ಧಿರೇನ್ ರಾಮ್ ಕುಮಾರ್ ಸಾಥ್ ನೀಡಿದ್ದು, ಟೀಸರ್ ಲಾಂಚ್ ಮಾಡಿ ಚಿತ್ರತಂಡಕ್ಕೆ ಶುಭ ಕೋರಿದ್ದಾರೆ.
ರಾಜಧಾನಿ ಸ್ಟೋರಿ
‘ರಕ್ತದೋಕುಳಿ’ ಚಿತ್ರಕ್ಕೆ ಕಥೆ, ಚಿತ್ರಕಥೆ, ಸಂಭಾಷಣೆ ಎನ್.ಎನ್.ಜಾಕಿ ಅವರೇ ಬರೆದಿದ್ದಾರೆ. ನಿರ್ದೇಶನ, ತಾಂತ್ರಿಕ ವಿಭಾಗದಲ್ಲಿ 10 ವರ್ಷದ ಸುದೀರ್ಘ ಅನುಭವ ಇವರಿಗಿದ್ದು, ಮೊದಲ ಬಾರಿ ಡೈರೆಕ್ಟರ್ ಕ್ಯಾಪ್ ತೊಟ್ಟಿದ್ದಾರೆ. ರಕ್ತದೋಕುಳಿ ಶೂಟಿಂಗ್ ಸದ್ಯ ಕೊನೇ ಹಂತದಲ್ಲಿದೆ. ಮೊದಲ ಬಾರಿ ಚಿತ್ರತಂಡ ಸಿನಿಮಾ ಬಗ್ಗೆ ಮಾಹಿತಿ ಹಂಚಿಕೊಂಡಿದೆ. ನಿರ್ಮಾಪಕ ಎಂ.ನಾಗರಾಜು ಬರ್ತ್ ಡೇ ಹಿನ್ನೆಲೆ ರಕ್ತದೋಕುಳಿ ಟೀಂ ಟೀಸರ್ ರಿಲೀಸ್ ಮಾಡಿದ್ದು, ರಾಜಧಾನಿ ಬೆಂಗಳೂರಿನಲ್ಲಿ ನಡೆಯುವ ಕಥೆ ಇದಾಗಿದ್ದು, ಸಸ್ಪೆನ್ಸ್ ಥ್ರಿಲ್ಲರ್ ಥೀಮ್ನಲ್ಲಿ ಸಿನಿಮಾ ಸಿದ್ಧವಾಗಿದೆ.
5 ಹುಡುಗರು ಚಿತ್ರದ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದಾರೆ. ಕಾಮಿಡಿ ಕಿಲಾಡಿ ಖ್ಯಾತಿ ನಯನಾ ಕೂಡ ಲೀಡ್ ರೋಲ್‌ನಲ್ಲಿದ್ದಾರೆ. ಸಸ್ಪೆನ್ಸ್ ಥ್ರಿಲ್ಲರ್ ಹಾದಿಯಲ್ಲಿ ಸಿನಿಮಾ ಸಾಗಲಿದ್ದು, ಪ್ರತಿ ಹಂತದಲ್ಲೂ ಚಿತ್ರ ಪ್ರೇಕ್ಷಕರಿಗೆ ಥ್ರಿಲ್ ನೀಡಲಿದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಇಡೀ ಸಿನಿಮಾ ಬೆಂಗಳೂರಿನಲ್ಲೇ ಚಿತ್ರೀಕರಣವಾಗಿದೆ. ರಂಗಸ್ವಾಮಿ ಛಾಯಾಗ್ರಹಣ, ಗಂಗಮ್ ರಾಜು ನೃತ್ಯ ನಿರ್ದೇಶನ , ಚಂದ್ರು ಸಾಹಸ ನಿರ್ದೇಶನ ಈ ಸಿನಿಮಾಗಿದೆ.
ಇದನ್ನೂ ಓದಿ: Avatar Re Release | ಬಾಕ್ಸ್ ಆಫೀಸ್ನಲ್ಲಿ ಮತ್ತೊಮ್ಮೆ ಸಂಚಲನ ಸೃಷ್ಟಿಸಿದ ‘ಅವತಾರ್ -1’