ಬೆಂಗಳೂರು : ʻಪುನೀತ ಪರ್ವʼ (Puneeth Parva) ಕಾರ್ಯಕ್ರಮ ಭರ್ಜರಿ ಓಪನ್‌ನಿಂಗ್‌ ಆಗಿದ್ದು, ಪುನೀತ್ ರಾಜಕುಮಾರ್ ಹಿಟ್‌ ಸಿನಿಮಾಗಳ ಸಂಗೀತ ಸಂಜೆ ಕಾರ್ಯಕ್ರಮ ಮೂಲಕ ಚಾಲನೆ ನೀಡಲಾಯಿತು. ಅಪ್ಪು ಅಂದರೆ ಅಪ್ಪುಗೆ. ದೊಡ್ಮನೆ ಜತೆ ಅಭಿಮಾನಿಗಳ ನಂಟು ದೊಡ್ಡದು. ಹೀಗಾಗಿ ಪುನೀತ್ ಫ್ಯಾನ್‌ನಿಂದ ಎದ್ದು ನಿಂತು ಅಪ್ಪು ಎಂದು ಹೇಳುವುದರೊಂದಿಗೆ ಅದ್ಧೂರಿಯಿಂದ ಕಾರ್ಯಕ್ರಮವನ್ನು ಚಾಲನೆ ನೀಡಲಾಯಿತು.
ಪ್ರತಿಯೊಬ್ಬರು ಬಿಳಿ ಬಟ್ಟೆ ತೊಟ್ಟು ನಿರ್ಮಲ ಮನಸ್ಸಿನಿಂದ ಅಪ್ಪುವಿನ ಜಪ ಮಾಡುವುದರ ಮೂಲಕ ವೇದಿಕೆಗೆ ಮೆರುಗು ಬಂದಿತ್ತು. ಮಾಸ್ಟರ್‌ ಲೋಹಿತ್‌ ಕುರಿತಾದ ಅಪ್ಪು ನಡೆದು ಬಂದ ಹಾದಿಯ ಬಗ್ಗೆ ಕಿರು ವಿಡಿಯೊ ಪ್ಲೇ ಮಾಡಿ ಪುನೀತ್ ರಾಜಕುಮಾರ್ ಬಾಲ್ಯದ ಕ್ಷಣಗಳನ್ನು ಮೆಲುಕು ಹಾಕಲಾಯಿತು.
ಇದನ್ನೂ ಓದಿ | Puneeth Parva | ʻಪುನೀತ ಪರ್ವʼದ ವಿವರ ಹಂಚಿಕೊಂಡ ಅಶ್ವಿನಿ ಪುನೀತ್ ರಾಜಕುಮಾರ್
ಪುನೀತ್ ಅವರ ಮೊದಲ ಪುಣ್ಯತಿಥಿ ಒಂದು ದಿನ ಮುಂಚಿತವಾಗಿ ಅಂದರೆ ಅಕ್ಟೋಬರ್ 28 ರಂದು ಗಂಧದ ಗುಡಿ ಚಿತ್ರ ಬಿಡುಗಡೆಯಾಗುತ್ತಿದೆ. ಪ್ರಿ ರಿಲೀಸ್‌ ಇವೆಂಟ್‌ ನಿಮಿತ್ತ ಪುನೀತ ಪರ್ವ ಹಮ್ಮಿಕೊಳ್ಳಲಾಗಿದೆ. ಇನ್ಫೋಸಿಸ್‌ ಫೌಂಡೇಷನ್‌ ಮುಖ್ಯಸ್ಥೆ ಸುಧಾ ಮೂರ್ತಿ, ನಿರ್ದೇಶಕ ಪ್ರಶಾಂತ್‌ ನೀಲ್‌, ನಟಿ ಸುಧಾರಾಣಿ, ಶಾಸಕ ರಾಜುಗೌಡ, ಸಂಗೀತ ನಿರ್ದೇಶಕ ಅಜನೀಶ್‌ ಲೋಕನಾಥ್‌, ನಟ ರವಿಶಂಕರ್‌ ಅನೇಕ ಗಣ್ಯರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.
ಇದನ್ನೂ ಓದಿ | Puneeth Parva | ಕಾಡು ಪ್ರಾಣಿ, ಗಿಡ-ಮರಗಳಲ್ಲೂ ಅಪ್ಪುವನ್ನು ನೋಡೋಣ: ರಾಘವೇಂದ್ರ ರಾಜಕುಮಾರ್