ಸ್ಯಾಂಡಲ್‌ವುಡ್‌ ಡಿಂಪಲ್ ಕ್ವೀನ್ ರಚಿತಾ ರಾಮ್ (Rachita Ram) ಇತ್ತೀಚೆಗೆ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳುವುದಕ್ಕಿಂತ ರಿಯಾಲಿಟಿ ಶೋಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಈಗ ರಚಿತಾ ರಾಮ್ ‘ಸಂಜು ವೆಡ್ಸ್ ಗೀತಾ 2’, ದುನಿಯಾ ವಿಜಯ್ ಹಾಗೂ ಕಾಟೇರ ಕಥೆಗಾರ ಜಡೇಶ್ ಜೋಡಿಯ ಸಿನಿಮಾಗೆ ನಟಿಸಲಿದ್ದಾರೆ.
ವಿಜಯ್ ಹಾಗೂ ಜಡೇಶ್ ಕಾಂಬಿನೇಷನ್ ಸಿನಿಮಾದಲ್ಲಿ ರಚಿತಾ ರಾಮ್ ಅವರು ವಿಜಯ್‌ಗೆ ಜೋಡಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ವಿಜಯ್ 50ರ ವಯಸ್ಸಿನ ಪಾತ್ರದಲ್ಲಿ ನಟಿಸುತ್ತಿರಬೇಕಾದರೆ, ರಚಿತಾ 40 ದಾಟಿದ ಮಹಿಳೆಯಾಗಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ.
ಇದನ್ನೂ ಓದಿ: Duniya Vijay: ಸರ್ಕಸ್‌ ಮಾಡಿ ಗೆದ್ದ ಮೆಟ್ಟಿಲನ್ನು ಕಾಪಾಡಿಕೊಂಡು ಹೋಗು: ಮಗಳಿಗೆ ವಿಜಯ್ ಹಾರೈಕೆ!
ಈ ಬಗ್ಗೆ ನಿರ್ದೇಶಕರು ಮಾಧ್ಯಮಕ್ಕೆ ಮಾಹಿತಿ ನೀಡಿದ್ದಾರೆ. ʻʻರಚಿತಾ ರಾಮ್ ಕಥೆಯನ್ನು ತುಂಬ ಇಷ್ಟ ಪಟ್ಟರು. ಹೀರೊಗೆ 50 ವರ್ಷ ಆದಾಗ ರಚಿತಾ ಅವರಿಗೆ 40 ಇರಲೇ ಬೇಕು. ರಚಿತಾ ಅವರಿಗೂ ಕೂಡ ಒಳ್ಳೆಯ ಪಾತ್ರ ಮಾಡಬೇಕು ಎಂದಿತ್ತು. ಹೀಗಾಗಿ ನಾನು ಹೋಗಿ ಅಪ್ರೋಚ್ ಮಾಡಿದಾಗಿ ಅವರಿಗೆ ತುಂಬಾನೇ ಇಷ್ಟ ಆಯ್ತು. ನಾನು ಈ ಪಾತ್ರವನ್ನು ಮಾಡೇ ಮಾಡುತ್ತೇನೆ ಎಂದರುʼʼಎಂದು ಹೇಳಿಕೊಂಡಿದ್ದಾರೆ.
ದುನಿಯಾ ವಿಜಯ್ ಹಾಗೂ ಪುತ್ರಿ ರಿತಾನ್ಯಾ ನಟಿಸುತ್ತಿರುವ ಸಿನಿಮಾದಲ್ಲಿ ರಚಿತಾ ರಾಮ್ ವಿಭಿನ್ನ ಪಾತ್ರದಲ್ಲಿ ನಟಿಸುತ್ತಿರುವುದು ಪಕ್ಕಾ ಆದಂತಾಗಿದೆ.