ಬೆಂಗಳೂರು: ಗುರುಪ್ರಸಾದ್ ಹಾಗೂ ನವರಸ ನಾಯಕ ಜಗ್ಗೇಶ್ ಜೋಡಿಯ ‘ರಂಗ ನಾಯಕ’ ಸಿನಿಮಾ (Ranganayaka Movie) (Ranganayaka Song) ಇದೇ ಮಾರ್ಚ್‌ 8ಕ್ಕೆ ತೆರೆಗೆ ಬರುತ್ತಿದೆ. ಸಿನಿಮಾದ ಪ್ರಚಾರ ಕಾರ್ಯಗಳು ಭರದಿಂದ ಸಾಗಿದೆ. `ಮಠ’, ‘ಎದ್ದೇಳು ಮಂಜುನಾಥ’ ಬಳಿಕ ಜಗ್ಗಣ್ಣ- ಗುರುಪ್ರಸಾದ್ ಜೋಡಿಯ 3ನೇ ಸಿನಿಮಾ ಇದು. ಸಿನಿಮಾ ಪ್ರಚಾರಕ್ಕಾಗಿ ವಿಕಾಸ್ ವಿಕ್ಕಿಪಿಡಿಯ ಜತೆಯಾಗಿದ್ದಾರೆ. ಮಂಜ ಮತ್ತು ಮಾಣಿ ಎನ್ನುವ ಸಣ್ಣ ಸ್ಕಿಟ್ ಇದೀಗ ವೈರಲ್‌ ಆಗಿದೆ.
ಗುರುಪ್ರಸಾದ್ ನಿರ್ದೇಶನದಲ್ಲಿ ಬಂದಿದ್ದ ‘ಎದ್ದೇಳು ಮಂಜುನಾಥ’ ಚಿತ್ರದಲ್ಲಿ ಮಂಜ ಆಗಿ ಜಗ್ಗೇಶ್ ಹಾಗೂ ವಿಶೇಷ ಚೇತನ ನಾಣಿ ಪಾತ್ರದಲ್ಲಿ ತಬಲ ನಾಣಿ ಕಾಂಬಿನೇಷನ್‌ ಮೂಡಿಬಂದಿತ್ತು. ಇದೀಗ ನಾಣಿ ಅವರ ವೇಷದಲ್ಲಿ ವಿಕಾಸ್ ಕಾಣಿಸಿಕೊಂಡಿದ್ದಾರೆ. ನಾಣಿಯ ಮಗ ʻಮಾಣಿʼಯಾಗಿ ವಿಕಾಸ್ ಬಂದು ಮಂಜ ಬಳಿ ಕಥೆ ಹೇಳಲು ಬರುತ್ತಾರೆ.
1911ರಲ್ಲಿ ನಡೆಯುವ ಕಥೆಯನ್ನು ಹೇಳುತ್ತಾರೆ. ಜಗ್ಗೇಶ್ ಅವರು ಈ ಸಿನಿಮಾ ಕಥೆ ಕೇಳಿ ಇಂಪ್ರೆಸ್‌ ಆಗುತ್ತಾರೆ. ಹಾಲಿವುಡ್‌ ರೇಂಜ್‌ಗಿದೆ ಎಂದು ಹೇಳುತ್ತಾರೆ. ‘ಡ್ರೋನ್’ ಕಥೆ ಇದೆ ಹೇಳ್ಲಾ? ಎಂದಾಗ ಬೇಡ ಎಂದು ಮಾಣಿನ ಕಳುಹಿಸಿಕೊಟ್ಟುಬಿಡುತ್ತಾರೆ ಜಗ್ಗೇಶ್. ಅಲ್ಲಿಂದ ಹೊರಡುವಾಗ ‘ಎದ್ದೇಳು ಮಂಜುನಾಥ’ ಚಿತ್ರದ ಡೈಲಾಗ್ ಹೊಡೆದು ಮಾಣಿ ಹೋಗುತ್ತಾನೆ.
ಇದನ್ನೂ ಓದಿ: Narendra Modi: ಕಾಜಿರಂಗ ಅಭಯಾರಣ್ಯದಲ್ಲಿ ರಾತ್ರಿ ಕಳೆಯಲಿರುವ ಮೋದಿ; ಇದರಲ್ಲೂ ಇದೆ ಒಂದು ದಾಖಲೆ!
ವೈರಲ್‌ ವಿಡಿಯೊ
ಮಾಣಿ ಹೋದ ನಂತರ ತಕ್ಷಣ ಜಗ್ಗೇಶ್ ಅವರು ಗುರುಪ್ರಸಾದ್ ಅವರಿಗೆ ಕಾಲ್‌ ಮಾಡಿ, 1911ರ ಕಥೆಯನ್ನು ಹೇಳಲು ಹೊರಡುತ್ತಾರೆ. ಮಾಣಿ ಕೇಳಿಸಿಕೊಂಡು ಒಳಗೆ ಬರುತ್ತಾನೆ. ಕೂಡಲೇ ಮಂಜ ಶಾಕ್ ಆಗಿ ಸುಮ್ಮನಾಗುತ್ತಾನೆ. ಹೀಗೆ ತಮಾಷೆಯಾಗಿ ‘ರಂಗನಾಯಕ’ ಸಿನಿಮಾ ಪ್ರಚಾರ ವಿಡಿಯೊ ವೈರಲ್‌ ಆಗಿದೆ.
ಈಗಾಗಲೇ ಜೀ ಸ್ಟುಡಿಯೋಸ್‌ ವಿತರಣಾ ಹಕ್ಕುಗಳನ್ನು ಪಡೆದುಕೊಂಡಿದೆ. ವಿಖ್ಯಾತ್‌ ಚಿತ್ರ ಪ್ರೊಡಕ್ಷನ್‌ ಬ್ಯಾನರ್‌ನಲ್ಲಿ ಎ.ಆರ್‌.ವಿಖ್ಯಾತ್‌ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ.