ಬೆಂಗಳೂರು: ನಟ ಶಂಕರ್ ನಾಗ್‌ ಅಭಿನಯದ ಸೂಪರ್‌ ಹಿಟ್‌ ಸಿನಿಮಾ ಎಸ್‌.ಪಿ ಸಾಂಗ್ಲಿಯಾನ -2 ರಿ-ರೀಲಿಸ್‌ (Sangliyana-2 Movie) ಆಗುತ್ತಿದೆ. ಶಂಕರ್ ನಾಗ್‌ ಅವರ ಅಗಲಿಕೆಗೂ ಮುಂಚೆ ಈ ಸಿನಿಮಾ ತೆರೆ ಕಂಡಿದ್ದು, ಬಾಕ್ಸ್‌ ಆಫೀಸ್‌ನಲ್ಲಿ ಸಖತ್‌ ಸದ್ದು ಮಾಡಿತ್ತು. ʻಪೊಲೀಸ್‌ ಬೆಲ್ಟ್‌ʼ ಹೆಸರಿನಲ್ಲಿ ತೆಲುಗುವಿನಲ್ಲಿಯೂ ಸಿನಿಮಾ ತೆರೆ ಕಂಡಿತ್ತು. 1990ರಲ್ಲಿ ತೆರೆ ಕಂಡಿದ್ದ ಈ ಚಿತ್ರದಲ್ಲಿ ಭವ್ಯಾ ನಾಯಕಿಯಾಗಿ ನಟಿಸಿದ್ದರು. ಇದೀಗ ಚಿತ್ರ ಇದೇ ನವೆಂಬರ್‌ 18ರಂದು ಪ್ರೇಕ್ಷರ ಮುಂದೆ ಬರುತ್ತಿದೆ.
ಸ್ವರ್ಣಗಿರಿ ಮೂವೀಸ್ ಬ್ಯಾನರ್‌ನಲ್ಲಿ ಕೃಷ್ಣರಾಜು ಮತ್ತು ಸ್ನೇಹಿತರು ಈ ಸಿನಿಮಾ ನಿರ್ಮಿಸಿದ್ದರು. ಇದೀಗ ಕೆ. ಆರ್ ಕಂಬೈನ್ಸ್ ಹಾಗೂ ಮಾರ್ಸ್ ಡಿಸ್ಟ್ರಿಬ್ಯೂಟರ್ಸ್ ಚಿತ್ರವನ್ನು ರಾಜ್ಯಾದ್ಯಂತ ಬಿಡುಗಡೆ ಮಾಡುತ್ತಿದ್ದಾರೆ. ಪೊಲೀಸ್‌ ಅಧಿಕಾರಿ ಹೆಚ್‌.ಟಿ ಸಾಂಗ್ಲಿಯಾನ ಜೀವನ ಚರಿತ್ರೆಯಿಂದ ಪ್ರೇರಣೆಗೊಂಡು ಪಿ. ನಂಜುಡಪ್ಪ ʻʻಸಾಂಗ್ಲಿಯಾನʼʼಸಿನಿಮಾ ಮಾಡಿದ್ದರು. 1988ರಲ್ಲಿ ಸಿನಿಮಾ ಸಕ್ಸೆಸ್‌ ಕಂಡಿತ್ತು.
ಇದನ್ನೂ ಓದಿ | Kannada New Film | `ಜುಗಲ್ ಬಂದಿ’ ಸಿನಿಮಾ ಮೊದಲ ಹಾಡು ಬಿಡುಗಡೆ: ಕನ್ನಡಕ್ಕೆ ಬಂದ ತಮಿಳು ಗಾಯಕಿ!
ಮೂಲಗಳ ಪ್ರಕಾರ ಈ ಸಿನಿಮಾಗೆ ರೆಬೆಲ್‌ ಸ್ಟಾರ್ ಅಂಬರೀಶ್‌ ನಟಿಸಬೇಕಾಗಿತ್ತಂತೆ. ಆದರೆ ನಿರ್ದೇಶಕ ಪಿ. ನಂಜುಡಪ್ಪ ಅವರು ಈ ಕಥೆಯನ್ನು ಶಂಕರ್ ನಾಗ್‌ ಅವರಿಗೆ ಮಾಡಿದ್ದು, ಅವರೇ ಮಾಡಬೇಕು ಎಂದು ಪಟ್ಟು ಹಿಡಿದಿದ್ದರಂತೆ. ಚಿತ್ರದಲ್ಲಿ ಡೈನಾಮಿಕ್ ಸ್ಟಾರ್ ದೇವರಾಜ್ ವಿಲನ್ ಆಗಿ ಮಿಂಚಿದ್ದಾರೆ. ಅಶೋಕ್, ಮುಖ್ಯಮಂತ್ರಿ ಚಂದ್ರು, ವಜ್ರಮುನಿ, ಮಾಸ್ಟರ್ ಮಂಜುನಾಥ್ ಸೇರಿ ದೊಡ್ಡ ತಾರಾಗಣ ಚಿತ್ರದಲ್ಲಿದೆ. ಹಂಸಲೇಖ ಸಂಗೀತ ಮತ್ತು ಸಾಹಿತ್ಯ ಈ ಸಿನಿಮಾಕ್ಕಿದೆ.
ಇದನ್ನೂ ಓದಿ | Kannada New Film | `ಜುಗಲ್ ಬಂದಿ’ ಸಿನಿಮಾ ಮೊದಲ ಹಾಡು ಬಿಡುಗಡೆ: ಕನ್ನಡಕ್ಕೆ ಬಂದ ತಮಿಳು ಗಾಯಕಿ!