ಬೆಂಗಳೂರು: ಬಾಲಿವುಡ್ ನಟ ಸಂಜಯ್ ದತ್ (Sanjay Dutt) ತಮ್ಮ ವೈಯಕ್ತಿಕ ವಿಚಾರಕ್ಕೆ ಸುದ್ದಿಯಾಗುತ್ತಲೇ ಇರುತ್ತಾರೆ. ಇದೀಗ ತಮ್ಮ 15ನೇ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿಕೊಂಡಿರುವ ಸಂಜಯ್ ದತ್ ಮತ್ತು ಮಾನ್ಯತಾ ದತ್ ಡ್ಯಾನ್ಸ್‌ ವೈರಲ್‌ ಆಗಿದೆ. ಈ ವಿಡಿಯೋವನ್ನು ಸಂಜಯ್ ದತ್ ಪತ್ನಿ ಮಾನ್ಯತಾ ದತ್ (Maanayata Dutt) ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ. ಸಂಜಯ್ ದತ್ ಮತ್ತು ಮಾನ್ಯತಾ ದತ್ ಇಬ್ಬರೂ ಡಾನ್ಸ್ ಮಾಡಿರುವ ವಿಡಿಯೊ ಶೇರ್ ಮಾಡುತ್ತಿದ್ದಂತೆ ಅಭಿಮಾನಿಗಳು ಶುಭಾಶಯ ತಿಳಿಸುವ ಜತೆಗೆ ಸಖತ್ ಟ್ರೋಲ್ ಮಾಡಿದ್ದಾರೆ. ಸಂಜಯ್ ದತ್ ಕುಡಿದಿದ್ದಾರೆ, ಅವರಿಗೆ ಡಾನ್ಸ್ ಮಾಡಲು ಆಗುತ್ತಿಲ್ಲ ಎಂದು ಮನಬಂದಂತೆ ಕಮೆಂಟ್‌ ಮಾಡಿದ್ದಾರೆ.
ವಿಡಿಯೊದಲ್ಲಿ, ಸಂಜಯ್ ಮತ್ತು ಮಾನ್ಯತಾ ದತ್ ಅವರು ತಮ್ಮ ಪ್ರೀತಿಪಾತ್ರರು ಮತ್ತು ಸ್ನೇಹಿತರಿಂದ ಸುತ್ತುವರಿದ ಕ್ಲಬ್‌ನಲ್ಲಿ ಪಾರ್ಟಿ ಮಾಡುತ್ತಿರುವುದು ಕಂಡುಬಂದಿದೆ. ಸಂಜಯ್ ನೇವಿ ಬ್ಲೂ-ಹ್ಯೂಡ್ ಸೂಟ್‌ನಲ್ಲಿ ಧರಿಸಿದ್ದಾರೆ, ಮಾನ್ಯತಾ ಅವರು ಕಲರ್ ಬ್ಲಾಕ್ ವೈಟ್ ಸ್ಕೇಟರ್ ಡ್ರೆಸ್ ಧರಿಸಿದ್ದರು. ಸಂಜಯ್ ಕೂಡ ತಮ್ಮ 15ನೇ ವಿವಾಹ ವಾರ್ಷಿಕೋತ್ಸವದ ಸಂದರ್ಭದಲ್ಲಿ ತಮ್ಮ ಪತ್ನಿ ಮಾನ್ಯತಾ ದತ್ ಅವರಿಗೆ ಹೃತ್ಪೂರ್ವಕ ಹಾರೈಕೆಯನ್ನು ಬರೆದಿದ್ದಾರೆ. ಇಬ್ಬರೂ ತಮ್ಮ ಮೋಜಿನ ನೃತ್ಯ ಕ್ಲಿಪ್‌ನ್ನು ಸೋಷಿಯಲ್‌ ಮಿಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ಸಂಜಯ್ ದತ್ TO ಸಿದ್ಧಾಂತ್‌ ಕಪೂರ್: ಬಾಲಿವುಡ್ ಬೆಂಬಿಡದ ಡ್ರಗ್ಸ್‌ ನಂಟು!
ಪತ್ನಿ ಮಾನ್ಯತಾ, ಸಂಜಯ್ ದತ್ ಅವರಿಗೆ ಹೃತ್ಪೂರ್ವಕ ಹಾರೈಕೆಯನ್ನು ಬರೆದಿದ್ದಾರೆ. ʻʻನಾವು ರಿಯಲ್ ಆಗಿದ್ದೇವೆ. ನಾವು ತಪ್ಪುಗಳನ್ನು ಮಾಡುತ್ತೇವೆ ಕ್ಷಮೆ ಕೇಳುತ್ತೇವೆ’. ಎಂದು ಬರೆದುಕೊಂಡಿದ್ದಾರೆ. ಸಂಜಯ್ ದತ್ ಕೂಡ ವಿಶೇಷ ವಿಡಿಯೊ ಶೇರ್ ಮಾಡಿ ತಮ್ಮ ಪತ್ನಿಗೆ ಪ್ರೀತಿಯ ಶುಭಾಶಯ ತಿಳಿಸಿದ್ದಾರೆ. ‘ಈ ವಿಶೇಷ ದಿನದಂದು, ನೀನು ಪ್ರತಿದಿನ ನನ್ನ ಜೀವನದಲ್ಲಿ ತರುವ ಪ್ರೀತಿ, ಸಂತೋಷವನ್ನು ಆಚರಿಸುವ ಸಮಯ. ನನ್ನ ಅದ್ಭುತ ಪತ್ನಿ, ನನ್ನ ಉತ್ತಮ ಸ್ನೇಹಿತೆಗೆ 15ನೇ ವಾರ್ಷಿಕೋತ್ಸಾವದ ಶುಭಾಶಯಗಳು’ ಎಂದು ಬರೆದುಕೊಂಡಿದ್ದಾರೆ.
ವಿಡಿಯೊ ನೋಡುತ್ತಿದ್ದಂತೆ ಸಂಜಯ್ ದತ್ ಟ್ರೋಲ್‌ಗೆ ಒಳಗಾಗಿದ್ದಾರೆ. ಕೆಲವು ನೆಟ್ಟಿಗರು ಸಂಜಯ್ ದತ್ ಕುಡಿದಿದ್ದಾರೆ. ಅವರಿಗೆ ಡಾನ್ಸ್ ಮಾಡಲು ಆಗುತ್ತಿಲ್ಲ ಎಂದು ಹೇಳುತ್ತಿದ್ದಾರೆ. ಇನ್ನು ಕೆಲವರು ನಾಚಿಕೆ ಆಗಬೇಕು ನಟನಿಗೆ ಎಂದು ಹೇಳಿದ್ದಾರೆ. ವೀಡಿಯೊದಲ್ಲಿ, ಸಂಜಯ್ ‘ಮೇರಿ ದುನಿಯಾ ಹೈ’ ಹಾಡಿಗೆ ಸ್ಟೆಪ್ಸ್‌ ಹಾಕಿದ್ದಾರೆ.
ಇದನ್ನೂ ಓದಿ: Actor Prabhas | ಪ್ರಭಾಸ್‌ ಚಿತ್ರದಲ್ಲಿ ಸಂಜಯ್ ದತ್!
ಸಂಜಯ್ ದತ್ ಮತ್ತು ಮಾನ್ಯತಾ ದತ್ ಎರಡು ವರ್ಷಗಳ ಕಾಲ ಡೇಟಿಂಗ್ ಮಾಡಿದ ನಂತರ 2008 ರಲ್ಲಿ ಗೋವಾದಲ್ಲಿ ವಿವಾಹವಾದರು. ಈ ಜೋಡಿಗೆ ಅವಳಿ ಮಕ್ಕಳಿದ್ದಾರೆ. ಶಹರಾನ್ ಮತ್ತು ಇಕ್ರಾ. ಈ ಮೊದಲು ಸಂಜಯ್ ದತ್ ರಿಚಾ ಶರ್ಮಾ ಅವರನ್ನು ಮದುವೆಯಾಗಿದ್ದರು. ರಿಚಾ 1996ರಲ್ಲಿ ಬ್ರೈನ್ ಟ್ಯೂಮರ್ ನಿಂದ ನಿಧನರಾದರು. ಮೊದಲ ಪತ್ನಿಗೆ ತ್ರಿಶಾಲಾ ದತ್ ಎನ್ನುವ ಮಗಳಿದ್ದಾಳೆ.
ಸಂಜಯ್ ದತ್ ಹಾಸ್ಯ ಚಲನಚಿತ್ರ ‘ದಿ ವರ್ಜಿನ್ ಟ್ರೀ’ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ, ಇದರಲ್ಲಿ ಸನ್ನಿ ಸಿಂಗ್, ಮೌನಿ ರಾಯ್ ಮತ್ತು ಪಾಲಕ್ ತಿವಾರಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಇದಲ್ಲದೆ, ವರ್ಜಿನ್ ಟ್ರೀ, ದಳಪತಿ ವಿಜಯ್ ಜತೆ ದಳಪತಿ 67 ಸಿನಿಮಾ, ಕನ್ನಡದಲ್ಲಿ ಧ್ರವ ಸರ್ಜಾ ಜತೆ ಸಂಜಯ್ ದತ್ ನಟಿಸುತ್ತಿದ್ದಾರೆ.