ಬೆಂಗಳೂರು: ʻಪುಟ್ಟಗೌರಿ ಮದುವೆ’ ಧಾರಾವಾಹಿ ನಂತರ ಕೆಲವು ದಿನಗಳ ಕಾಲ ನಟನೆಯಿಂದ ದೂರ ಉಳಿದಿದ್ದ ಸಾನ್ಯಾ ಅಯ್ಯರ್‌ (Sanya Iyer) ಬಿಗ್‌ ಬಾಸ್‌ ಮೂಲಕ ಖ್ಯಾತಿ ಪಡೆದರು. ಇದೀಗ ಸ್ಯಾಂಡಲ್‌ವುಡ್‌ ಮೋಹಕ ತಾರೆ ರಮ್ಯಾ ಅವರೊಂದಿಗಿ ಫೋಟೊ ಹಂಚಿಕೊಂಡು ಸಖತ್‌ ಟ್ರೋಲ್‌ ಆಗುತ್ತಿದ್ದಾರೆ. ರಮ್ಯಾ ಅವರಿಗಿಂತ ನಿಮಗೆ ಹೆಚ್ಚು ವಯಸ್ಸು ಆಗಿರುವಂತೆ ಕಾಣುತ್ತೀರಿ ಎಂದು ನೆಟ್ಟಿಗರೊಬ್ಬರು ಕಮೆಂಟ್‌ ಮಾಡಿದ್ದಾರೆ.
ಇತ್ತೀಚೆಗೆ ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಕೆಸಿಸಿ ಕ್ರಿಕೆಟ್‌ ಮ್ಯಾಚ್‌ ನೋಡಲು ಸಾನ್ಯಾ ಆಗಮಿಸಿದ್ದರು. ಈ ಪಂದ್ಯ ನೋಡಲು ಸ್ಯಾಂಡಲ್‌ವುಡ್‌ ಮೋಹಕ ತಾರೆ ರಮ್ಯಾ ಕೂಡ ಆಗಮಿಸಿದ್ದರು. ಈ ವೇಳೆ ಸಾನ್ಯಾ ಅಯ್ಯರ್‌ ಅವರು ರಮ್ಯಾ ಜತೆ ಫೋಟೊ ತೆಗೆಸಿಕೊಂಡು ಸೋಷಿಯಲ್‌ ಮೀಡಿಯಾದಲ್ಲಿ ಪೋಸ್ಟ್‌ ಮಾಡಿದ್ದಾರೆ. “ನಾನು ಬಾಲ್ಯದಲ್ಲಿ ನೀಡಿದ ಸಂದರ್ಶನವೊಂದರಲ್ಲಿ ನನ್ನ ಮೆಚ್ಚಿನ ನಟಿ ಯಾರು ಎಂದು ನಿರೂಪಕರು ಕೇಳಿದ್ದರು. ಆಗ ನಾನು ರಮ್ಯಾ ಅವರ ಹೆಸರು ಹೇಳಿದ್ದೆ. ಕೆಲವೊಂದು ವಿಷಯಗಳು ಎಂದಿಗೂ ಬದಲಾಗುವುದಿಲ್ಲ” ಎಂದು ಸ್ಯಾನ್ಯಾ ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ; Bigg Boss Kannada | ಕೊನೆಗೂ ಮದುವೆ ಬಗ್ಗೆ ರಿವೀಲ್‌ ಮಾಡಿದ ಸಾನ್ಯ ಅಯ್ಯರ್‌: ʻರೂಪಿ ಫ್ರೆಂಡ್‌ಶಿಪ್‌ ಬಿಡಲ್ಲʼಎಂದ ನಟಿ!
ಈ ಫೋಟೊಗೆ ಕೆಲವರು ಮೆಚ್ಚುಗೆ ವ್ಯಕ್ತಪಡಿಸಿದರೆ, ಇನ್ನೂ ಕೆಲವರು ಸಾನ್ಯ ಅವರಿಗೆ, ʻʻಅವರಿಗಿಂತ(ರಮ್ಯಾ) ನಿಮಗೆ ಹೆಚ್ಚು ವಯಸ್ಸು ಆಗಿರುವಂತೆ ಕಾಣುತ್ತೀರಿʼʼ ಎಂದು ನೆಟ್ಟಿಗರೊಬ್ಬರು ಕಮೆಂಟ್‌ ಮಾಡಿದ್ದಾರೆ. ʻʻನಿಮಗೆ ಕೇವಲ 21. ರಮ್ಯಾ ಅವರಿಗೆ 40. ನೀವು ಅವರಿಗಿಂತ ವಯಸ್ಸಾದವರಂತೆ ಕಾಣುತ್ತೀರಿʼʼ ಎಂದು ಕಮೆಂಟ್‌ ಮಾಡಿದ್ದಾರೆ. ʻʻರಮ್ಯಾ ಅವರೇ ಕ್ವೀನ್‌ʼʼ ಎಂದು ಮತ್ತೊಬ್ಬರು ಕಮೆಂಟ್‌ ಮಾಡಿದ್ದಾರೆ.
ಕೆಲವು ದಿನಗಳ ಹಿಂದೆ ಸಾನ್ಯಾ ಅಯ್ಯರ್‌, ಪುತ್ತೂರಿನಲ್ಲಿ ಗಲಾಟೆ ಮಾಡಿಕೊಂಡಿದ್ದರು. ಈ ವಿಡಿಯೊ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿತ್ತು.