ಬೆಂಗಳೂರು: ಕಾರ್ತಿಕ್ ಆರ್ಯನ್ (Kartik Aaryan) ಮತ್ತು ಸಾರಾ ಅಲಿ ಖಾನ್ (Sara Ali Khan) ಇತ್ತೀಚೆಗೆ ಉದಯಪುರದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. 2020ರಲ್ಲಿ ತೆರೆ ಕಂಡ ʻಲವ್ ಆಜ್ ಕಲ್ʼ ಸಿನಿಮಾದಲ್ಲಿ ಈ ಜೋಡಿ ಒಟ್ಟಿಗೆ ಕಾಣಿಸಿಕೊಂಡಿತ್ತು. ಬಳಿಕ ಇಬ್ಬರೂ ಸ್ವಲ್ಪ ಸಮಯದವರೆಗೆ ಸಂಬಂಧದಲ್ಲಿದ್ದರು ಎಂದು ವರದಿಯಾಗಿತ್ತು. ಇದೀಗ ಮಾಧ್ಯಮವೊಂದು ಸಾರಾ ಅಲಿ ಖಾನ್ ಮತ್ತು ಕಾರ್ತಿಕ್ ಆರ್ಯನ್ ಅವರು ಕಾಣಿಸಿಕೊಂಡಿರುವ ವಿಡಿಯೊವನ್ನು ಪೋಸ್ಟ್‌ ಮಾಡಿದೆ.
ಕಾರ್ತಿಕ್ ಚೆಕ್ ಶರ್ಟ್‌ನಲ್ಲಿ ಕಾಣಿಸಿಕೊಂಡರೆ, ಸಾರಾ ಬಿಳಿ ಕ್ರಾಪ್ ಟಾಪ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ವಿಡಿಯೊದಲ್ಲಿ ಇಬ್ಬರೂ ಮಾತುಕತೆಯಲ್ಲಿ ಬ್ಯುಸಿಯಾದಂತೆ ಕಂಡಿದೆ. ಅಭಿಮಾನಿಯೊಬ್ಬರು ವಿಡಿಯೊಗೆ ʻʻಇಬ್ಬರೂ ಪ್ರೀತಿಯಲ್ಲಿ ಇದ್ದಾರೆʼʼಎಂದು ಕಮೆಂಟ್‌ ಮಾಡಿದರೆ, ಇನ್ನೊಬ್ಬರು, “ಸಾರ್ತಿಕ್ (ಸಾರ, ಕಾರ್ತಿಕ್) ಮತ್ತೆ ಒಂದಾಗುತ್ತಿದ್ದಾರೆʼʼ ಎಂದು ಕಮೆಂಟ್‌ ಮಾಡುತ್ತಿದ್ದಾರೆ.
ಸಾರಾ ತನ್ನ ಇನ್ಸ್ಟಾಗ್ರಾಮ್ ಸ್ಟೋರಿಗಳಲ್ಲಿ ಉದಯಪುರದ ಎರಡು ಚಿತ್ರಗಳ ಕೊಲಾಜ್ ಅನ್ನು ಹಂಚಿಕೊಂಡಿದ್ದಾರೆ. ಒಂದು ಅವರು ಉಳಿದುಕೊಂಡಿದ್ದ ಹೋಟೆಲ್‌ನ ಚಿತ್ರವಾಗಿದ್ದರೆ, ಇನ್ನೊಂದು ಅವರು ರಾಜಸ್ಥಾನಿ ಥಾಲಿಯ ಫೋಟೊ ಆಗಿತ್ತು. ಬುಧವಾರ ಫೆ.8, ಕಾರ್ತಿಕ್ ಉದಯಪುರದ ಸರೋವರದ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಗಂಟೆಗಳ ನಂತರ, ಅವರು ತಮ್ಮ ಮುಖವನ್ನು ತೋರಿಸದೆ ದೋಣಿ ಸವಾರಿಯ ಮತ್ತೊಂದು ಸಣ್ಣ ವಿಡಿಯೊವನ್ನು ಹಂಚಿಕೊಂಡಿದ್ದರು.
ಇದನ್ನೂ ಓದಿ: Kartik Aaryan: 10 ದಿನಗಳ ಚಿತ್ರೀಕರಣಕ್ಕೆ 20 ಕೋಟಿ ರೂ. ಸಂಭಾವನೆ ಪಡೆದ ಕಾರ್ತಿಕ್ ಆರ್ಯನ್: ಕ್ಲಾರಿಟಿ ಕೊಟ್ಟ ನಟ!
ಇದನ್ನೂ ಓದಿ: Happy Birthday ಸಾರಾ ಅಲಿ ಖಾನ್
ಕಾರ್ತಿಕ್ ಮತ್ತು ಸಾರಾ ಈಗ ಒಟ್ಟಿಗೆ ಯಾವುದೇ ಚಿತ್ರದಲ್ಲಿ ಕೆಲಸ ಮಾಡುತ್ತಿಲ್ಲ. ಕಾರ್ತಿಕ್ ಪ್ರಸ್ತುತ ಕೃತಿ ಸನೂನ್‌ ಜತೆ ಮುಂಬರುವ ಚಿತ್ರ ʻಶೆಹಜಾದʼ ಪ್ರಚಾರದಲ್ಲಿ ನಿರತರಾಗಿದ್ದಾರೆ. ಫೆಬ್ರವರಿ 10 ರಂದು ಬಿಡುಗಡೆ ಮಾಡಲು ಚಿತ್ರತಂಡ ನಿರ್ಧರಿಸಿತ್ತು. ಆದರೆ ಶಾರುಖ್ ಖಾನ್ ಅವರ ಪಠಾಣ್‌ ಸಿನಿಮಾ ಕಾರಣ ಈ ಸಿನಿಮಾ ಫೆಬ್ರವರಿ 17 ಕ್ಕೆ ಮುಂದೂಡಲಾಗಿದೆ. ಕಿಯಾರಾ ಆಡ್ವಾಣಿ ಅವರೊಂದಿಗೆ ʻಸತ್ಯಪ್ರೇಮ್ ಕಿ ಕಥಾʼ ಸಿನಿಮಾ ಕೂಡ ಕಾರ್ತಿಕ್ ಹೊಂದಿದ್ದಾರೆ.