ಮುಂಬೈ: ಬಾಲಿವುಡ್‌ ಸ್ಟಾರ್‌ಗಳೆಂದರೆ ಅವರಿಗೊಂದು ಗತ್ತಿರುತ್ತದೆ. ಅವರು ದೊಡ್ಡ ದೊಡ್ಡ ಮಾಲ್‌ಗಳಲ್ಲೇ ಶಾಪಿಂಗ್‌ ಮಾಡುತ್ತಾರೆ. ರಸ್ತೆ ಬದಿ ಅಂಗಡಿಗಳತ್ತ ತಿರುಗಿಯೂ ನೋಡುವುದಿಲ್ಲ ಎನ್ನುವ ಕಲ್ಪನೆಯು ಜನಸಾಮಾನ್ಯರಿಗೆ ಇರುತ್ತದೆ. ಆದರೆ ಬಾಲಿವುಡ್‌ ನಟಿ ಸಾರಾ ಅಲಿ ಖಾನ್‌ (Sara Ali Khan) ಅದೆಲ್ಲವನ್ನೂ ಮೀರಿ ನಡೆದುಕೊಂಡಿದ್ದಾರೆ. ಬಾಂದ್ರಾದ ರಸ್ತೆ ಬದಿಯ ಅಂಗಡಿಗಳಲ್ಲಿ ಅತ್ಯಂತ ಸಾಮಾನ್ಯರಂತೆ ಶಾಪಿಂಗ್‌ ಮಾಡಿದ್ದಾರೆ.
ಹೌದು. ಸಾರಾ ಅಲಿ ಖಾನ್‌ ಅವರು ಇತ್ತೀಚೆಗೆ ಬಾಂದ್ರಾದ ರಸ್ತೆ ಬದಿ ಅಂಗಡಿಗಳ ಎದುರು ಓಡಾಡಿರುವ ವಿಡಿಯೊವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದೆ. ನಟಿ ಕೆಲವು ಬಟ್ಟೆಗಳನ್ನು ಅಲ್ಲಿಂದ ಖರೀದಿ ಮಾಡಿರುವ ದೃಶ್ಯವನ್ನೂ ನೀವು ವಿಡಿಯೊದಲ್ಲಿ ನೋಡಬಹುದು. ಹಾಗೆಯೇ ಅವರು ಅಂಗಡಿ ಮಾಲೀಕರ ಬಳಿ ಮಾತನಾಡುತ್ತಿರುವುದು ಕೂಡ ವಿಡಿಯೊದಲ್ಲಿ ಸೆರೆಯಾಗಿದೆ.
ಇದನ್ನೂ ಓದಿ: Viral Video: ವಿಮಾನದಲ್ಲೇ ಭಿಕ್ಷೆ ಬೇಡಿದ ಪಾಕ್‌ ರಾಜಕಾರಣಿ; ನೆರೆ ರಾಷ್ಟ್ರಕ್ಕೆ ಇದೆಂಥಾ ದುಸ್ಥಿತಿ?
ಸ್ನೇಹಿತೆಯೊಬ್ಬರ ಜತೆ ಸಾರಾ ಬಾಂದ್ರಾದಲ್ಲಿ ಶಾಪಿಂಗ್‌ ಮಾಡಿದ್ದಾರೆ. ಯಾವುದೇ ಅದ್ಧೂರಿ ಬಟ್ಟೆ ಧರಿಸಿದೆ ಕಪ್ಪು ಬಣ್ಣದ ಟೀ ಶರ್ಟ್‌ ಜತೆ ಕಪ್ಪು ಬಣ್ಣದ ಶಾರ್ಟ್ಸ್‌ ಹಾಗೂ ಸ್ಲಿಂಗ್‌ ಬ್ಯಾಗ್‌ ಒಂದನ್ನು ನಟಿ ತೊಟ್ಟಿರುವುದನ್ನು ನೋಡಬಹುದು. ಈ ವಿಡಿಯೊವನ್ನು ವೈರಲ್‌ ಭಯಾನಿ ಹೆಸರಿನ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ವಿಡಿಯೊ ಸಾಕಷ್ಟು ಮಂದಿಯಿಂದ ವೀಕ್ಷಣೆ ಪಡೆದುಕೊಂಡಿದ್ದು, ಸಾವಿರಾರು ಮಂದಿ ಲೈಕ್‌ ಕೂಡ ಮಾಡಿದ್ದಾರೆ. “ಸಿಂಪ್ಲಿಸಿಟಿಗೆ ಮತ್ತೊಂದು ಹೆಸರೇ ಸಾರಾ” ಎಂದು ಮೆಚ್ಚುಗೆಯ ಕಾಮೆಂಟ್‌ಗಳನ್ನೂ ಮಾಡಲಾರಂಭಿಸಿದ್ದಾರೆ.
ಸಾರಾ ಅಲಿ ಖಾನ್‌ ಅವರ ನಟನೆಯ ʻಜರಾ ಹಟ್ಕೆ ಜರಾ ಬಚ್ಕೆʼ ಸಿನಿಮಾ ಇತ್ತೀಚೆಗೆ ಬಿಡುಗಡೆಯಾಗಿದ್ದು, ಯಶಸ್ಸು ಕಂಡಿದೆ. ಈ ಸಿನಿಮಾದಲ್ಲಿ ನಟಿ ನಟ ವಿಕ್ಕಿ ಕೌಶಲ್‌ ಅವರೊಂದಿಗೆ ಜೋಡಿಯಾಗಿ ನಟಿಸಿದ್ದಾರೆ. ಒಳ್ಳೆಯ ಪ್ರತಿಕ್ರಿಯೆ ಪಡೆದುಕೊಂಡಿರುವ ಈ ಸಿನಿಮಾದ ರೊಮ್ಯಾಂಟಿಕ್‌ ಕಾಮಿಡಿ ಸಿನಿಮಾವಾಗಿದೆ. ಸಾರಾ ಅವರು ಸಣ್ಣ ಪಟ್ಟಣದಲ್ಲಿ ಬೆಳೆದ ಸೌಮ್ಯ ಹೆಸರಿನ ಪಾತ್ರದಲ್ಲಿ ನಟಿಸಿದ್ದಾರೆ.