ನವದೆಹಲಿ: ಬಾಲಿವುಡ್ ನ ಇಬ್ಬರು ಬಾದ್ಷಾಗಳಾದ ಅಮಿತಾಭ್ ಬಚ್ಚನ್ ಮತ್ತು ಶಾರುಖ್ ಖಾನ್ 17 ವರ್ಷಗಳ ನಂತರ ಹೊಸ ಪ್ರಾಜೆಕ್ಟ್ಗಾಗಿ ಒಂದಾಗಿದ್ದಾರೆ ಎಂದು ವರದಿಯಾಗಿದೆ. ಇದಾಗಿ ಕೆಲವು ದಿನಗಳ ನಂತರ ಹೊಸ ವೀಡಿಯೊ ಈಗ ಸಾಮಾಜಿಕ ಮಾಧ್ಯಮದಲ್ಲಿ ಕಾಣಿಸಿಕೊಂಡಿದೆ. ಅದರಲ್ಲಿ ಅವರಿಬ್ಬರೂ ಜತೆಯಾಗಿ ಓಡುತ್ತಿರುವುದನ್ನು ಕಾಣಬಹುದು. ವೈರಲ್ ಕ್ಲಿಪ್ ಬಗ್ಗೆ ಯಾವುದೇ ಮಾಹಿತಿಯನ್ನು ಹಂಚಿಕೊಳ್ಳುವುದಿಲ್ಲ ಆದರೆ ಶೀಘ್ರದಲ್ಲೇ ಪ್ರಕಟ ಎಂದಷ್ಟೇ ಬರೆಯಲಾಗಿದೆ.
ಶಾರುಖ್ ಖಾನ್ ಮತ್ತು ಅಮಿತಾಬ್ ಬಚ್ಚನ್ ಶೀಘ್ರದಲ್ಲೇ ಯೋಜನೆಗಾಗಿ ಮತ್ತೆ ಒಂದಾಗುತ್ತಾರೆಯೇ ಎಂದು ಅಭಿಮಾನಿಗಳು ಚರ್ಚೆ ನಡೆಸುತ್ತಿರುವ ನಡುವೆಯೇ ಹೊಸ ಚಿತ್ರ ಅವರ ಕೌತುಕವನ್ನು ಹೆಚ್ಚಿಸಿದೆ. ಡಾನ್ 3ಸಿನಿಮಾದಲ್ಲಿ ಈ ಇಬ್ಬರೂ ಹಿರಿಯ ಗೆಸ್ಟ್ ಅಪಿಯರೆನ್ಸ್ ಪಾತ್ರದಲ್ಲಿ ಕಾಣಿಸಿಕೊಳ್ಳಬಹುದು ಎಂದು ಕೆಲವರು ಊಹಿಸಿದರೆ. ಇನ್ನೂ ಕೆಲವರು ಜಾಹೀರಾತಾಗಿರಬಹುದು ಎಂದು ಹೇಳಿದ್ದಾರೆ. ಅದರ ವಿಡಿಯೊ ಇಲ್ಲಿದೆ.
ಕಳೆದ ತಿಂಗಳು, ಎಕ್ಸ್ ನಲ್ಲಿ (ಹಳೆಯ ಟ್ವಿಟರ್) #AskSRK ಎಂಬ ಆನ್ಲೈನ್ ಸಂವಾದದ ವೇಳೆ ಅಭಿಮಾನಿಯೊಬ್ಬರು ಅಮಿತಾಬ್ ಬಚ್ಚನ್ಗಾಗಿ ಕೆಲವು ಸಾಲುಗಳನ್ನು ಬರೆಯುವಂತೆ ಶಾರುಖ್ ಖಾನ್ ಅವರನ್ನು ಕೇಳಿದ್ದರು. “ಅನೇಕ ವರ್ಷಗಳ ನಂತರ @SrBachchan ಅವರೊಂದಿಗೆ ಕೆಲಸ ಮಾಡುವುದು ತುಂಬಾ ಖುಷಿ ಎನಿಸಿದೆ. ಚಿತ್ರೀಕರಣದಿಂದ ಸ್ಫೂರ್ತಿ ಮತ್ತು ಆಶೀರ್ವಾದ ಇರಲಿ. ಅಮಿತಾಭ್ ನನ್ನನ್ನು ಓಟದಲ್ಲಿ ಸೋಲಿಸಿದರು ಎಂದು ಶಾರುಖ್ ಖಾನ್ ಬರೆದುಕೊಂಡಿದ್ದಾರೆ.
ಇದಕ್ಕೂ ಮೊದಲು ಅಮಿತಾಬ್ ಬಚ್ಚನ್ ಕೂಡ ಶಾರುಖ್ ಖಾನ್ ಅವರೊಂದಿಗೆ ಕೆಲಸ ಮಾಡುವ ಬಗ್ಗೆ ಸುಳಿವು ನೀಡಿದ್ದರು. ತಮ್ಮ ‘ಕೌನ್ ಬನೇಗಾ ಕರೋಡ್ಪತಿ 13’ ಕಾರ್ಯಕ್ರಮದ ಎಪಿಸೋಡ್ನಲ್ಲಿ ಮಾತನಾಡಿದ ಅವರು, “ನಾನು ಗೌರಿಯ ಒಳಾಂಗಣ ವಿನ್ಯಾಸದ ಕೆಲಸಗಳನ್ನು ನೋಡಿದೆ. ಇತ್ತೀಚೆಗೆ, ನಾನು ಎಸ್ ಆರ್ ಕೆ ಅವರೊಂದಿಗೆ ಚಿತ್ರೀಕರಣದಲ್ಲಿದ್ದೆ. ಮಾತನಾಡುತ್ತಾ ಅವರ ವ್ಯಾನ್ ಒಳಗೆ ಹೋದೆ. ಅದನ್ನು ಸುಂದರವಾಗಿ ವಿನ್ಯಾಸಗೊಳಿಸಲಾಗಿದೆ. ಟಿವಿ, ಸ್ಲೈಡಿಂಗ್ ಸೋಫಾ, ಅಡುಗೆಮನೆ ಮತ್ತು ಇತರ ಅನೇಕ ಸಂಗತಿಗಳಿವೆ . ಅದನ್ನು ಗೌರಿ ಖಾಣ್ ವಿನ್ಯಾಸಗೊಳಿಸಿದ್ದಾರೆ ಎಂದು ಅಮಿತಾಭ್ ಹೇಳಿದ್ದಾರೆ.
ಇದನ್ನೂ ಓದಿ : Shah Rukh Khan: ತಿರುಪತಿ ದೇವಸ್ಥಾನಕ್ಕೆ ಶಾರುಖ್ ಖಾನ್, ನಯನತಾರಾ ಭೇಟಿ, ಫ್ಲೈಯಿಂಗ್‌ ಕಿಸ್‌ ನೀಡಿದ ಬಾದ್‌ಶಾ
ಅಮಿತಾಬ್ ಬಚ್ಚನ್ ಮತ್ತು ಶಾರುಖ್ ಖಾನ್ ಈ ಹಿಂದೆ ಮೊಹಬ್ಬತೇನ್, ಕಭಿ ಖುಷಿ ಕಭಿ ಗಮ್ ಮತ್ತು ಕಭಿ ಅಲ್ವಿದಾ ನಾ ಕೆಹ್ನಾದಂಥ ಅನೇಕ ಹಿಟ್ ಸಿನಿಮಾಗಳಲ್ಲಿ ಸಹಕರಿಸಿದ್ದಾರೆ. ಅಭಿಮಾನಿಗಳು ಈಗ ಉಸಿರು ಬಿಗಿಹಿಡಿದು ಅವರ ಪುನರ್ಮಿಲನಕ್ಕಾಗಿ ಕಾಯುತ್ತಿದ್ದಾರೆ.
ಶಾರುಖ್ ಖಾನ್ ಅವರ ಜವಾನ್ ಸೆಪ್ಟೆಂಬರ್ 7 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಅಟ್ಲೀ ನಿರ್ದೇಶನದ ಈ ಚಿತ್ರದಲ್ಲಿ ನಯನತಾರಾ, ವಿಜಯ್ ಸೇತುಪತಿ, ಸಾನ್ಯಾ ಮಲ್ಹೋತ್ರಾ ಮತ್ತು ಪ್ರಿಯಾಮಣಿ ನಟಿಸಿದ್ದಾರೆ. ಈ ಚಿತ್ರದಲ್ಲಿ ದೀಪಿಕಾ ಪಡುಕೋಣೆ ಇದ್ದಾರೆ.