ಬೆಂಗಳೂರು: ಬಾಲಿವುಡ್‌ ನಟ ಶಾರುಖ್ ಖಾನ್ (Shah Rukh Khan) ನವೆಂಬರ್‌ 2ರಂದು 58ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಮಧ್ಯರಾತ್ರಿ, ಮುಂಬೈನ ಬಾಂದ್ರಾದಲ್ಲಿರುವ ಅವರ ಮನೆ ಮನ್ನತ್‌ನ ಹೊರಗೆ ಅವರ ವಿಶೇಷ ದಿನವನ್ನು ಆಚರಿಸಲು ಸಾವಿರಾರು ಅಭಿಮಾನಿಗಳು ಜಮಾಯಿಸಿದರು. ಪ್ರತಿ ವರ್ಷ ಶಾರುಖ್ ಹುಟ್ಟುಹಬ್ಬದಂದು, ಅವರ ಬಾಲ್ಕನಿಯಲ್ಲಿ ನಿಂತು ಅಭಿಮಾನಿಗಳಿಗೆ ಫ್ಲೈ ಕಿಸ್‌ ನೀಡಿ ದರ್ಶನ ಕೊಡುತ್ತಾರೆ. ಈ ಬಾರಿ ಕೂಡ ಅಬಿಮಾನಿಗಳಿಗೆ ಶಾರುಖ್ ಧನ್ಯವಾದ ಸೂಚಿಸಿದ್ದಾರೆ.
ಶಾರುಖ್ ಅಭಿಮಾನಿಗಳಿಗೆ ಕೈ ಬೀಸಿ ಫ್ಲೈ ಕಿಸ್‌ ನೀಡಿದರು. “ನೀವು ತುಂಬಾ ತಡರಾತ್ರಿಯಲ್ಲಿ ಬಂದು ನನ್ನನ್ನು ಹಾರೈಸಿರುವುದು ನಂಬಲು ಅಸಾಧ್ಯವಾಗಿದೆ. ನಾನು ಕೇವಲ ನಟ ಮಾತ್ರ. ನಾನು ನಿಮ್ಮನ್ನು ಸ್ವಲ್ಪಮಟ್ಟಿಗೆ ಮನರಂಜಿಸಬಹುದು ಎಂಬ ಅಂಶಕ್ಕಿಂತ ಬೇರೆ ಯಾವುದೂ ನನಗೆ ಸಂತೋಷವನ್ನು ನೀಡುವುದಿಲ್ಲ. ನಾನು ನಿಮ್ಮ ಪ್ರೀತಿಯಲ್ಲಿ ಬದುಕುತ್ತೇನೆ. ನಿಮ್ಮೆಲ್ಲರನ್ನೂ ರಂಜಿಸಲು ನನಗೆ ಅವಕಾಶ ಮಾಡಿಕೊಟ್ಟಿದ್ದಕ್ಕಾಗಿ ಧನ್ಯವಾದಗಳುʼʼ ಎಂದು ಬರೆದುಕೊಂಡಿದ್ದಾರೆ.
ಶಾರುಖ್ ತಮ್ಮ ಅಭಿಮಾನಿಗಳತ್ತ ಕೈ ಬೀಸಿದರು, ಥಂಬ್ಸ್-ಅಪ್ ಕೂಡ ಮಾಡಿದರು. ಶಾರುಖ್ ಖಾನ್ ಹುಟ್ಟುಹಬ್ಬದಂದು ಭಾರತದಾದ್ಯಂತ ಅಭಿಮಾನಿಗಳು ಮುಂಬೈ ತಲುಪುತ್ತಾರೆ. ನಟನನ್ನು ಹಾರೈಸಲು ಮತ್ತು ಅವರ ದರ್ಶನ ಪಡೆಯಲು ಅವರು ಮಧ್ಯರಾತ್ರಿಯಿಂದಲೇ ಮನ್ನತ್‌ನ ಹೊರಗೆ ಸರತಿ ಸಾಲಿನಲ್ಲಿ ನಿಂತಿದ್ದಾರೆ. ಅನೇಕರು ನಟನಿಗೆ ಉಡುಗೊರೆಗಳು, ಹುಟ್ಟುಹಬ್ಬದ ಕೇಕ್‌ಗಳು, ಪೋಸ್ಟರ್‌ಗಳು, ಸಿಹಿತಿಂಡಿಗಳು, ಹೂಗುಚ್ಛಗಳು ಮತ್ತು ಹೆಚ್ಚಿನದನ್ನು ಒಯ್ಯುತ್ತಾರೆ. ಜನಸಂದಣಿಯನ್ನು ಕಂಟ್ರೋಲ್‌ ತರಲು ಪೊಲೀಸರನ್ನೂ ನಿಯೋಜಿಸಲಾಗಿದೆ.
ಇದನ್ನೂ ಓದಿ: Shah Rukh Khan: ʻಡಂಕಿʼ ಹೊಸ ಪೋಸ್ಟರ್‌ ಔಟ್‌; ಒಂದು ದಿನ ಮೊದಲೇ ವಿದೇಶದಲ್ಲಿ ರಿಲೀಸ್‌!
#WATCH | Mumbai: Actor Shah Rukh Khan waves at the fans who gathered outside his residence 'Mannat' in large numbers to catch a glimpse of him, on Shah Rukh Khan's 58th birthday.#ShahRukhKhan pic.twitter.com/gjE99qa0ZX
— ANI (@ANI) November 1, 2023
ಶಾರುಖ್ ತಮ್ಮ ಅಭಿಮಾನಿಗಳಿಗೆ ಸಿಹಿ ಸುದ್ದಿ ಕೂಡ ನೀಡಿದ್ದಾರೆ. ಅವರ ಜವಾನ್ ಸಿನಿಮಾ ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗಿದೆ. ಮೂಲಗಳ ಪ್ರಕಾರ, ಅವರ ಮುಂಬರುವ ಚಿತ್ರವಾದ ಡಂಕಿ ಟೀಸರ್ ನ.2ರಂದು ಬೆಳಗ್ಗೆ 11 ಗಂಟೆಯ ಸುಮಾರಿಗೆ ಔಟ್‌ ಆಗಲಿದೆ.
Fan craze at midnight infront of Mannat. This is not a festival in India, this is the birthday of the biggest star.
— Prem Kumar Shaw (@itspk2809) November 2, 2023
*I am the last of the stars"
Happy Birthday to king of bollywood @iamsrk #SRK𓃵 #HappyBirthdaySRK #ShahRukhKhan #ShahRukhKhan𓀠 pic.twitter.com/h1L25gSFi9
ಒಂದೇ ವರ್ಷ ಎರಡು ಸೂಪರ್‌ ಹಿಟ್‌ ಚಿತ್ರಗಳನ್ನು ನೀಡಿದ ಶಾರುಖ್ ಖಾನ್ ಅವರ ಇನ್ನೊಂದು ಸಿನಿಮಾ ಈ ವರ್ಷಾಂತ್ಯದಲ್ಲಿ ತೆರೆ ಕಾಣಲಿದೆ. ರಾಜ್‌ಕುಮಾರ್‌ ಹಿರಾನಿ ನಿರ್ದೇಶನದ ʼಡಂಕಿʼ ಚಿತ್ರ ಡಿಸೆಂಬರ್ 22ರಂದು ಬಿಡುಗಡೆಯಾಗಲಿದ್ದು, ಅಂದೇ ಪ್ರಭಾಸ್‌ ನಟನೆಯ ʼಸಲಾರ್‌ʼ ಸಿನಿಮಾ ಕೂಡ ರಿಲೀಸ್‌ ಆಗಲಿದೆ. ಈ ಮೂಲಕ ಕ್ರಿಸ್‌ಮಸ್‌ ವೇಳೆಗೆ ಬಹುದೊಡ್ಡ ಪೈಪೋಟಿ ನಡೆಯಲಿದೆ.