ಬೆಂಗಳೂರು: ಶಾರುಖ್ ಖಾನ್ ಇತ್ತೀಚೆಗೆ ದುಬೈನಲ್ಲಿ ತಮ್ಮ ಮುಂಬರುವ ಚಿತ್ರ ‘ಡಂಕಿ’ (Dunki Movie) ಪ್ರಚಾರ ಕಾರ್ಯದಲ್ಲಿ ಭಾಗಿಯಾಗಿದ್ದರು. ಈವೆಂಟ್‌ನಲ್ಲಿ, ಬಾಲಿವುಡ್‌ ಕಿಂಗ್ ಖಾನ್ ಅವರು ಈ ವರ್ಷದ ಇತರ ಬ್ಲಾಕ್‌ಬಸ್ಟರ್‌ ಸಿನಿಮಾಗಳಾದ ‘ಪಠಾಣ್‌’ ಮತ್ತು ‘ಜವಾನ್’ ಸಿನಿಮಾಗಳಿಗಿಂತ ‘ಡಂಕಿ’ ಸಿನಿಮಾ ವಿಭಿನ್ನವಾಗಿರಲಿದೆ ಎಂದು ಹೇಳಿದರು. ರಾಜ್ಕುಮಾರ್ ಹಿರಾನಿ ನಿರ್ದೇಶನದ ಡಂಕಿ ಚಿತ್ರ ಡಿಸೆಂಬರ್ 21ರಂದು ತೆರೆಗೆ ಬರಲಿದೆ.
ವಿಶೇಷವಾಗಿರಲಿದೆ ಡಂಕಿ!
ಶಾರುಖ್ ಖಾನ್ ಅವರು ಈ ವರ್ಷ ಪಠಾಣ್‌ ಸಿನಿಮಾ ಮೂಲಕ ಭರ್ಜರಿ ಎಂಟ್ರಿ ಪಡೆದುಕೊಂಡರು. ಇದಾದ ಬಳಿಕ ʻಜವಾನ್ʼ ಸಿನಿಮಾ ಹಿಟ್‌ ಆಯ್ತು. ಮುಂಬರುವ ಚಿತ್ರವಾದ ‘ಡಂಕಿ’ಯೊಂದಿಗೆ ಈ ವರ್ಷವನ್ನು ಕೊನೆಗೊಳಿಸಲು ಸಿದ್ಧರಾಗಿದ್ದಾರೆ. ದುಬೈನಲ್ಲಿ ಇತ್ತೀಚೆಗೆ ನಡೆದ ಪ್ರಚಾರ ಕಾರ್ಯಕ್ರಮದ ಸಂದರ್ಭದಲ್ಲಿ, ಥಿಯೇಟರ್‌ಗಳಲ್ಲಿ ಬಂದು ಸಿನಿಮಾ ವೀಕ್ಷಿಸಲು ಅಭಿಮಾನಿಗಳನ್ನು ಪ್ರೋತ್ಸಾಹಿಸಿದರು ಶಾರುಖ್.
ʻಪಠಾಣ್‌ ಹಾಗೂ ಜವಾನ್ ಸಿನಿಮಾಗಳು ನನಗಾಗಿ ಮಾಡಿದ್ದಲ್ಲ ಎಂದು ಅನ್ನಿಸಿತು. ಪಠಾಣ್‌ ಸಿನಿಮಾವನ್ನು ಹುಡುಗಿಯರಿಗಾಗಿ ಮಾಡಿದ್ದೇನೆ. ಡಂಕಿ ನನ್ನ ಚಿತ್ರ. ಈ ಚಿತ್ರ ನನ್ನ ಹೃದಯಕ್ಕೆ ಹತ್ತಿರವಾಗಿದೆ. ನನಗಾಗಿ ಮಾಡಿದ ಈ ಡಂಕಿ ಸಿನಿಮಾವನ್ನು ಮಾಡಿ, ವರ್ಷವನ್ನು ಮುಗಿಸಲು ನಾನು ಬಯಸುತ್ತೇನೆ. ರಾಜ್ಕುಮಾರ್ ಹಿರಾನಿ ಈ ರೀತಿಯ ಸಿನಿಮಾ ಈ ಹಿಂದೆ ಮಾಡಿಲ್ಲ. ಹಿರಾನಿ ಯುಗಯುಗಾಂತರಗಳ ಪ್ರೇಮಕಥೆಯನ್ನು ಮಾಡಿದ್ದಾರೆʼʼಎಂದರು.
ನಿರ್ದೇಶಕ ರಾಜ್ಕುಮಾರ್ ಹಿರಾನಿ ಆ್ಯಕ್ಷನ್‌ ಕಟ್‌ ಹೇಳಿರುವ ಈ ಸಿನಿಮಾ ಡಿಸೆಂಬರ್ 21ರಂದು ತೆರೆಗೆ ಬರಲಿದೆ. ಸದ್ಯ ‘ಡಂಕಿ’ ಸಿನಿಮಾದ ಸೆನ್ಸಾರ್ ಪ್ರಕ್ರಿಯೆ ಮುಗಿದಿದ್ದು, ಯು/ಎ ಪ್ರಮಾಣಪತ್ರ (UA Certificate) ಪಡೆದುಕೊಂಡಿದೆ. ಈ ವೇಳೆ ʼಡಂಕಿʼ ಚಿತ್ರ ಎಷ್ಟು ಅವಧಿ ಇರಲಿದೆ ಎನ್ನುವ ಮಾಹಿತಿಯೂ ಹೊರ ಬಿದ್ದಿದೆ. ಶಾರುಖ್ ಖಾನ್-ತಾಪ್ಸಿ ಪನ್ನು ಜೋಡಿಯ ಈ ಚಿತ್ರ 2 ಗಂಟೆ 41 ನಿಮಿಷ ಇದೆ ಎಂಬುದು ತಿಳಿದುಬಂದಿದೆ. ಚಿತ್ರಕ್ಕೆ ಯು/ಎ ಪ್ರಮಾಣಪತ್ರ ಲಭಿಸಿದ್ದು, ಪ್ಲಸ್‌ ಪಾಯಿಂಟ್‌ ಎಂದೇ ಕರೆಯಲಾಗುತ್ತದೆ. ಕುಟುಂಬ ಸಮೇತರಾಗಿ ಬರುವ ಪ್ರೇಕ್ಷಕರನ್ನು ಸೆಳೆಯಲು ಇದು ಸಹಾಯ ಮಾಡುತ್ತದೆ ಎಂದು ವಿಶ್ಲೇಷಕರು ಅಭಿಪ್ರಾಯಪಡುತ್ತಾರೆ.
ಇದನ್ನೂ ಓದಿ: Dunki Movie: ಶಾರುಖ್ ಚಿತ್ರ ʼಡಂಕಿʼಗೆ ಸಿಕ್ತು ‘ಯು/ಎ’ ಪ್ರಮಾಣಪತ್ರ; ಸಿನಿಮಾದ ಅವಧಿ ಎಷ್ಟು?
Everything that went down at Shah Rukh Khanâs Dunki promotions in Dubai https://t.co/y4MyM0ug0r
— Netamaker (@netamakerIndia) December 18, 2023
ಚಿತ್ರಕ್ಕೆ ಪ್ರಮಾಣಪತ್ರ ನೀಡುವ ಜತೆಗೆ ಸೆನ್ಸಾರ್ ಮಂಡಳಿ ಕೆಲವೊಂದು ಬದಲಾವಣೆಗಳನ್ನು ಸೂಚಿಸಿತ್ತು. ಆತ್ಮಹತ್ಯೆಯ ದೃಶ್ಯ ಇರುವಲ್ಲಿ ‘ಯಾವುದೇ ಸಮಸ್ಯೆಗೆ ಆತ್ಮಹತ್ಯೆ ಪರಿಹಾರವಲ್ಲ’ ಎಂಬ ಸೂಚನೆಯನ್ನು ನೀಡಲು ತಿಳಿಸಿತ್ತು. ಜತೆಗೆ ಸಿನಿಮಾದ ಕೊನೆಯಲ್ಲಿ ತೋರಿಸಿದ ಕೆಲವು ವಿಷಯಗಳಿಗೆ ಪುರಾವೆ ಒದಗಿಸುವಂತೆ ಕೇಳಿಕೊಂಡಿತ್ತು. ಇದನ್ನು ʼಡಂಕಿʼ ಚಿತ್ರತಂಡ ಪಾಲಿಸಿದೆ ಎಂದು ಮೂಲಗಳು ತಿಳಿಸಿವೆ.
ಬಾಲಿವುಡ್‌ನ ಸ್ಟಾರ್‌ಗಳಾದ ಶಾರುಖ್ ಖಾನ್ ಮತ್ತು ರಾಜ್ಕುಮಾರ್ ಹಿರಾನಿ ಮೊದಲ ಬಾರಿ ಒಂದಾಗುತ್ತಿದ್ದಾರೆ ಎನ್ನುವಾಗಲೇ ಈ ಚಿತ್ರದ ಬಗ್ಗೆ ನಿರೀಕ್ಷೆ ಮೂಡಿತ್ತು. ಅದಕ್ಕೆ ತಕ್ಕಂತೆ ಚಿತ್ರತಂಡ ಹಾಡು, ಟ್ರೈಲರ್‌ಗಳನ್ನು ಒಂದೊಂದಾಗಿ ರಿಲೀಸ್‌ ಮಾಡಿ ಕುತೂಹಲ ಹೆಚ್ಚಿಸಿತ್ತು. ವಿಕ್ಕಿ ಕೌಶಲ್‌ ಕೂಡ ಚಿತ್ರದ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಪ್ರತಿ ಬಾರಿಯೂ ವಿಭಿನ್ನ ಕಥೆಯೊಂದಿಗೆ ಪ್ರೇಕ್ಷಕರ ಮುಂದೆ ಬರು ನಿರ್ದೇಶಕರು ಈ ಬಾರಿ ವಲಸೆಯ ಎಳೆಯನ್ನು ಚಿತ್ರವನ್ನಾಗಿಸಿದ್ದಾರೆ.
ಇದನ್ನೂ ಓದಿ: Dunki Movie: ಕಿಂಗ್ ಖಾನ್ ಸಿನಿಮಾ ವೀಕ್ಷಿಸಲು ಭಾರತಕ್ಕೆ ಬರ್ತಿದ್ದಾರೆ 100 ಫ್ಯಾನ್ಸ್!
HQ pics 📸 of Shah Rukh Khan from Dubai event at global village.#ShahRukhKhan @iamsrk @RedChilliesEnt @RajkumarHirani @RHFilmsOfficial #DunkiAdvanceBooking pic.twitter.com/4G318zNTWv
— ♡♔SRKCFC♔♡™ (@SRKCHENNAIFC) December 18, 2023
ಇನ್ನೊಂದು ವಿಶೇಷ ಎಂದರೆ ಈ ವರ್ಷ ಶಾರುಖ್ ಖಾನ್ ಬ್ಯಾಕ್‌ ಟು ಬ್ಯಾಕ್‌ ಸೂಪರ್‌ ಹಿಟ್‌ ಚಿತ್ರಗಳಲ್ಲಿ ಕೊಟ್ಟಿದ್ದಾರೆ. ವರ್ಷಾರಂಭದಲ್ಲಿ ಬಂದ ʼಪಠಾಣ್‌ʼ ಮತ್ತು ಇತ್ತೀಚೆಗೆ ಬಿಡುಗಡೆಯಾದ ʼಜವಾನ್ʼ ಚಿತ್ರಗಳಲ್ಲಿ ಭಾಕ್ಸ್‌ ಆಫೀಸ್‌ನಲ್ಲಿ ಭರ್ಜರಿ ಕಲೆಕ್ಷನ್‌ ಮಾಡಿವೆ. ಎರಡೂ ಚಿತ್ರಗಳು 1,000 ಕೋಟಿ ರೂ.ಗಿಂತ ಅಧಿಕ ಗಳಿಕೆ ಕಂಡಿವೆ. ಹೀಗಾಗಿ ʼಡಂಕಿʼ ಚಿತ್ರವೂ ಬಾಕ್ಸ್‌ ಆಫೀಸ್‌ನಲ್ಲಿ ಕಮಾಲ್‌ ಮಾಡಲಿದೆ ಎಂದು ಶಾರುಖ್ ಅಭಿಮಾನಿಗಳು ಅಭಿಪ್ರಾಯ ಪಡುತ್ತಾರೆ.