ಬೆಂಗಳೂರು : ಶಾರುಖ್ ಅಭಿನಯದ ‘ಪಠಾಣ್ʼ ಸಿನಿಮಾ (Pathaan Movie) ಜನವರಿ 25ರಂದು ವಿಶ್ವಾದ್ಯಂತ ತೆರೆ ಕಾಣುತ್ತಿದೆ. ಇದೀಗ ಚಿತ್ರದ ಮೇಲೆ ಶಾರುಖ್ ಅಭಿಮಾನಿಗಳು ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಚಲನಚಿತ್ರ ವ್ಯಾಪಾರ ವಿಶ್ಲೇಷಕರು ಟ್ವೀಟ್‌ ಮೂಲಕ ಪಠಾಣ್ ಕಲೆಕ್ಷನ್‌ ಕುರಿತು ಮಾಹಿತಿ ಹಂಚಿಕೊಂಡಿದ್ದಾರೆ. ಒಬ್ಬರು ಬಾಹುಬಲಿ-2 ಸಿನಿಮಾಗಿಂತಲೂ ಪಠಾಣ್ ಭಾರಿ ಕಲೆಕ್ಷನ್‌ ಮಾಡುವ ನಿರೀಕ್ಷೆ ಇದೆ ಎಂದು ಹೇಳಿಕೊಂಡಿದ್ದಾರೆ.
ವ್ಯಾಪಾರದ ಅನುಭವಿ ತರಣ್ ಆದರ್ಶ್, ʻʻಪಠಾಣ್ ಮೊದಲ ದಿನವು ಐತಿಹಾಸಿಕವಾಗಿರುತ್ತದೆ. ಮೊದಲ ದಿನ ಭಾರಿ ಕಲೆಕ್ಷನ್‌ ಮಾಡುತ್ತದೆ. ಈ ಚಿತ್ರ ಹುಟ್ಟುಹಾಕಿದ ಕ್ರೇಜ್, ಇತ್ತೀಚಿನ ದಿನಗಳಲ್ಲಿ ಯಾವ ಚಿತ್ರವೂ ಮಾಡಲಿಲ್ಲ. ಈ ರೀತಿಯ ಕ್ರೇಜ್ ಹುಟ್ಟುಹಾಕಿದೊ ಇತ್ತೀಚಿನ ಚಿತ್ರಗಳೆಂದರೆ ಕೆಜಿಎಫ್ – 2 (2022). ವಾರ್ (2019), ʼʼ ಎಂದು ಹೇಳಿಕೊಂಡಿದ್ದಾರೆ.
ಜೈಪುರದ ಎಂಟರ್‌ಟೈನ್‌ಮೆಂಟ್ ಪ್ಯಾರಡೈಸ್‌ನ ಮಾಲೀಕ ರಾಜ್ ಬನ್ಸಾಲ್ ಅವರು ಪಠಾಣ್ ಕುರಿತು ʻʻಪಠಾಣ್ ಮೊದಲ ದಿನವೇ ಭರ್ಜರಿ ಓಪನಿಂಗ್ ಪಡೆದುಕೊಳ್ಳಲಿದೆ. 45-50 ಕೋಟಿ ರೂ. ಮೊದಲ ದಿನವೇ ಕಲೆಕ್ಷನ್‌ ಮಾಡುತ್ತದೆ. ಸಿನಿಮಾ ಕ್ರೇಜ್ ಅಭೂತಪೂರ್ವವಾಗಿದೆ. ಕುತೂಹಲಕಾರಿ ಅಂಶವೆಂದರೆ ಕಳೆದ ವಾರ ಪಠಾಣ್ ಬಗ್ಗೆ ಅಷ್ಟೊಂದು ಕ್ರೇಜ್ ಇರಲಿಲ್ಲ. ಬಾಹುಬಲಿ ಸಿನಿಮಾಗಿಂತಲೂ ಪಠಾಣ್ ಅತ್ಯಧಿಕ ಕಲೆಕ್ಷನ್‌ ಮಾಡುತ್ತದೆ.ʼʼಎಂದಿದ್ದಾರೆ.
ಇದನ್ನೂ ಓದಿ | Pathaan Film | ದುಬೈನ ಬುರ್ಜ್ ಖಲೀಫಾದಲ್ಲಿ ʻಪಠಾಣ್ʼ ಟ್ರೈಲರ್‌ ಅನಾವರಣ!
ಟ್ರೇಡ್ ವಿಶ್ಲೇಷಕ ಅತುಲ್ ಮೋಹನ್ ಭವಿಷ್ಯ ನುಡಿದು ʻʻಪಠಾಣ್ ಓಪನಿಂಗ್ ಸುಮಾರು ರೂ. 35-40 ಕೋಟಿ. ರೂ ಗಳಿಕೆ ಕಾಣಬಹುದು. ಪಠಾಣ್‌ಗೆ ಒಂದು ಪ್ಲಸ್‌ ಪಾಯಿಂಟ್‌ ಎಂದರೆ ರಜಾ ದಿನಗಳು ಸಿಗುವ ಕಾರಣ ಚಿತ್ರಮಂದಿರಗಳಲ್ಲಿ ಸಿನಿರಸಿಕರು ಖಂಡಿತ ಬಂದು ಸಿನಿಮಾ ವೀಕ್ಷಿಸುತ್ತಾರೆʼʼಎಂದಿದ್ದಾರೆ.
ಅತುಲ್ ಮೋಹನ್, “ವಾರಾಂತ್ಯದಲ್ಲಿ ಸುಮಾರು 150-175 ಕೋಟಿ ರೂ. ಚಿತ್ರ ಗಳಿಕೆ ಕಂಡರೆ, ದಿನಕ್ಕೆ 50 ಕೋಟಿ ರೂ. ಗಳಿಸಬಹುದು, 5 ದಿನಗಳಲ್ಲಿ 200 ಕೋಟಿ ರೂ. ಗಳಿಸುತ್ತದೆʼʼ ಎಂದಿದ್ದಾರೆ.
ಗಿರೀಶ್ ಜೋಹರ್ ಭವಿಷ್ಯ ನುಡಿದು, “ಐದು ದಿನಗಳ ವಾರಾಂತ್ಯದಿಂದ ಜಾಗತಿಕ ಬಾಕ್ಸ್ ಆಫೀಸ್ 300 ಕೋಟಿ. ರೂ ತಲುಪಬಹುದುʼʼಎಂದರು. ಜನವರಿ 25ಕ್ಕೆ ಪಠಾಣ್ ಸಿನಿಮಾ ವಿಶ್ವಾದ್ಯಂತ ತೆರೆ ಕಾಣುತ್ತಿದೆ. ಹೀಗಾಗಿ 5 ದಿನ ಮುಂಚಿತವಾಗಿ ಚಿತ್ರದ ಮುಂಗಡ ಬುಕ್ಕಿಂಗ್‌ ಆರಂಭವಾಗಲಿದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ. 2 ಗಂಟೆ 26 ನಿಮಿಷದ ಚಿತ್ರಕ್ಕೆ ಯು/ಎ ಪ್ರಮಾಣ ಪತ್ರ ಸಿಕ್ಕಿದೆ. 13 ಕಡೆಗಳಲ್ಲಿ ಸೆನ್ಸಾರ್‌ ಮಂಡಳಿ ಬದಲಾವಣೆಗೆ ಸೂಚಿಸಿತ್ತು.
ಯಶ್ ರಾಜ್ ಬ್ಯಾನರ್ನಡಿ ನಿರ್ಮಾಣವಾಗುತ್ತಿರುವ ಪಠಾಣ್ ಸಿನಿಮಾವನ್ನು ಸಿದ್ದಾರ್ಥ್ ಆನಂದ್ ನಿರ್ದೇಶನ ಮಾಡಿದ್ದಾರೆ. ಶಾರುಖ್ ಖಾನ್, ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಮೊದಲ ಬಾರಿಗೆ ಪಠಾಣ್ ಚಿತ್ರದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ.ನವೆಂಬರ್ನಲ್ಲಿ ಟೀಸರ್ ಬಿಡುಗಡೆಯಾಗಿದೆ.
ಇದನ್ನೂ ಓದಿ | Shahrukh Khan | ʻಪಠಾಣ್ʼ ಚಿತ್ರೀಕರಣದ ಸೆಟ್ನಿಂದ ವೈರಲ್‌ ಆಯ್ತು ಶಾರುಖ್ ಫೋಟೊ