ಬೆಂಗಳೂರು : ಇಡೀ ಭಾರತೀಯ ಚಿತ್ರರಂಗದಲ್ಲಿ ಕೆಜಿಎಫ್‌ ಮೂಲಕ ಖ್ಯಾತಿ ಪಡೆದವರು ರಾಕಿಂಗ್‌ ಸ್ಟಾರ್‌ ಯಶ್‌ (Rocking Star Yash). 2022ರಲ್ಲಿ ಅತಿ ಹೆಚ್ಚು ಬಾಕ್ಸ್‌ ಆಫೀಸ್‌ ಕಲೆಕ್ಷನ್‌ ಮಾಡಿರುವ ಕೀರ್ತಿ ಕೆಜಿಎಫ್‌-2ಗೆ ಸಲ್ಲುತ್ತದೆ. ಬಾಲಿವುಡ್‌ನಲ್ಲಿಯೂ ಯಶ್‌ಗೆ ಡಿಮ್ಯಾಂಡ್‌ ಇದೆ. ಬಾಲಿವುಡ್‌ನಲ್ಲಿ ಯಶ್‌ ನಂ ೧ ಎಂದು ಬಾಲಿವುಡ್‌ ಖ್ಯಾತ ನಟ ಶಾಹಿದ್‌ ಕಪೂರ್‌ ಕೂಡ ಹೇಳಿದ್ದಾರೆ.
ಕರಣ್‌ ಜೋಹರ್‌ ನಡೆಸಲಿರುವ ʻಕಾಫಿ ವಿತ್‌ ಕರಣ್‌ʼ ಶೋನಲ್ಲಿ ಶಾಹಿದ್‌ ಕಪೂರ್‌ ಹಾಗೂ ಕಿಯಾರಾ ಅಡ್ವಾಣಿ ಭಾಗಿಯಾಗಿದ್ದರು. ಈ ವೇಳೆ ಕರಣ್‌ ಜೋಹರ್‌ ʻಬಾಲಿವುಡ್‌ ನಂ 1 ಹೀರೋ ಹಾಗೂ ಹಿರೋಯಿನ್‌ ಯಾರುʼ ಎಂದು ಪ್ರಶ್ನೆ ಕೇಳಿದ್ದಾರೆ. ಈ ಪ್ರಶ್ನೆಗೆ ಶಾಹೀದ್‌ ʻನಂ 1 ನಟಿ ಇವರೇʼ ಎಂದು ಕಿಯಾರ ಕಡೆ ನೋಡಿದ್ದಾರೆ. ನಟನ ಬಗ್ಗೆ ʻನನ್ನ ಪ್ರಕಾರ ಬಾಲಿವುಡ್‌ ನಂ 1 ಹೀರೋ ರಾಕಿ ಬಾಯ್‌ʼ ಎಂದು ಹೇಳಿದ್ದಾರೆ.
ಇದನ್ನೂ ಓದಿ | Rocking Star Yash | ರಾಕಿ ಬಾಯ್‌ ಯಶ್‌ ಬೆಳ್ಳಿತೆರೆಗೆ ಎಂಟ್ರಿ ಕೊಟ್ಟು ಇಂದಿಗೆ 14 ವರ್ಷ!
ಈ ಹಿಂದೆ ಶಾಹೀದ್‌ ಕಪೂರ್‌ ಅವರ ಜೆರ್ಸಿ ಸಿನಿಮಾ 2021ರಲ್ಲಿ ತೆರೆ ಕಾಣಬೇಕಿತ್ತು. ಆದರೆ ಕೊರೊನಾದಿಂದಾಗಿ ಪೋಸ್ಟ್‌ ಪೋನ್‌ ಆಗಿತ್ತು. ಈ ಸಿನಿಮಾವನ್ನು ಏಪ್ರಿಲ್‌ 14ರಂದು ಬಿಡುಗಡೆಗೊಳಿಸಬೇಕೆಂದು ನಿರ್ಧರಿಸಲಾಗಿತ್ತು. ಅದೇ ದಿನ ಕೆಜಿಎಫ್‌-2 ಸಿನಿಮಾ ರಿಲೀಸ್‌ ಫಿಕ್ಸ್‌ ಆಗಿತ್ತು. ಆದರೂ ಜೆರ್ಸಿ ಸಿನಿಮಾ ಬಿಡುಗಡೆ ಮಾಡುವುದಾಗಿ ನಿರ್ಧರಿಸಲಾಗಿತ್ತು. ನಂತರ ಜೆರ್ಸಿ ಸಿನಿಮಾ ಏಪ್ರಿಲ್‌ 14ರ ಬದಲಾಗಿ ಎಪ್ರಿಲ್‌ 22ರಂದು ಬಿಡುಗಡೆ ಮಾಡುವುದಾಗಿ ನಿರ್ಧರಿಸಲಾಯಿತು. ಇದೀಗ ಯಶ್‌ ಬಗ್ಗೆ ಶಾಹೀದ್‌ ಈ ರೀತಿ ಮಾತನಾಡಿರುವುದು ಕೂತೂಹಲ ಮೂಡಿಸಿದೆ.
ಇದನ್ನೂ ಓದಿ | Koffee With Karan | ಮಾಜಿ ಪತಿ ಬಗ್ಗೆ ಸಮಂತಾ ವ್ಯಂಗ್ಯ: ಹೊಸ ವ್ಯಕ್ತಿಯಾಗಿದ್ದೇನೆಂದ ನಾಗ ಚೈತನ್ಯ