ಬೆಂಗಳೂರು: ಬಾಲಿವುಡ್ ನಟ ಶಾರುಖ್‌ ಖಾನ್ (Shahrukh Khan) ಆನ್‌ಲೈನ್‌ನಲ್ಲಿ ಅಭಿಮಾನಿಗಳೊಂದಿಗೆ ಸಂವಾದ ನಡೆಸಿದ್ದಾರೆ. ಇದೇ ವೇಳೆ ಹಲವು ನಟರ ಕುರಿತು ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ ಶಾರುಖ್‌. ಅಭಿಮಾನಿಯೊಬ್ಬರು ಯಶ್ ಬಗ್ಗೆ ಒಂದು ಪದ ಹೇಳುವುದಾದರೆ ಎಂದು ಪ್ರಶ್ನಿಸಿದಾಗ, ಶಾರುಖ್‌ ಅವರು ಯಶ್ ಅಂದರೆ ʻವಾವ್‌ʼ ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.
ಯಶ್ ನೆಚ್ಚಿನ ನಟ ಶಾರುಖ್‌ ಖಾನ್. ಈ ಹಿಂದೆ ಸಾಕಷ್ಟು ಬಾರಿ ರಾಕಿಂಗ್ ಸ್ಟಾರ್ ಈ ವಿಚಾರವನ್ನು ಹಂಚಿಕೊಂಡಿದ್ದಾರೆ. ಶಾರುಖ್‌ ಖಾನ್ ನನಗೆ ದೊಡ್ಡ ಇನ್‌ಸ್ಪಿರೇಶನ್ ಎಂದು ಯಶ್ ಸಂದರ್ಶನಗಳಲ್ಲಿ ಹೇಳಿದ್ದರು. ಆದರೆ ಈಗ ಅದೇ ಶಾರುಖ್‌, ನಟ ಯಶ್ ಅವರನ್ನು ಮೆಚ್ಚಿ ಕೊಂಡಾಡಿದ್ದಾರೆ. ಶಾರುಖ್‌ ಖಾನ್ ಅವರು ಆಯುಷ್ಮಾನ್‌ ಖುರಾನ್‌ ಪ್ರೀತಿ ಪಾತ್ರರು, ಹೃತಿಕ ರೋಷನ್‌ ಕುಟುಂಬದವರು, ಸಲ್ಮಾನ್‌ ಖಾನ್ ಅವರ ಭಜರಂಗಿ ಭಾಯಿ ಜಾನ್‌ ನೆಚ್ಚಿನ ಸಿನಿಮಾ ಎಂದಿದ್ದಾರೆ. ರಾಮ್‌ಚರಣ್‌ ಅತ್ಯಂತ ಪ್ರೀತಿಪಾತ್ರ ಎಂದು ಶಾರುಖ್‌ ಹೇಳಿಕೊಂಡಿದ್ದಾರೆ.
ಇನ್ನೊಂದೆಡೆ ʻಪಠಾಣ್ʼ ಕೇಸರಿ ವಿವಾದ ತಾರರಕ್ಕೇರದೆ. ಇದರ ನಡುವೆ ಶಾರುಖ್‌ 15 ನಿಮಿಷಗಳ ಕಾಲ ಅಭಿಮಾನಿಗಳೊಂದಿಗೆ ಸಂವಾದ ನಡೆಸಿದ್ದಾರೆ. 4 ವರ್ಷಗಳ ಹಿಂದೆ ‘KGF’ ಸಿನಿಮಾ ರಿಲೀಸ್ ದಿನವೇ ಶಾರುಖ್‌ ಖಾನ್ ನಟನೆಯ ‘ಜಿರೋ’ ಸಿನಿಮಾ ಕೂಡ ತೆರೆಗೆ ಬಂದಿತ್ತು. ಆದರೆ ‘KGF’ ಎದುರು ಶಾರುಕ್ ಖಾನ್ ಸಿನಿಮಾ ಸೋತಿತ್ತು.
ಇದನ್ನೂ ಓದಿ | Shahrukh Khan | ಮೆಕ್ಕಾ ಬಳಿಕ ವೈಷ್ಣೋದೇವಿ ದೇವಸ್ಥಾನಕ್ಕೆ ಭೇಟಿ ಕೊಟ್ಟ ಶಾರುಖ್‌ ಖಾನ್: ವಿಡಿಯೊ ವೈರಲ್‌!
ಏನಿದು ಕೇಸರಿ ವಿವಾದ?
ಪಠಾಣ್ ಸಿನಿಮಾದ ʻಬೇಷರಮ್‌ ರಂಗ್‌’ ಹಾಡಿನಲ್ಲಿ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಕೇಸರಿ ಬಿಕಿನಿ ಹಾಕಿದ್ದಾರೆ ಎನ್ನುವ ವಿವಾದ ತಾರಕಕ್ಕೇರಿದೆ. ಇದು ಬೇಕು ಎಂತಲೇ ಮಾಡಿದ ಹುನ್ನಾರ ಎಂದು ಹಿಂದುಪರ ಸಂಘಟನೆಗಳು ಆರೋಪಿಸುತ್ತಿವೆ. ‘ಬೇಷರಮ್‌ ರಂಗ್‌’ ಅಂದರೆ ಕನ್ನಡದಲ್ಲಿ ನಾಚಿಕೆ ಇಲ್ಲದ ಬಣ್ಣ ಎಂದಾಗುತ್ತದೆ. ಕೇಸರಿ ಬಣ್ಣಕ್ಕೆ ನಾಚಿಕೆ ಇಲ್ಲದ ಬಣ್ಣ ಎಂದು ಜರಿದಿದ್ದಾರೆ ಎಂದು ಹೋಲಿಕೆ ಮಾಡಿಕೊಂಡು ಹಲವರು ಗರಂ ಆಗಿದ್ದಾರೆ. ಬೇಕು ಎಂತಲೇ ಈ ರೀತಿ ಕೇಸರಿ ಬಣ್ಣಕ್ಕೆ ಅವಮಾನ ಮಾಡಲಾಗಿದೆ ಎಂದು ಕಮೆಂಟ್ ಕೂಡ ಮಾಡುತ್ತಿದ್ದಾರೆ. ಜನವರಿ 25, 2023ಕ್ಕೆ ಚಿತ್ರ ಬಿಡುಗಡೆಗೊಳ್ಳುತ್ತಿದೆ. ಹಿಂದಿ, ತಮಿಳು ಮತ್ತು ತೆಲುಗಿನಲ್ಲಿ ರಿಲೀಸ್ ಆಗುತ್ತಿರುವುದಾಗಿ ಚಿತ್ರ ತಂಡ ಹಂಚಿಕೊಂಡಿದೆ.
ಇದನ್ನೂ ಓದಿ | Actor Yash | ಯಶ್ ಮುಂದಿನ ಸಿನಿಮಾ ಯಾವುದು? ಸುಳಿವು ಕೊಟ್ರಾ ನಟ?