ಬೆಂಗಳೂರು: ‘ಪಠಾಣ್’ ಸಿನಿಮಾ ಬಿಡುಗಡೆಗೆ ಸಜ್ಜಾಗುತ್ತಿದೆ. ಶಾರುಖ್ ಖಾನ್ (Shahrukh Khan ), ದೀಪಿಕಾ ಪಡುಕೋಣೆ ಹಾಗೂ ಜಾನ್ ಅಬ್ರಹಾಂ ತಾರೆಯರನ್ನು ತೆರೆ ಮೇಲೆ ಒಟ್ಟಾಗಿ ಕಾಣಲು ಸಿನಿಪ್ರಿಯರು ಕಾಯುತ್ತಿದ್ದಾರೆ. ಇದೀಗ ಪಠಾಣ್ ಚಿತ್ರದ ಚಿತ್ರೀಕರಣದ ಸೆಟ್‌ನಲ್ಲಿ ಕಿಂಗ್ ಖಾನ್ ಅವರನ್ನು ಅಭಿಮಾನಿಗಳು ಎತ್ತುತ್ತಿರುವ ಫೋಟೊ ವೈರಲ್‌ ಆಗಿದೆ.
ರಾಜವೀರ್ ಅಶರ್ ಇನ್‌ಸ್ಟಾದಲ್ಲಿ ಫೋಟೊ ಶೇರ್‌ ಮಾಡಿಕೊಂಡಿದ್ದು ʻʻಈ ಹೆಸರು ಯಾಕೆ ಬಂತು, ಹೇಗೆ ಬಂತು ಎಂಬುದಕ್ಕೆ ಕಾಯಿರಿ. ಪಠಾಣ್ 25 ಜನವರಿ 2023 ತೆರೆಗೆ, ಕೇವಲ 10 ದಿನಗಳು ಮಾತ್ರʼʼ…ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ | Shahrukh Khan | ಶಾರುಖ್ ʻಪಠಾಣ್ʼ ಹೇರ್‌ಸ್ಟೈಲ್‌ ಟ್ರೆಂಡ್ ಬಹುಶಃ ನನ್ನಿಂದಾಗಿರಬಹುದು ಎಂದ ಮರಾಠಿ ಬಿಗ್‌ ಬಾಸ್‌ ಸ್ಪರ್ಧಿ!
ಪಠಾಣ್ ಜನವರಿ 25 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಪಠಾಣ್ ಚಿತ್ರದ ಟ್ರೈಲರ್ ಅನ್ನು ಬುರ್ಜ್ ಖಲೀಫಾದಲ್ಲಿ ಪ್ರದರ್ಶಿಸಲಾಗಿದೆ. ಶಾರುಖ್ ಮ್ಯಾನೇಜರ್ ಪೂಜಾ ದದ್ಲಾನಿ ಅವರು ತಮ್ಮ ಇನ್‌ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಇವೆಂಟ್‌ನ ಗ್ಲಿಂಪ್ಸ್‌ಗಳನ್ನು ಹಂಚಿಕೊಂಡಿದ್ದಾರೆ. ಬುರ್ಜ್ ಖಲೀಫಾದಲ್ಲಿ ಪಠಾಣ್ ಟ್ರೈಲರ್ ಅನಾವರಣಗೊಳ್ಳುತ್ತಿದ್ದಂತೆ ಪಠಾಣ್ ಸಿಗ್ನೇಚರ್ ಸ್ಟೆಪ್ಸ್‌ ಅನ್ನು ಶಾರುಖ್ ಮಾಡಿರುವ ವಿಡಿಯೊ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. ಶಾರುಖ್ ಖಾನ್, ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಕೂಡ ಈ ವೇಳೆ ಭಾಗಿಯಾಗಿದ್ದರು.
ಯಶ್ ರಾಜ್ ಬ್ಯಾನರ್ನಡಿ ನಿರ್ಮಾಣವಾಗುತ್ತಿರುವ ಪಠಾಣ್ ಸಿನಿಮಾವನ್ನು ಸಿದ್ಧಾರ್ಥ್‌ ಆನಂದ್ ನಿರ್ದೇಶನ ಮಾಡಿದ್ದಾರೆ. ಶಾರುಖ್ ಖಾನ್, ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಮೊದಲ ಬಾರಿಗೆ ಪಠಾಣ್ ಚಿತ್ರದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ನವೆಂಬರ್ನಲ್ಲಿ ಟೀಸರ್ ಬಿಡುಗಡೆಯಾಗಿದೆ.
ಇದನ್ನೂ ಓದಿ | Shahrukh Khan | ʻಪಠಾಣ್ʼ ಎರಡನೇ ಹಾಡಿಗೆ ವ್ಯಾಪಕ ಮೆಚ್ಚುಗೆ: ದೀಪಿಕಾ-ಶಾರುಖ್ ಸ್ಟೆಪ್ಸ್‌ಗೆ ಫ್ಯಾನ್ಸ್‌ ಫಿದಾ!