ಬೆಂಗಳೂರು: ʻಪಠಾಣ್ʼ ಸಿನಿಮಾ ಸಕ್ಸೆಸ್‌ ಬೆನ್ನಲ್ಲೇ ʻಜವಾನ್ʼ (Jawan) ಚಿತ್ರೀಕರಣದಲ್ಲಿ ನಟ ಶಾರುಖ್ ಖಾನ್ (Shahrukh Khan) ಬ್ಯುಸಿಯಾಗಿದ್ದಾರೆ. ಕೆಲವು ದಿನಗಳ ಹಿಂದೆ, ಜವಾನ್ ಸಿನಿಮಾದ ಕ್ಲಿಪ್‌ಗಳು ಲೀಕ್‌ ಆಗಿದ್ದವು. ಕ್ಲಿಪ್‌ನಲ್ಲಿ ನಯನತಾರಾ ಹಾಗೂ ಶಾರುಖ್ ರೊಮ್ಯಾನ್ಸ್, ಮತ್ತೊಂದು ಸೋರಿಕೆಯಾದ ದೃಶ್ಯದಲ್ಲಿ ಶಾರುಖ್ ಮತ್ತು ದೀಪಿಕಾ ಪಡುಕೋಣೆ ಜವಾನ್‌ಗಾಗಿ ವಿಶೇಷ ಹಾಡಿನ ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡಿದ್ದು. ಇನ್ನೊಂದು ಫೈಟ್ ಸೀಕ್ವೆನ್ಸ್‌ನಲ್ಲಿ ಶಾರುಖ್ ಅವರನ್ನು ತೋರಿಸುವ ವಿಡಿಯೊ ಕೂಡ ಲೀಕ್‌ ಆಗಿತ್ತು. ಇಷ್ಟೆಲ್ಲ ದೃಶ್ಯಗಳು ವೈರಲ್‌ ಆಗುತ್ತಿದ್ದಂತೆ ಶಾರುಖ್ ಖಾನ್ ಮತ್ತು ಗೌರಿ ಖಾನ್ ಒಡೆತನದ ನಿರ್ಮಾಣ ಸಂಸ್ಥೆ ರೆಡ್ ಚಿಲ್ಲೀಸ್ ಎಂಟರ್‌ಟೈನ್‌ಮೆಂಟ್ ಪ್ರೈವೇಟ್ ಲಿಮಿಟೆಡ್ ಈ ಸೋರಿಕೆಯಾದ ಕ್ಲಿಪ್‌ಗಳ ಕುರಿತು ದೆಹಲಿ ಹೈಕೋರ್ಟ್‌ನಲ್ಲಿ ಮೊಕದ್ದಮೆ ಹೂಡಿದೆ. ನಿರ್ದೇಶಕ ಅಟ್ಲಿ ನಿರ್ದೇಶನದ ಜವಾನ್ ಜೂನ್ 2 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುತ್ತಿದೆ.
ಪಠಾಣ್ ನಂತರ ಶಾರುಖ್ ಖಾನ್ ಜವಾನ್ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರವನ್ನು ಅಟ್ಲಿ ನಿರ್ದೇಶಿಸಿದ್ದಾರೆ. ಈ ಸಿನಿಮಾ ಮೂಲಕ ಶಾರುಖ್ ಹೊಸ ಅವತಾರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ರೆಡ್ ಚಿಲ್ಲೀಸ್ ಎಂಟರ್‌ಟೈನ್‌ಮೆಂಟ್ ಪ್ರೈವೇಟ್ ಲಿಮಿಟೆಡ್ ಕಾಪಿರೈಟ್ ಉಲ್ಲಂಘನೆಯ ಕುರಿತು ಜವಾನ್‌ನ ಕ್ಲಿಪ್‌ಗಳು ಸೋರಿಕೆಯಾದ ಬಗ್ಗೆ ದೆಹಲಿ ಹೈಕೋರ್ಟ್‌ನಲ್ಲಿ ಮೊಕದ್ದಮೆ ಹೂಡಿದೆ. ದೆಹಲಿ ಹೈಕೋರ್ಟ್‌ನಿಂದ ನ್ಯಾಯಮೂರ್ತಿ ಸಿ ಹರಿ ಶಂಕರ್ ಏಪ್ರಿಲ್ 25 ರಂದು ಶಾರುಖ್ ಪರವಾಗಿ ತೀರ್ಪು ನೀಡಿದ್ದಾರೆ. ಜವಾನ್‌ನ ಸೋರಿಕೆಯಾದ ಕ್ಲಿಪ್‌ಗಳನ್ನು ತೆಗೆದುಹಾಕಲು ಮತ್ತು ಅವುಗಳ ಪ್ರಸಾರವನ್ನು ನಿಲ್ಲಿಸಲು ಯೂಟ್ಯೂಬ್, ಗೂಗಲ್, ಟ್ವಿಟರ್ ಮತ್ತು ರೆಡ್ಡಿಟ್‌ನಂತಹ ಸಾಮಾಜಿಕ ಮಾಧ್ಯಗಳ ಪ್ಲಾಟ್‌ಫಾರ್ಮ್‌ಗಳಿಗೆ ಆದೇಶ ನೀಡಿದ್ದಾರೆ. ಜವಾನ್‌ನ ಕಾಪಿ ರೈಟ್‌ ಕಟೆಂಟ್‌ಗಳನ್ನು ಡೌನ್‌ಲೋಡ್ ಮಾಡಲು ಅನುಮತಿಸುವ ವೆಬ್‌ಸೈಟ್‌ಗಳಿಗೆ ಪ್ರವೇಶವನ್ನು ನಿರ್ಬಂಧಿಸಲು ನ್ಯಾಯಾಧೀಶರು ವಿವಿಧ ಇಂಟರ್ನೆಟ್ ಸೇವಾ ಪೂರೈಕೆದಾರರಿಗೆ ( Internet Service Providers )ಆದೇಶಿಸಿದೆ.
ಇದನ್ನೂ ಓದಿ: Shah Rukh Khan: ಶಾರುಖ್ ಅಭಿಮಾನಿಗಳ ಅಭಿಮಾನದ ಜವಾನ್ ಪೋಸ್ಟರ್‌ ವೈರಲ್‌! ಟ್ರೆಂಡ್‌ ಆಗಿದ್ಯಾಕೆ?
ಇದನ್ನೂ ಓದಿ: Shahrukh Khan: ಶಾರುಖ್ ಖಾನ್ ಭೇಟಿ ಮಾಡಿದ ಸಂತಸದ ಕ್ಷಣವನ್ನು ಹಂಚಿಕೊಂಡ ಮಾಡೆಲ್‌ ನವಪ್ರೀತ್
ಜವಾನ್ ಆ್ಯಕ್ಷನ್ ಥ್ರಿಲ್ಲರ್ ಸಿನಿಮಾ ಇದಾಗಿದ್ದು, ಅಟ್ಲಿ ಬರೆದು ನಿರ್ದೇಶಿಸಿದ್ದಾರೆ. ಇದರಲ್ಲಿ ಶಾರುಖ್ ಖಾನ್ ಜತೆಗೆ ವಿಜಯ್ ಸೇತುಪತಿ, ನಯನತಾರಾ, ಸನ್ಯಾ ಮಲ್ಹೋತ್ರಾ ಮತ್ತು ಪ್ರಿಯಾಮಣಿ ನಟಿಸಿದ್ದಾರೆ. ಅನಿರುದ್ಧ್ ರವಿಚಂದರ್ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಜವಾನ್ ಜೂನ್ 2 ರಂದು ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಲಿದೆ. ಇದು ನಯನತಾರಾ ಅವರ ಹಿಂದಿ ಚೊಚ್ಚಲ ಚಿತ್ರವೂ ಆಗಿದೆ. ದೀಪಿಕಾ ಪಡುಕೋಣೆ ಅತಿಥಿ ಪಾತ್ರವನ್ನು ನಿರ್ವಹಿಸಲಿದ್ದಾರೆ.
ಪುಣೆ, ಮುಂಬೈ, ಹೈದರಾಬಾದ್, ಚೆನ್ನೈ, ರಾಜಸ್ಥಾನ ಮತ್ತು ಔರಂಗಾಬಾದ್‌ನಲ್ಲಿ ಚಿತ್ರೀಕರಣ ಮಾಡಲಾಗಿದೆ. ಶಾರುಖ್ ಖಾನ್ ಕಿಟ್ಟಿಯಲ್ಲಿ ರಾಜಕುಮಾರ್‌ ಹಿರಾನಿ ನಿರ್ದೇಶನದ ಡಂಕಿ ಸಿನಿಮಾ ಕೂಡ ಇದೆ, 2023ರ ಕ್ರಿಸ್ಮಸ್ ವಾರಾಂತ್ಯದಲ್ಲಿ ಚಿತ್ರ ತೆರೆ ಕಾಣಲಿದೆ.