ಮುಂಬಯಿ: ಕಿರುತೆರೆ ನಟಿ ತುನಿಶಾ ಶರ್ಮಾ ಆತ್ಮಹತ್ಯೆ ಕೇಸ್ಗೆ ಸಂಬಂಧಪಟ್ಟಂತೆ ಅವರ ಸಹನಟ ಶಿಜಾನ್ ಮೊಹಮ್ಮದ್ ಖಾನ್ ಎಂಬಾತನನ್ನು ಪೊಲೀಸರು ಬಂಧಿಸಿದ್ದಾರೆ. ‘ಅಲಿ ಬಾಬಾ ದಾಸ್ತಾನ್ ಇ ಕಾಬೂಲ್’ ಟಿವಿ ಸೀರಿಸ್ನಲ್ಲಿ ನಟಿಸುತ್ತಿದ್ದ 20 ವರ್ಷದ ತುನಿಶಾ ಶರ್ಮಾ ಡಿಸೆಂಬರ್ 20ರಂದು ಮಹಾರಾಷ್ಟ್ರದ ಪಾಲ್ಘರ್ ಜಿಲ್ಲೆಯ ವಸಾಯಿಯಲ್ಲಿ, ಟಿವಿ ಸೀರಿಯಲ್ ಸೆಟ್ನಲ್ಲಿಯೇ ಡಿಸೆಂಬರ್ 24ರಂದು ಆತ್ಮಹತ್ಯೆ ಮಾಡಿಕೊಂಡಿದ್ದರು. ಧಾರಾವಾಹಿ ಶೂಟಿಂಗ್ನ ಬ್ರೇಕ್ನಲ್ಲಿ ಮೇಕಪ್ ರೂಮ್ನಲ್ಲಿ ನೇಣುಬಿಗಿದುಕೊಂಡಿದ್ದರು.
ತುನಿಶಾ ಶರ್ಮಾ ಸಾವಿನ ಬೆನ್ನಲ್ಲೇ ಅವರ ತಾಯಿ ಶಿಜಾನ್ ಮೊಹಮ್ಮದ್ ಖಾನ್ ವಿರುದ್ಧ ಗಂಭೀರ ಆರೋಪ ಮಾಡಿದ್ದರು. ಮಗಳ ಸಾವಿಗೆ ಆತನೇ ಕಾರಣ ಎಂದು ಪೊಲೀಸರಿಗೆ ದೂರು ನೀಡಿದ್ದರು. ತುನಿಶಾ ಮತ್ತು ಶೀಜಾನ್ ತುಂಬ ಆಪ್ತರಾಗಿದ್ದರು, ಅವರ ಮಧ್ಯೆ ಸಂಬಂಧವಿತ್ತು ಎಂಬ ಮಾತುಗಳೂ ಕೇಳಿಬರುತ್ತಿದ್ದು, ಪೊಲೀಸರು ತನಿಖೆ ಪ್ರಾರಂಭಿಸಿದ್ದಾರೆ. ಶೀಘ್ರದಲ್ಲೇ ಆತನನ್ನು ಕೋರ್ಟ್ಗೆ ಹಾಜರು ಪಡಿಸಲಿದ್ದಾರೆ.
ತುನಿಶಾ ಗರ್ಭಿಣಿಯಾಗಿದ್ದಳಾ?
ಈ ಮಧ್ಯೆ ತುನಿಶಾ ಗರ್ಭಿಣಿಯಾಗಿದ್ದಾಳಾ ಎಂಬ ಬಗ್ಗೆಯೂ ಚರ್ಚೆಯಾಗುತ್ತಿದೆ. ಹೀಗೊಂದು ಸುದ್ದಿ ಹರಡುತ್ತಿದೆ. ಶೀಜಾನ್ ಮೊಹಮ್ಮದ್ನೊಂದಿಗೆ ಆಕೆಗೆ ಸಂಬಂಧವಿತ್ತು. ಅವಳು ಗರ್ಭಿಣಿಯೂ ಆಗಿದ್ದಳು. ಆದರೆ ಶೀಜಾನ್ ಮದುವೆಗೆ ಒಪ್ಪಿರಲಿಲ್ಲ ಎಂಬ ವಿಷಯಗಳು ಸೋಷಿಯಲ್ ಮೀಡಿಯಾದಲ್ಲಿ ಕೂಡ ಚರ್ಚೆಯಾಗುತ್ತಿವೆ. ಈ ಆಯಾಮದಲ್ಲೂ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ. ಈ ಬಗ್ಗೆ ಪೊಲೀಸ್ ಅಧಿಕಾರಿ ಬಳಿ ಪ್ರಶ್ನೆ ಮಾಡಿದಾಗ ‘ತುನಿಶಾ ಪೋಸ್ಟ್ಮಾರ್ಟಮ್ ವರದಿ ಬಂದಾಗಲೇ ಸ್ಪಷ್ಟವಾಗುತ್ತದೆ’ ಎಂದಿದ್ದಾರೆ.
ಇದನ್ನೂ ಒದಿ: Tunisha Sharma | ಸೆಟ್ನಲ್ಲಿಯೇ ಆತ್ಮಹತ್ಯೆ ಮಾಡಿಕೊಂಡ ನಟಿ ತುನಿಶಾ ಶರ್ಮಾ