ಬೆಂಗಳೂರು: ಶಿಲ್ಪಾ ಶೆಟ್ಟಿ (Shilpa Shetty) ಅವರು ತಮ್ಮ ದೈನಂದಿನ ವರ್ಕೌಟ್‌ ವಿಡಿಯೊ ಹಂಚಿಕೊಂಡಿದ್ದಾರೆ. ಇದರಲ್ಲಿ ಅವರು ತಮ್ಮ 1993ರ ಚಲನಚಿತ್ರ ಬಾಜೀಗರ್‌ನ ಹಿಟ್ ಹಾಡು ಬಾಜೀಗರ್ ಓ ಬಾಜೀಗರ್‌ಗೆ (Baazigar O Baazigar) ನೃತ್ಯ ಮಾಡಿದ್ದಾರೆ. ಈ ಹಾಡಿನಲ್ಲಿ ಶಾರುಖ್ ಖಾನ್ ಮತ್ತು ಕಾಜೋಲ್ ಕಾಣಿಸಿಕೊಂಡಿದ್ದರು. ಶಿಲ್ಪಾ ಶೆಟ್ಟಿ ಚಿತ್ರದಲ್ಲಿ ಎರಡನೇ ನಾಯಕಿಯಾಗಿ ನಟಿಸಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ ವಿಡಿಯೊವನ್ನು ಹಂಚಿಕೊಂಡು ʻʻಬಾಜೀಗರ್ ಸ್ವಲ್ಪ ವಿಭಿನ್ನವಾಗಿದೆ ಆದ್ದರಿಂದ ಸೋಮವಾರದ ಪ್ರೇರಣೆಯೂ ವಿಭಿನ್ನವಾಗಿರಬೇಕು. ಇಂದಿನ ದಿನಚರಿ ಕೇವಲ ಒಂದು ಸ್ವಲ್ಪ ಟ್ವಿಸ್ಟ್‌ ಜತೆಗೆʼಎಂದು ಬರೆದುಕೊಂಡಿದ್ದಾರೆ.
ಅಭಿಮಾನಿಗಳು ಶಿಲ್ಪಾ ಅವರ ನೃತ್ಯವನ್ನು ಇಷ್ಟಪಟ್ಟು ‘ಅದ್ಭುತ’ ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ಕಮೆಂಟ್‌ ಮಾಡಿದ್ದಾರೆ. ಶಿಲ್ಪಾ 1993 ರಲ್ಲಿ ಬಾಜೀಗರ್ ಚಿತ್ರದ ಮೂಲಕ ತಮ್ಮ ನಟನೆಯನ್ನು ಪ್ರಾರಂಭಿಸಿದರು. ರಾಖೀ, ದಲಿಪ್ ತಾಹಿಲ್, ಸಿದ್ಧಾರ್ಥ್ ರೇ ಮತ್ತು ಜಾನಿ ಲಿವರ್ ಸಹ ನಟಿಸಿದ ಚಿತ್ರದಲ್ಲಿ ಶಿಲ್ಪಾ ಪ್ರಮುಖ ಪಾತ್ರವನ್ನು ನಿರ್ವಹಿಸಿದ್ದಾರೆ.
ಇದನ್ನೂ ಓದಿ: Shilpa Shetty: ಶಿಲ್ಪಾ ಶೆಟ್ಟಿ ಅಪ್ಸರೆಯಂತೆ ಕಾಣುತ್ತಿದ್ದಾರೆ ಎಂದ ನೆಟ್ಟಿಗರು: ಟ್ರೋಲ್‌ ಆದ ಸೋನಂ
ಶಿಲ್ಪಾ ಶೆಟ್ಟಿ ಕೊನೆಯದಾಗಿ ನಿಕಮ್ಮಾ ಚಿತ್ರದಲ್ಲಿ ಅಭಿಮನ್ಯು ದಸ್ಸಾನಿ ಜತೆ ಕಾಣಿಸಿಕೊಂಡಿದ್ದರು. ಅವರ ಮುಂಬರುವ ಪ್ರಾಜೆಕ್ಟ್‌ಗಳಲ್ಲಿ ರೋಹಿತ್ ಶೆಟ್ಟಿ ಜತೆಗಿನ ಇಂಡಿಯನ್ ಪೋಲೀಸ್ ಫೋರ್ಸ್ ವೆಬ್‌ ಸಿರೀಸ್‌ನಲ್ಲಿ ಪೋಲೀಸ್ ಪಾತ್ರದಲ್ಲಿ ನಟಿಸಲಿದ್ದಾರೆ.