ಬೆಂಗಳೂರು: ಹ್ಯಾಟ್ರಿಕ್‌ ಹೀರೊ ಶಿವರಾಜ್ ಕುಮಾರ್ ಅಭಿನಯದ ಘೋಸ್ಟ್ ಸಿನಿಮಾ ಆಗಾಗ ಹೊಸ ಅಪ್‌ಡೇಟ್‌ ಹಂಚಿಕೊಳ್ಳುತ್ತಲೇ ಇದೆ. ಸದ್ಯದಲ್ಲೇ ಘೋಸ್ಟ್ ನಿಮಾದಿಂದ ‘ಬಿಗ್ ಡ್ಯಾಡಿ’ ಟೀಸರ್ ರಿಲೀಸ್ ಆಗಲಿದೆ. ಅದಕ್ಕೂ ಮುನ್ನ ಹೊಸ ಪೋಸ್ಟರ್ ರಿಲೀಸ್ ಆಗಲಿದೆ. ಇದೀಗ ಶಿವರಾಜ್ಕುಮಾರ್ ಅವರ ಹೊಸ ಲುಕ್‌ ಕಂಡು ಅವರ ಫ್ಯಾನ್ಸ್‌ ಸಖತ್‌ ಖುಷ್‌ ಆಗಿದ್ದಾರೆ.
ಜುಲೈ 12ರಂದು ಶಿವರಾಜ್ಕುಮಾರ್ ಅವರ ಜನುಮದಿನ. ‘ಘೋಸ್ಟ್’ ಸಿನಿಮಾ ತಂಡದಿಂದ ‘ಬಿಗ್ ಡ್ಯಾಡಿ’ ವಿಡಿಯೊ ರಿಲೀಸ್ ಆಗಲಿದೆ. ಜುಲೈ 12ರಂದು ಬೆಳಗ್ಗೆ 11.45ಕ್ಕೆ ‘ಬಿಗ್ ಡ್ಯಾಡಿ’ ಪರಿಚಯ ಆಗಲಿದೆ. ಶಿವರಾಜಕುಮಾರ್, ಜಯರಾಂ, ಸತ್ಯಪ್ರಕಾಶ್, ಪ್ರಶಾಂತ್ ನಾರಾಯಣನ್, ದತ್ತಣ್ಣ, ಅಭಿಜಿತ್ ಮುಂತಾದವರು ಈ ಚಿತ್ರದ ತಾರಾಬಳಗದಲ್ಲಿದ್ದಾರೆ. ಸಾಕಷ್ಟು ಸದಭಿರುಚಿಯ ಚಿತ್ರಗಳನ್ನು ನೀಡಿರುವ ಸಂದೇಶ್ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ಸಿನಿಮಾ ನಿರ್ಮಾಣವಾಗುತ್ತಿದೆ. ಪ್ರಮುಖ ಪಾತ್ರದಲ್ಲಿ ಕೆಜಿಎಫ್‌ ಖ್ಯಾತಿಯ ನಟಿ ಅರ್ಚನಾ ಜೋಯಿಸ್ ಕಾಣಿಸಿಕೊಳ್ಳಲಿದ್ದಾರೆ.
ಇದನ್ನೂ ಓದಿ: Shivarajkumar: ಘೋಸ್ಟ್ ಸಿನಿಮಾದ ಮೋಷನ್‌ ಪೋಸ್ಟರ್ ಹಂಚಿಕೊಂಡ ಶಿವಣ್ಣ, ಟ್ರೈಲರ್‌ ರಿಲೀಸ್ ಯಾವಾಗ?
"When Violence Dies, Big Daddy Is Born”
— SRINI (@lordmgsrinivas) July 9, 2023
Don't miss the grand debut on #July12 at 11:45am on the
T-Series YouTube channel. Join the excitement and embrace #GHOST as we welcome the mighty #BIGDADDY!"@NimmaShivanna @SandeshPro @baraju_SuperHit @TSeries @ArjunJanyaMusic pic.twitter.com/EApTABjlY9
ನಿರ್ದೇಶಕ ಶ್ರೀನಿ ಈ ಬಗ್ಗೆ ಟ್ವೀಟ್‌ ಮಾಡಿ, “ಹಿಂಸೆ ಸತ್ತಾಗ ಬಿಗ್‌ಡ್ಯಾಡಿ ಹುಟ್ಟುತ್ತಾನೆ”. ಜುಲೈ 12 ರಂದು ಬೆಳಗ್ಗೆ 11:45ಕ್ಕೆ ಕಾರ್ಯಕ್ರಮವನ್ನು ಮಿಸ್ ಮಾಡಿಕೊಳ್ಳಬೇಡಿ. ಟಿ-ಸಿರೀಸ್‌ ಯೂಟ್ಯೂಬ್ ಚಾನೆಲ್ʼʼ ಎಂದು ಬರೆದುಕೊಂಡಿದ್ದಾರೆ. ‘ಘೋಸ್ಟ್’ ಸಿನಿಮಾವನ್ನು ಸಂದೇಶ್ ಎನ್. ಅವರು ನಿರ್ಮಾಣ ಮಾಡುತ್ತಿದ್ದಾರೆ.
ಟೋಪಿವಾಲ, ಶ್ರೀನಿವಾಸ ಕಲ್ಯಾಣ, ಓಲ್ಡ್‌ ಮಾಂಕ್‌ ಸಿನಿಮಾ ಖ್ಯಾತಿಯ ಎಂ.ಜಿ.ಶ್ರೀನಿವಾಸ್‌ ಅವರು ಘೋಸ್ಟ್ ಸಿನಿಮಾನವನ್ನು ನಿರ್ದೇಶಿಸುತ್ತಿದ್ದಾರೆ. ಸಿನಿಮಾಗೆ ಅರ್ಜುನ್‌ ಜನ್ಯಾ ಸಂಗೀತ ಇದ್ದರೆ, ಸಂದೇಶ್ ನಾಗರಾಜ್‌ ನಿರ್ಮಾಪಕರಾಗಿದ್ದಾರೆ.