ಬೆಂಗಳೂರು: ಮರಾಠಿ ನಟಿ ತಿತೀಕ್ಷಾ ತಾವಡೆ (Titeeksha Tawade) ʻದೃಶ್ಯಂʼ ಸಿನಿಮಾ ಖ್ಯಾತಿಯ ನಟ ಸಿದ್ಧಾರ್ಥ್ ಬೋಡ್ಕೆ (Siddharth Bodke) ಜತೆ ಎಂಗೇಜ್‌ ಆಗಿದ್ದಾರೆ. ಫೆಬ್ರವರಿ 25ರಂದು ಇವರಿಬ್ಬರ ನಿಶ್ಚಿತಾರ್ಥ ನಡೆದಿದ್ದು, ಇಂದು (ಫೆಬ್ರವರಿ 26) ಅದ್ಧೂರಿಯಾಗಿ ಮದುವೆ ನಡೆಯಲಿದೆ. ತಿತೀಕ್ಷಾ ಈಗಾಗಲೇ ನಿಶ್ಚಿತಾರ್ಥದ ಫೋಟೊ ಜತೆಗೆ ಮದುವೆ ಶಾಸ್ತ್ರಗಳ ಫೋಟೊಗಳನ್ನು ಶೇರ್‌ ಮಾಡಿಕೊಂಡಿದ್ದಾರೆ.
ತಿತೀಕ್ಷಾ ಮತ್ತು ಸಿದ್ಧಾರ್ಥ್ ಟಿವಿ ಶೋ ʻತು ಆಶಿ ಜವಲಿ ರಹಾʼದಲ್ಲಿ (Tu Ashi Jawali Raha) ಒಟ್ಟಿಗೆ ಕೆಲಸ ಮಾಡುವಾಗ ಒಬ್ಬರನ್ನೊಬ್ಬರು ಪ್ರೀತಿಸುತ್ತಿದ್ದರು. 2019ರಲ್ಲಿ ಶೋ ಮುಗಿದ್ದರೂ ತಮ್ಮ ಸಂಬಂಧವನ್ನು ಮುಂದುವರಿಸಿದ್ದರು. ಇದಾದ ಬಳಿಕ ಆಗಾಗ ಸೋಷಿಯಲ್‌ ಮೀಡಿಯಾ ಮೂಲಕ ಒಟ್ಟಿಗೆ ಇರುವ ಫೋಟೊವನ್ನು ಹಂಚಿಕೊಳ್ಳುತ್ತಿದ್ದರು. ಫ್ಯಾನ್ಸ್‌ ಕೂಡ ಮದುವೆ ಯಾವಾಗ ಎಂದು ಕೇಳುತ್ತಿದ್ದರು. ಇದೀಗ ಜೋಡಿ ಅಂತೂ ಸಿಹಿ ಸುದ್ದಿ ನೀಡಿದೆ. ತಿತೀಕ್ಷಾ ಮತ್ತು ಸಿದ್ಧಾರ್ಥ್ ತಮ್ಮ ನಿಶ್ಚಿತಾರ್ಥದ ಫೋಟೊವನ್ನು ಇದೀಗ ಇನ್‌ಸ್ಟಾದಲ್ಲಿ ಶೇರ್‌ ಮಾಡಿಕೊಂಡಿದ್ದಾರೆ.
ಈಗಾಗಲೇ ಇಬ್ಬರ ಕುಟುಂಬದಲ್ಲಿ ಸಾಂಪ್ರದಾಯಿಕ ಕೆಲ್ವನ್ ಶಾಸ್ತ್ರಗಳನ್ನು ನೆರವೇರಿಸಲಾಗಿದೆ. ವಧು ಮತ್ತು ವರನ ಕುಟುಂಬಗಳು ಬಟ್ಟೆ, ಹೂವುಗಳು, ಆಭರಣಗಳು ಮತ್ತು ಇತರ ಬೆಲೆಬಾಳುವ ವಸ್ತುಗಳಂತಹ ಉಡುಗೊರೆಗಳನ್ನು ವಿನಿಮಯ ಮಾಡಿಕೊಳ್ಳುವ ಸಂಪ್ರದಾಯವೆಂದರೆ ಕೆಲ್ವನ್. ಈ ಸಮಾರಂಭವು ಮಹಾರಾಷ್ಟ್ರದ ಮದುವೆ ಪದ್ಧತಿಯಲ್ಲಿ ಮಹತ್ವದ್ದಾಗಿದೆ.
ಇದನ್ನೂ ಓದಿ: Kannada New Movie: ‘ಎಬಿ ಪಾಸಿಟಿವ್’ ಸಿನಿಮಾದಿಂದ ತೇಲಿಬಂತು ಮತ್ತೊಂದು ಚೆಂದದ ಹಾಡು!
ನಟಿ ತಿತೀಕ್ಷಾ ತಾವಡೆ ಸದ್ಯ ಟಿವಿ ಶೋ ʻಸತ್ಯ ಮುಳಿಚಿ ಸತವಿ ಮುಲ್ಗಿʼಯಲ್ಲಿ ನಟಿಸುತ್ತಿದ್ದು, ನಟ ಸಿದ್ಧಾರ್ಥ್ ಬೋಡ್ಕೆ ಹಿಂದಿ ಮತ್ತು ಮರಾಠಿ ನಾಟಕಗಳಲ್ಲಿ ಚಲನಚಿತ್ರಗಳಲ್ಲಿ ನಿರತರಾಗಿದ್ದಾರೆ. ಸಿದ್ಧಾರ್ಥ್ ʻತು ಆಶಿ ಜವಳಿ ರಹಾʼ ಮತ್ತು ʻಅನನ್ಯʼ ಸೇರಿದಂತೆ ವಿವಿಧ ಧಾರಾವಾಹಿಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಹಿಂದಿ ಚಲನಚಿತ್ರ ʻದೃಶ್ಯಂʼನಲ್ಲಿಯೂ ಅವರು ಮಹತ್ವದ ಪಾತ್ರವನ್ನು ನಿರ್ವಹಿಸಿದ್ದಾರೆ. ತಿತೀಕ್ಷಾ ತಾವ್ಡೆ ಅವರು ʻಸರಸ್ವತಿʼ, ʻಏಕ್ ಥ್ರಿಲ್ಲರ್ ನೈಟ್ʼ ಮತ್ತು ʻಶಭಾಶ್ ಮಿಥುʼ ಸೇರಿದಂತೆ ಹಲವು ಚಿತ್ರಗಳಿಗೆ ಹೆಸರುವಾಸಿಯಾಗಿದ್ದಾರೆ.