ಬೆಂಗಳೂರು: ಸಿದ್ಧಾರ್ಥ್ ಮಲ್ಹೋತ್ರಾ ತಮ್ಮ ಬಹುಕಾಲದ ಗೆಳತಿ ಕಿಯಾರಾ ಅಡ್ವಾಣಿ (Sidharth Kiara Wedding) ಅವರನ್ನು ಮದುವೆಯಾಗಲಿದ್ದಾರೆ. ರಾಜಸ್ಥಾನದ ಜೈಸಲ್ಮೇರ್‌ನಲ್ಲಿರುವ ಪಂಚತಾರಾ ಸೂರ್ಯಗಢ್ ಹೋಟೆಲ್‌ನಲ್ಲಿ ಅವರ ವಿವಾಹ ನಡೆಯಲಿದೆ. ಮದುವೆ ತಯಾರಿ ಜೋರಾಗಿ ನಡೆಯುತ್ತಿದೆ. ಫೆಬ್ರವರಿ 6, 2023 ರಂದು ಜೋಡಿ ಹಸೆಮಣೆ ಏರಲಿದೆ. ವಿವಾಹದ ಪ್ರೀ ವೆಡ್ಡಿಂಗ್‌ ಕಾರ್ಯಕ್ರಮಗಳು ಫೆಬ್ರವರಿ4 ಮತ್ತು 5 ರಂದು ನಡೆಯುವ ಸಾಧ್ಯತೆಯಿದೆ. ಇದೀಗ ಅಮೆಜಾನ್ ಪ್ರೈಮ್ ವಿಡಿಯೊ ʻಶೇರ್‌ಶಾʼ ಚಿತ್ರದ ಒಂದು ದೃಶ್ಯವನ್ನು ಇನ್‌ಸ್ಟಾದಲ್ಲಿ ಹಂಚಿಕೊಂಡಿದೆ.
ಸಿದ್ಧಾರ್ಥ್ ಮಲ್ಹೋತ್ರಾ-ಕಿಯಾರಾ ಅಡ್ವಾಣಿ ಮದುವೆ ತಯಾರಿ ಸುದ್ದಿ ಬೆನ್ನಲ್ಲೇ ಅಮೆಜಾನ್ ಪ್ರೈಮ್ ಪೊಸ್ಟ್‌ ಸಖತ್‌ ಸುದ್ದಿಯಲ್ಲಿದೆ. ಇದೀಗ, ಸಿದ್ಧಾರ್ಥ್-ಕಿಯಾರಾ ತಮ್ಮ ಮದುವೆಯ ವಿಡಿಯೊ ಹಕ್ಕುಗಳನ್ನು ಅಮೆಜಾನ್ ಪ್ರೈಮ್ ಒಟಿಟಿ ಪ್ಲಾಟ್‌ಫಾರ್ಮ್‌ಗೆ ಮಾರಾಟ ಮಾಡುತ್ತಾರೆ ಎಂಬ ವದಂತಿಗಳು ಹರಿದಾಡುತ್ತಿವೆ.
ಇದನ್ನೂ ಓದಿ: Sidharth Kiara Wedding: ಸಿದ್‌-ಕಿಯಾರ ಮದುವೆ ಇಲ್ಲಿಯೇ ಎಂದು ಖಚಿತಪಡಿಸಿದ ಜೈಸಲ್ಮೇರ್‌ ಸೂರ್ಯಗಢ್ ಪ್ಯಾಲೇಸ್!
ಸಿದ್ಧಾರ್ಥ್-ಕಿಯಾರಾ ವೆಡ್ಡಿಂಗ್‌ ಫಿಲ್ಮ್‌ ಹಕ್ಕುಗಳನ್ನು ಮಾರಾಟ ಮಾಡಿದ್ದಾರೆಯೇ?
ಅಮೆಜಾನ್ ಪ್ರೈಮ್ ವಿಡಿಯೊ ಸಿದ್ಧಾರ್ಥ್ ಮತ್ತು ಕಿಯಾರಾ ಅವರ ʻಶೇರ್ ಶಾʼ ಚಿತ್ರದ ಒಂದು ಸ್ಟಿಲ್‌ ಫೋಟೊ ಹಂಚಿಕೊಂಡಿದೆ. ಮೂಲಗಳ ಪ್ರಕಾರ ʻʻಸಿದ್ಧಾರ್ಥ್ ಮತ್ತು ಕಿಯಾರಾ ತಮ್ಮ ವೆಡ್ಡಿಂಗ್‌ ಫಿಲ್ಮ್‌ ಹಕ್ಕುಗಳನ್ನು ಮಾರಾಟ ಮಾಡಿಲ್ಲ. ಇದು ಶೆರ್‌ಶಾ ಜೋಡಿಗೆ ಕೇವಲ ಮೆಚ್ಚುಗೆಯ ಪೋಸ್ಟ್ ಮತ್ತು ಇನ್ನೇನೂ ಇಲ್ಲʼʼ. ಎಂದು ಅಮೆಜಾನ್ ಪ್ರೈಮ್ ಹೇಳಿಕೊಂಡಿದೆ.
ಇದನ್ನೂ ಓದಿ: Sidharth Kiara Wedding: ಸಿದ್ಧಾರ್ಥ್-ಕಿಯಾರ ಮದುವೆಯಲ್ಲಿ ಏನೆಲ್ಲ ವಿಶೇಷತೆಗಳಿರಲಿವೆ?
ಸಿದ್ಧಾರ್ಥ್ ಮತ್ತು ಕಿಯಾರಾ ಅವರ ವಿವಾಹಕ್ಕೆ ಸುಮಾರು 100 ಜನ ಅತಿಥಿಗಳಷ್ಟೇ ಭಾಗಿಯಾಗಲಿದ್ದು, ಆಪ್ತರಿಗಷ್ಟೇ ಆಹ್ವಾನ ಮಾಡಲಾಗಿದೆ ಎನ್ನಲಾಗಿದೆ. ಶಾಹಿದ್ ಕಪೂರ್, ಮೀರಾ ರಜಪೂತ್, ಕರಣ್ ಜೋಹರ್, ಮನೀಶ್ ಮಲ್ಹೋತ್ರಾ ಅವರು ಆಹ್ವಾನಿಸಿದವರಲ್ಲಿ ಸೇರಿದ್ದಾರೆ. ‘ಶೇರ್ ಶಾ’ ಚಿತ್ರದ ಚಿತ್ರೀಕರಣದ ಸಂದರ್ಭದಲ್ಲಿ ಇವರಿಬ್ಬರ ಮಧ್ಯೆ ಪ್ರೀತಿ ಹುಟ್ಟಿದೆ ಎಂದು ಹೇಳಲಾಗಿತ್ತು. ಈ ಚಿತ್ರಕ್ಕೆ ಅಭಿಮಾನಿಗಳಿಂದ ಉತ್ತಮ ಪ್ರತಿಕ್ರಿಯೆ ಸಹ ಸಿಕ್ಕಿತ್ತು. ಅಭಿಮಾನಿಗಳು ಸಹ ಈ ಜೋಡಿಯನ್ನು ಮೆಚ್ಚಿಕೊಂಡಿದ್ದಾರೆ.