ಬೆಂಗಳೂರು: ಬಿಟೌನ್‌ನಲ್ಲಿ ಹಾಟೆಸ್ಟ್ ಜೋಡಿ, ಸಿದ್ಧಾರ್ಥ್ ಮಲ್ಹೋತ್ರಾ ಮತ್ತು ಕಿಯಾರಾ ಆಡ್ವಾಣಿ (Sidharth Kiara Wedding) ಫೆಬ್ರವರಿ 7 ರಂದು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಮದುವೆಯಾದ ಕೆಲವೇ ದಿನಗಳಲ್ಲಿ ಜೋಡಿ ಮದುವೆಯ ಫೋಟೊಗಳನ್ನು ಹಂಚಿಕೊಂಡಿದ್ದು, ಅವರ ಅಭಿಮಾನಿಗಳು ನೋಡಿ ಸಂತಸ ವ್ಯಕ್ತಪಡಿಸಿದ್ದರು. ಇದೀಗ ಜೋಡಿ ತಮ್ಮ ಮದುವೆಯ ವೀಡಿಯೊವನ್ನು ಹಂಚಿಕೊಂಡಿದೆ. ಇಬ್ಬರೂ ಪ್ರೀತಿಯಿಂದ ಚುಂಬಿಸುತ್ತಿರವ ಫೋಟೊ ಕೂಡ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.
ಫೆಬ್ರವರಿ 7 ರಂದು ತಮ್ಮ ಕುಟುಂಬ ಸದಸ್ಯರು ಮತ್ತು ಸ್ನೇಹಿತರ ಸಮ್ಮುಖದಲ್ಲಿ ಜೋಡಿ ಹಸೆಮಣೆ ಏರಿತ್ತು. ಮದುವೆ ಸಮಾರಂಭದಲ್ಲಿ ಕಬೀರ್ ಸಿಂಗ್, ಸಹ-ನಟ ಶಾಹಿದ್ ಕಪೂರ್ , ಕಿಯಾರಾ ಅವರ ಬಾಲ್ಯದ ಗೆಳತಿ ಇಶಾ ಅಂಬಾನಿ ಜತೆಗೆ ಪತಿ ಆನಂದ್ ಪಿರಾಮಳ್ ಕೂಡ ಮದುವೆಯಲ್ಲಿ ಉಪಸ್ಥಿತರಿದ್ದರು. ಕಿಯಾರಾ ಆಡ್ವಾಣಿ ಅವರ ಕುಟುಂಬದ ಸ್ನೇಹಿತೆಯಾಗಿರುವ ಜೂಹಿ ಚಾವ್ಲಾ ಅವರು ಪತಿ ಜಯ್ ಮೆಹ್ತಾ ಅವರೊಂದಿಗೆ ಹಾಜರಿದ್ದರು. ಕರಣ್ ಜೋಹರ್ ಸಹ ಭಾಗವಹಿಸಿದ್ದರು. ಇದೀಗ ಮದುವೆ ವಿಡಿಯೊವನ್ನು ಜೋಡಿ ಇನ್‌ಸ್ಟಾದಲ್ಲಿ ಶೇರ್‌ ಮಾಡಿಕೊಂಡಿದ್ದು, ಚುಂಬಿಸಿರುವ ದೃಶ್ಯಗಳು ಸೆರೆಯಾಗಿವೆ. ಈ ಫೋಟೊಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿವೆ.
ಇದನ್ನೂ ಓದಿ: Sidharth Kiara Wedding: `ಶೇರ್‌ ಶಾ’ ಜೋಡಿಯ ಮದುವೆ ಆಮಂತ್ರಣ ಪತ್ರಿಕೆ ವೈರಲ್‌!
ಇದನ್ನೂ ಓದಿ: Sidharth Kiara Wedding: ಸಾರ್ವಜನಿಕವಾಗಿ ಕಾಣಿಸಿಕೊಂಡ ನವದಂಪತಿ ಕಿಯಾರಾ-ಸಿದ್ಧಾರ್ಥ್
ಕಿಯಾರಾ ಆಡ್ವಾಣಿ ಕೊನೆಯದಾಗಿ ಧರ್ಮ ಪ್ರೊಡಕ್ಷನ್ಸ್‌ನ ʻಗೋವಿಂದ ನಾಮ್ ಮೇರಾʼದಲ್ಲಿ (govind naam mera) ವಿಕ್ಕಿ ಕೌಶಲ್ ಮತ್ತು ಭೂಮಿ ಪೆಡ್ನೇಕರ್ ಜತೆ ಕಾಣಿಸಿಕೊಂಡಿದ್ದರು. ನಿರ್ದೇಶಕ ಎಸ್ ಶಂಕರ್ ಅವರ ಹೆಸರಿಡದ ಚಿತ್ರದಲ್ಲಿ ಕಿಯಾರಾ ಅವರು ರಾಮ್ ಚರಣ್ ಜತೆ ಕಾಣಿಸಿಕೊಳ್ಳಲಿದ್ದಾರೆ. ಸಿದ್ಧಾರ್ಥ್ ಮಲ್ಹೋತ್ರಾ ಅವರು ರಶ್ಮಿಕಾ ಮಂದಣ್ಣ ಜತೆ ಕೊನೆಯದಾಗಿ ಮಿಷನ್ ಮಜ್ನುದಲ್ಲಿ (mission majnu) ಕಾಣಿಸಿಕೊಂಡಿದ್ದರು. ಚಿತ್ರ ಕಳೆದ ತಿಂಗಳು ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗಿದೆ.