ಬೆಂಗಳೂರು: ಸೌತ್‌ ಇಂಡಿಯನ್ ಇಂಟರ್‌ನ್ಯಾಷನಲ್ ಫಿಲ್ಮ್ ಅವಾರ್ಡ್ಸ್ 2023 (SIIMA 2023) ಈವೆಂಟ್ ದುಬೈನಲ್ಲಿ ನಡೆಯುತ್ತಿದೆ. ಸೆಪ್ಟೆಂಬರ್ 15ರಂದು ಕನ್ನಡ ಜತೆಗೆ ತೆಲುಗಿನ ಅತ್ಯುತ್ತಮ ಸಿನಿಮಾಗಳಿಗೆ ಪ್ರಶಸ್ತಿ ವಿತರಿಸಲಾಗಿದೆ. ‘RRR’ ಚಿತ್ರದ ನಟನೆಗಾಗಿ ಜ್ಯೂ. ಎನ್‌ಟಿಆರ್‌ ಅತ್ಯುತ್ತಮ ನಟ ಪ್ರಶಸ್ತಿ ಪಡೆದರು. ನಿರ್ದೇಶಕ ರಾಜಮೌಳಿ, ಸಂಗೀತ ನಿರ್ದೇಶಕ ಎಂ.ಎಂ.ಕೀರವಾಣಿ, ಗೀತರಚನೆಕಾರ ಚಂದ್ರಬೋಸ್ ಮತ್ತು ಛಾಯಾಗ್ರಾಹಕ ಸೆಂಥಿಲ್ ಕುಮಾರ್ ಕೂಡ ಪ್ರಶಸ್ತಿ ಸ್ವೀಕರಿಸಿದರು. ಪ್ರೇಕ್ಷಕರ ನಿರೀಕ್ಷೆಯಂತೆ ಆರ್‌ಆರ್‌ಆರ್‌ ಹಲವು ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿದೆ. ಚಿತ್ರರಂಗದಲ್ಲಿ ರಾಷ್ಟ್ರಪ್ರಶಸ್ತಿ, ಫಿಲ್ಮ್‌ಫೇರ್ ಬಳಿಕ ಪ್ರತಿಷ್ಠಿತ ಪ್ರಶಸ್ತಿ ಎನಿಸಿಕೊಂಡಿದೆ. ಕಳೆದ ವರ್ಷ ಬಿಡುಗಡೆಯಾದ ಸಿನಿಮಾಗಳಿಗೆ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.
- ಅತ್ಯುತ್ತಮ ನಟ – ಜ್ಯೂ.ಎನ್‌ಟಿಆರ್‌ (RRR)
- ಅತ್ಯುತ್ತಮ ನಟಿ – ಶ್ರೀ ಲೀಲಾ (ಧಮಾಕಾ)
- ಅತ್ಯುತ್ತಮ ನಿರ್ದೇಶಕ – ಎಸ್‌ಎಸ್ ರಾಜಮೌಳಿ (RRR)
- ಅತ್ಯುತ್ತಮ ಚಿತ್ರ – ಸೀತಾರಾಮಂ (ವೈಜಯಂತಿ ಮೂವೀಸ್ ಅಶ್ವಿನಿದತ್, ಸ್ವಪ್ನಾ ಸಿನಿಮಾ)
- ಅತ್ಯುತ್ತಮ ಸಂಗೀತ ನಿರ್ದೇಶಕ – ಎಂಎಂ ಕೀರವಾಣಿ (RRR)
- ಅತ್ಯುತ್ತಮ ಛಾಯಾಗ್ರಹಣ – ಕೆ. ಸೆಂಥಿಲ್ ಕುಮಾರ್ (RRR)
- ಅತ್ಯುತ್ತಮ ಸಾಹಿತ್ಯ – ಚಂದ್ರ ಬೋಸ್ (RRR)
- ಅತ್ಯುತ್ತಮ ನಟ (ವಿಮರ್ಶಕರು) – ಅಡಿವಿ ಶೇಶ್ (ಮೇಜರ್)
- ಅತ್ಯುತ್ತಮ ನಟಿ (ವಿಮರ್ಶಕರು) – ಮೃಣಾಲ್ ಠಾಕೂರ್ (ಸೀತಾರಾಮಂ)
- ಅತ್ಯುತ್ತಮ ಚೊಚ್ಚಲ ನಿರ್ದೇಶಕ – ವಸಿಷ್ಠ (ಬಿಂಬಿಸಾರ)
- ಅತ್ಯುತ್ತಮ ಚೊಚ್ಚಲ (ನಾಯಕ) – ಅಶೋಕ್ ಗಲ್ಲಾ (ಹೀರೋ)
- ಅತ್ಯುತ್ತಮ ಚೊಚ್ಚಲ (ನಾಯಕಿ) – ಮೃಣಾಲ್ ಠಾಕೂರ್ (ಸೀತಾರಾಮಂ ಚಲನಚಿತ್ರ)
- ಅತ್ಯುತ್ತಮ ಚೊಚ್ಚಲ ನಿರ್ಮಾಪಕರು – ಶರತ್ ಮತ್ತು ಅನುರಾಗ್ (ಮೇಜರ್)
- ಸೆನ್ಸೇಷನಲ್ ಆಫ್‌ ದಿ ಇಯರ್ – ಕಾರ್ತಿಕೇಯ 2
- ಅತ್ಯುತ್ತಮ ಪೋಷಕ ನಟ – ರಾಣಾ ದಗ್ಗುಬಾಟಿ (ಭೀಮ್ಲಾ ನಾಯಕ್)
- ಅತ್ಯುತ್ತಮ ಪೋಷಕ ನಟಿ – ಸಂಗೀತಾ (ಮಸೂದ)
- ಅತ್ಯುತ್ತಮ ಖಳನಟ – ಸುಹಾಸ್ (ಹಿಟ್- 2)
- ಅತ್ಯುತ್ತಮ ಹಾಸ್ಯನಟ – ಶ್ರೀನಿವಾಸ ರೆಡ್ಡಿ (ಕಾರ್ತಿಕೇಯ -2)
- ಫ್ಯಾಷನ್ ಯೂತ್ ಐಕಾನ್ – ಶ್ರುತಿ ಹಾಸನ್
- ಪ್ರಾಮಿಸಿಂಗ್ ಸ್ಟಾರ್ – ಬೆಲ್ಲಂಕೊಂಡ ಗಣೇಶ್‌
ಇದನ್ನೂ ಓದಿ: SIIMA 2023: ದುಬೈನಲ್ಲಿ ಸೈಮಾ ಅವಾರ್ಡ್‌; ನಾಮಿನೇಟ್‌ ಆದ ಕನ್ನಡ ಸಿನಿಮಾಗಳ ಕಂಪ್ಲೀಟ್‌ ಲಿಸ್ಟ್‌!
A round of applause for the talented @sreeleela14, who dazzled in Dhamaka and secured the Best Actress in a Leading Role (Telugu) award at SIIMA 2023!#NEXASIIMA #DanubeProperties #A23Rummy #HonerSignatis #Flipkart #ParleHideAndSeek #LotMobiles #SouthIndiaShoppingMall… pic.twitter.com/AoXEd99ipT
— SIIMA (@siima) September 15, 2023
His electrifying performance in RRR stole all our hearts! He has won the Best Actor in a Leading Role (Telugu) for the same. Congratulations, @tarak9999! Thank you for delivering an unforgettable performance.#NEXASIIMA #DanubeProperties #A23Rummy #HonerSignatis #Flipkart… pic.twitter.com/9zt5QxTsnd
— SIIMA (@siima) September 15, 2023
ಕನ್ನಡ ನಟಿ ಶ್ರೀಲೀಲಾ ಈಗ ಟಾಲಿವುಡ್‌ನಲ್ಲಿ ಮಿಂಚಿದ್ದಾರೆ. ಸೈಮಾ ಪ್ರಶಸ್ತಿ 11 ನೇ ವರ್ಷಕ್ಕೆ ಕಾಲಿಟ್ಟಿದೆ. ಕನ್ನಡದ ‘ಕಿಸ್’ ಸಿನಿಮಾ ಮೂಲಕ ನಟಿ ಶ್ರೀಲೀಲಾ ಚಿತ್ರರಂಗಕ್ಕೆ ಕಾಲಿಟ್ಟರು. ರಶ್ಮಿಕಾ ಮಂದಣ್ಣ ರೀತಿ ಶ್ರೀಲೀಲಾ ತೆಲುಗಿನಲ್ಲಿ ಹೆಸರು ಮಾಡುತ್ತಿದ್ದಾರೆ. ನಟಿಯ ಕೈಯಲ್ಲಿ ಬರೋಬ್ಬರಿ ಎಂಟು ಸಿನಿಮಾಗಳಿವೆ. ಶ್ರೀಲೀಲಾ ಡ್ಯಾನ್ಸ್‌ ಮತ್ತು ನಟನೆಗೆ ಅಭಿಮಾನಿಗಳು ಫಿದಾ ಆಗುತ್ತಿದ್ದಾರೆ. ಬಹುತೇಕ ಚಿತ್ರಗಳು ಬಿಡುಗಡೆಗೆ ಸಿದ್ಧವಾಗಿದ್ದರೆ, ಇನ್ನು ಕೆಲವು ಚಿತ್ರೀಕರಣ ಹಂತದಲ್ಲಿವೆ. ʻಪೆಲ್ಲಿ ಸಂದಡಿʼ ಚಿತ್ರದ ಮೂಲಕ ತೆಲುಗು ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದರು ಶ್ರೀಲೀಲಾ. ಮಾಸ್ ಮಹಾರಾಜ ರವಿತೇಜ್ ಅಭಿನಯದ ʻಧಮಾಕಾʼ ಚಿತ್ರದಲ್ಲಿ ನಟಿಸಿದರು. ಈ ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ 100 ಕೋಟಿ ರೂ. ಕಲೆಕ್ಷನ್ ಮಾಡಿದೆ.