Rishab Shetty: ಹರಿಯುವ ನೀರು, ಮಗುವಿನ ನಗುವಿನ ಧ್ವನಿ, ಬೇಕಾದವರೊಂದಿಗೆ ಕಳೆಯುವ ಕ್ಷಣಗಳು… ಫೋಟೊ ಹಂಚಿಕೊಂಡ ರಕ್ಷಿತ್
Yashaswi Devadiga
ಕಾಂತಾರ ಸಿನಿಮಾ ನಟ, ನಿರ್ದೇಶಕ ರಿಷಬ್ ಶೆಟ್ಟಿ (Rishab Shetty) ಪತ್ನಿ ಪ್ರಗತಿ ಮತ್ತು ಮಕ್ಕಳೊಂದಿಗೆ ದುಬೈ ಟ್ರಿಪ್‌ಗೆ ಹೋಗಿದ್ದರು. ದುಬೈನಿಂದ ಬಂದ ಬಳಿಕ ಸ್ನೇಹಿತರ ಜತೆ ರಿಲ್ಯಾಕ್ಸ್‌ ಮೂಡ್‌ನಲ್ಲಿ ರಿಷಬ್ ಕಾಣಿಸಿಕೊಂಡಿದ್ದಾರೆ.ಸಪ್ತ ಸಾಗರದಾಚೆ ಎಲ್ಲೊ, ರಿಚರ್ಡ್ ಆಂಟನಿ ಸೇರಿದಂತೆ ಅನೇಕ ಸಿನಿಮಾಗಳಲ್ಲಿ ರಕ್ಷಿತ್ ಶೆಟ್ಟಿ ಬ್ಯುಸಿಯಾಗಿದ್ದಾರೆ. ರಕ್ಷಿತ್ ಕೈಯಲ್ಲಿ ರಿಷಬ್ ಶೆಟ್ಟಿ ಮುದ್ದು ಮಗಳು ಕುಳಿತಿದ್ದಾಳೆ. ಅವಳೊಂದಿಗೆ ಸಂತಸದ ಕ್ಷಣ ಅನುಭವಿಸಿದ ಸಿಂಪಲ್‌ ಸ್ಟಾರ್‌. 777 ಚಾರ್ಲಿ ಬಳಿಕ ಹಲವು ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ ರಕ್ಷಿತ್ ಶೆಟ್ಟಿ. ರಿಷಬ್ ಪತ್ನಿ ಪ್ರಗತಿ ಶೆಟ್ಟಿ, ಗೆಳೆಯರಾದ ಪ್ರಮೋದ್ ಶೆಟ್ಟಿ, ಶೀತಲ್‌ ಶೆಟ್ಟಿ ಜತೆ ಪ್ರವಾಸ ಸಂಭ್ರಮಿಸುತ್ತಿದ್ದಾರೆ. `ʻʻಅನ್ವೇಷಿಸದ ಅರಣ್ಯದಲ್ಲಿನ ನಿಗೂಢತೆ, ಹರಿಯುವ ನೀರಿನಲ್ಲಿ ಪ್ರಶಾಂತತೆ, ಮಗುವಿನ ನಗುವಿನ ಧ್ವನಿ, ನನ್ನ ವಿಶೇಷ ಆತ್ಮೀಯರೊಂದಿಗೆ. ಆಹ್ ಜೀವನದ ಅನೇಕ ಸಣ್ಣ ಸಂತೋಷಗಳುʼʼ ಎಂದು ಇನ್‌ಸ್ಟಾದಲ್ಲಿ ರಕ್ಷಿತ್ ಶೆಟ್ಟಿ ಬರೆದುಕೊಂಡಿದ್ದಾರೆ.ಫೋಟೊಗಳನ್ನು ನೋಡಿ ರಕ್ಷಿತ್ ಶೆಟ್ಟಿ ಅಭಿಮಾನಿಗಳು ಕಮೆಂಟ್‌ ಮೂಲಕ ಸಂತಸ ವ್ಯಕ್ತಪಡಿಸುತ್ತಿದ್ದಾರೆ.
