ಬೆಂಗಳೂರು : ಬಾಲಿವುಡ್‌ ನಟಿ ಸೋನಂ ಕಪೂರ್ (Sonam Kapoor) ಹಾಗೂ ಆನಂದ್ ಅಹುಜಾ ದಂಪತಿ ಸಿಹಿ ಸುದ್ದಿಯನ್ನು ನೀಡಿದ್ದಾರೆ. ನಟಿ ಸೋನಂ ಕಪೂರ್ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಸೋನಂ ಕಪೂರ್ ಇನ್ಸ್ಟಾ ಪೋಸ್ಟ್‌ ಮೂಲಕ ಈ ಸಿಹಿ ಸುದ್ದಿಯನ್ನು ಹಂಚಿಕೊಂಡಿದ್ದಾರೆ.
”ನಮ್ಮ ಗಂಡು ಮಗುವನ್ನು ಆಗಸ್ಟ್‌ 20ರಂದು ಬರಮಾಡಿಕೊಂಡೆವು. ನಮ್ಮ ಈ ಪಯಣಕ್ಕೆ ಸಪೋರ್ಟ್‌ ಮಾಡಿದ ಎಲ್ಲಾ ವೈದ್ಯರುಗಳಿಗೆ, ನರ್ಸ್‌, ಸ್ನೇಹಿತರಿಗೆ ಮತ್ತು ಕುಟುಂಬ ಸದಸ್ಯರುಗಳಿಗೆ ನನ್ನ ಧನ್ಯವಾದ. ಇದು ಆರಂಭ ಅಷ್ಟೇ. ಆದರೆ ನಮಗೆ ತಿಳಿದಿದೆ ನಮ್ಮ ಬದುಕು ಬದಲಾಗಿದೆʼʼ ಎಂದು ಇನ್ಸ್ಟಾ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.
ಗಂಡುಮಗುವಿಗೆ ಜನ್ಮ ನೀಡುವ ಮೊದಲು ಸೋನಂ ಕಪೂರ್ ಫೋಟೋ ಶೂಟ್ ಮೂಲಕ ಗಮನ ಸೆಳೆದಿದ್ದರು. ಸೋನಂ ಹಾಗೂ ಆನಂದ್ ಅಹುಜಾ ಒಂದೆರಡು ವರ್ಷಗಳ ಕಾಲ ಡೇಟಿಂಗ್ ಮಾಡಿದ ನಂತರ ಮೇ 2018ರಲ್ಲಿ ಮುಂಬೈನಲ್ಲಿ ಮದುವೆಯಾಗಿದ್ದರು. ಸಿಖ್ ಸಂಪ್ರದಾಯದಂತೆ ಆನಂದ್ ಅಹುಜಾ ಮತ್ತು ಸೋನಂ ಕಪೂರ್ ವಿವಾಹ ನಡೆದಿತ್ತು. 2019ರಲ್ಲಿ ತೆರೆಕಂಡ ‘ದಿ ಝೋಯಾ ಫ್ಯಾಕ್ಟರ್’ ಚಿತ್ರದಲ್ಲಿ ಸೋನಂ ಕಪೂರ್ ಅಭಿನಯಿಸಿದ್ದರು.
ಇದನ್ನೂ ಓದಿ| Sanjjanaa Galrani | ನಟಿ ಸಂಜನಾ ಸಿಸೇರಿಯನ್ ವಿಡಿಯೊ ಸಿಕ್ಕಾಪಟ್ಟೆ ವೈರಲ್‌
ಇದನ್ನೂ ಓದಿ | ಭಾವಿ ಪತಿಯಿಂದ ಗಂಡು ಮಗುವಿಗೆ ತಾಯಿಯಾದ ರಷ್ಯಾದ Tennis ತಾರೆ