ಬೆಂಗಳೂರು: ಸ್ಯಾಂಡಲ್‌ವುಡ್‌ಗೆ ಕಿಚ್ಚ ಸುದೀಪ್ (Kichcha Sudeepa) ಅಳಿಯ ಸಂಚಿತ್ ಸಂಜೀವ್ ಕಾಲಿಡುತ್ತಿದ್ದಾರೆ. ಕೆಲವು ದಿನಗಳ ಹಿಂದೆ ಸುದೀಪ್ ಅಕ್ಕ ಸುಜಾತಾ ಪುತ್ರ ಸಂಚಿತ್ ಸಂಜೀವ್ ಚಂದನವನಕ್ಕೆ ಗ್ರ್ಯಾಂಡ್‌ ಎಂಟ್ರಿ ಕೊಡಲಿದ್ದಾರೆ ಎನ್ನಲಾಗುತ್ತಿತ್ತು. ಮುಂಚೆಯೇ ಕಿಚ್ಚನ ʼಅಂಬಿ ನಿಂಗೆ ವಯಸ್ಸಾಯ್ತೋʼ, ʼವಿಕ್ರಾಂತ್‌ ರೋಣʼ ಸಿನಿಮಾಗಳಲ್ಲಿ ಸಂಚಿತ್ ಕೆಲಸ ಮಾಡಿದ್ದಾರೆ. ಜತೆಗೆ ಕಿಚ್ಚ ಅವರ ಸೋದರಳಿಯ ಮುಂಬೈನಲ್ಲಿ ನಟನೆಯನ್ನು ಕೂಡ ಕಲಿತು ಬಂದಿದ್ದಾರೆ. ಕಿಚ್ಚ ಅವರ ಅಳಿಯನ ಹೊಸ ಸಿನಿಮಾಗೆ ʻಜಿಮ್ಮಿʼ ಎಂದು ಹೆಸರಿಡಲಾಗಿದೆ. ಜೂನ್ 15ರಂದು ಬೆಳಗ್ಗೆ 9:30ಕ್ಕೆ ಮುಹೂರ್ತ ಸಮಾರಂಭವನ್ನು ಚಿತ್ರತಂಡ ಇಟ್ಟುಕೊಂಡಿದೆ. ಸಿನಿಮಾದ ಇನ್ನಷ್ಟು ಮಾಹಿತಿ ಯನ್ನು ಮುಹೂರ್ತದ ದಿನ ಹಂಚಿಕೊಳ್ಳಲಿದೆ.
ಈ ಬಗ್ಗೆ ಕೆ. ಪಿ ಶ್ರೀಕಾಂತ್‌ ಟ್ವೀಟ್‌ ಮಾಡಿ ʻನಾವು ಲಹರಿ ಫಿಲ್ಮ್ಸ್, ವೀನಸ್ ಎಂಟರ್ಟೈನರ್ಸ್ ಬ್ಯಾನರ್‌ ಅಡಿ ಸಂಚಿತ್ ಸಂಜೀವ್ ಪರಿಚಯಿಸಲು ಸಂತೋಷಪಡುತ್ತೇವೆ. ಮುಹೂರ್ತ ಸಮಾರಂಭ ನಾಳೆ ಜೂನ್ 15ರಂದು ಬೆಳಗ್ಗೆ 9:30ಕ್ಕೆʼʼ ಎಂದು ಟ್ವೀಟ್‌ ಮಾಡಿದ್ದಾರೆ. ಇದನ್ನು ಕಿಚ್ಚ ಸುದೀಪ್ ರೀ ಟ್ವೀಟ್‌ ಮಾಡಿ ʻʻಜಿಮ್ಮಿ ಸಿನಿಮಾ ಜೂನ್ 15 ಬೆಳಗ್ಗೆ 9.45 ರಿಂದ ಕಿಕ್‌ ಸ್ಟಾರ್ಟ್‌ ಎಂದು ಘೋಷಿಸಲು ಸಂತೋಷವಾಗಿದೆ. ಎಲ್ಲರಿಗೂ ಶುಭಾಶಯಗಳುʼʼ ಎಂದು ಬರೆದುಕೊಂಡಿದ್ದಾರೆ.
ಕಿಚ್ಚ ಸುದೀಪ್ ಟ್ವೀಟ್‌
Happy to announce that #Jimmy Kick starts frm June 15th (tomorrow) 9.45am.
— Kichcha Sudeepa (@KicchaSudeep) June 14, 2023
Bestest wishes to everyone involved.🥂🥂🥂🥳@LahariFilm #GManoharan @entertainers @kp_sreekanth #NaveenManoharan @iampriya06 @sanchithsanjeev
Excited for two reasons.
— Kichcha Sudeepa (@KicchaSudeep) June 14, 2023
One: My boy @sanchithsanjeev makes his debut tomorrow,,well supported by my dear friends @kp_sreekanth and #NaveenManoharan.
Second: @iampriya06 makes her debut with her maiden production #SupriyanviPictureStudio.
🥂🥂🥂🥳🥳💕 pic.twitter.com/iixLr6xVZe
ಭರ್ಜರಿ ತಯಾರಿಯೊಂದಿಗೆ ಸಂಜಿತ್‌ ಬಣ್ಣದ ಲೋಕಕ್ಕೆ ಆಗಮಿಸಲಿದ್ದಾರೆ. ಇನ್ನು ವಿಶೇಷ ಎಂದರೆ ತಮ್ಮ ಮೊದಲ ಸಿನಿಮಾವನ್ನು ತಾವೇ ನಿರ್ದೇಶನ ಮಾಡಿಕೊಳ್ಳುತ್ತಿದ್ದಾರೆ. ಕಿಚ್ಚ ಕ್ರಿಯೇಷನ್ಸ್‌ ಬ್ಯಾನರ್‌ ಜತೆ ಕೆ. ಪಿ ಶ್ರೀಕಾಂತ್‌ ಹಾಗೂ ಮನೋಹರ್‌ ನಾಯ್ಡು ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ. ಸಂಚಿತ್ ಸಂಜೀವ್ ಈಗಾಗಲೇ ಸಿನಿಮಾದ ಬಹುತೇಕ ವಿಷಯಗಳನ್ನ ತಿಳಿದುಕೊಂಡಿದ್ದಾರೆ. ಕಿರು ಚಿತ್ರ ಕೂಡ ನಿರ್ದೇಶನ ಮಾಡಿದ್ದಾರೆ ಎನ್ನಲಾಗಿದೆ. ಈ ವಿಚಾರವಾಗಿ ಶ್ರೀಕಾಂತ್‌ ಅವರು ಟ್ವೀಟ್‌ ಮಾಡಿ ಮಾಹಿತಿ ನೀಡಿದ್ದರು. ಜೂನ್ 14ರಂದು ಸಿನಿಮಾ ಅಧಿಕೃತವಾಗಿ ಘೋಷಣೆಯಾಗಿದೆ ಎಂದರು.
ಲಹರಿ ಸಂಸ್ಥೆಯ ಮನೋಹರ್‌ ನಾಯ್ಡು ಹಾಗೂ ವೀನಸ್ ಮೂವಿಸ್‌ ಕೆ ಪಿ ಶ್ರೀಕಾಂತ್‌ ಈ ಸಿನಿಮಾ ನಿರ್ಮಿಸುತ್ತಿದ್ದಾರೆ. ಉಪೇಂದ್ರ ನಟನೆಯ ಯುಐ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ. ಇನ್ನು ಚಿತ್ರಿಕರಣ ನಿಂತು ಹೋಗಿದ್ದ ವಿನಯ್‌ ರಾಜಕುಮಾರ್‌ ಸಿನಿಮಾ ಗ್ರಾಮಾಯಣಕ್ಕೆ ಮರುಜೀವ ಕೊಟ್ಟಿದ್ದಾರೆ. ಇತ್ತೀಚೆಗೆ ಈ ಸಿನಿಮಾ ಮುಹೂರ್ತ ನಡೀತು. ಇದೀಗ ಸುದೀಪ್ ತಮ್ಮ ಸೋದರಳಿಯಯ ಚಿತ್ರಕ್ಕೆ ಸಾಥ್‌ ನೀಡಿದ್ದಾರೆ.
Happy to announce that the film Kick starts frm June 15th (tomorrow) 9.45am.
— Kichcha Sudeepa (@KicchaSudeep) June 14, 2023
Bestest wishes to everyone involved.🥂🥂🥂🥳@LahariFilm #GManoharan @entertainers @kp_sreekanth #NaveenManoharan @iampriya06 @sanchithsanjeev
ಇದನ್ನೂ ಓದಿ: Kichcha Sudeep: ಸುದೀಪ್ ಮನೆಯ ಹೋಮ್ ಥಿಯೇಟರ್ ʻಸಿಂಹದ್ವಾರʼ ಫೋಟೊ ವೈರಲ್‌; ಕಿಚ್ಚ 46 ಸಿನಿಮಾಗೆ ಲಿಂಕ್‌ ಏನು?
ಸಿನಿಮಾಟೋಗ್ರಾಫರ್‌ ಆಗಿ ಅಮಿತ್‌ ಎಂಬ ಹೊಸ ಯುವಕ ಆಯ್ಕೆಯಾಗಿದ್ದಾರೆ. ಸಂಗೀತ ನಿರ್ದೇಶನದ ಜವಾಬ್ದಾರಿ ವಾಸುಕಿ ವೈಭವ್‌ರದ್ದು. ಮೂರು ಪ್ರಮುಖ ಪಾತ್ರಗಳನ್ನು ಬಿಟ್ಟರೆ ಈ ಸಿನಿಮಾದಲ್ಲಿ ಬರುವ ಹಲವು ಪಾತ್ರಗಳಲ್ಲಿ ಹೊಸಬರೇ ಇರುತ್ತಾರೆ ಎಂಬುದು ನಿರ್ದೇಶಕ, ನಟ ಸಂಚಿತ್ ಹೇಳಿಕೊಂಡಿದ್ದಾರೆ.