ಬೆಂಗಳೂರು: ಸ್ಯಾಂಡಲ್‌ವುಡ್‌ ನಟ ಶ್ರೀನಗರ ಕಿಟ್ಟಿ (Srinagar Kitty) ಅವರಿಗೆ ಜುಲೈ 8ರಂದು ಜನುಮದಿನದ ಸಂಭ್ರಮ. ಇದೀಗ ಶ್ರೀನಗರ ಕಿಟ್ಟಿ ಹುಟ್ಟುಹಬ್ಬದ ಪ್ರಯುಕ್ತ ಸಂಜು ವೆಡ್ಸ್ ಗೀತಾ ಸಿನಿಮಾದ ಪಾರ್ಟ್ 2 ಅಧಿಕೃತ ಘೋಷಣೆ ಮಾಡಿದೆ ಚಿತ್ರತಂಡ. ಡೈರೆಕ್ಟರ್ ನಾಗಶೇಖರ್ ಅವರು ರಮ್ಯಾ ಅವರ ಎಪಿಸೋಡ್‌ ವೀಕೆಂಡ್‌ ವಿತ್‌ ರಮೇಶ್‌ ಶೋದಲ್ಲಿ ಕೂಡ ಈ ಬಗ್ಗೆ ಪ್ರಸ್ತಾಪಿಸಿದರು.
ಇದೀಗ ಸಂಜು ವೆಡ್ಸ್ ಗೀತಾ ಸಿನಿಮಾದ ಪಾರ್ಟ್ 2 ಘೋಷಣೆಯಾಗುತ್ತಿದ್ದಂತೆ ಸಿನಿಮಾದಲ್ಲಿ ಮೋಹಕ ತಾರೆ ರಮ್ಯಾ ಇರಲಿದ್ದಾರಾ ಎಂಬ ಕುತೂಹಲ ಸಿನಿರಸಿಕರಲ್ಲಿ ಹೆಚ್ಚಾಗಿದೆ. ನವೆಂಬರ್‌ನಿಂದ ಸಂಜು ವೆಡ್ಸ್ ಗೀತಾ-2 ಶೂಟಿಂಗ್ ಶುರುವಾಗಲಿದೆ ಎಂದು ಚಿತ್ರತಂಡ ಮಾಹಿತಿ ಹಂಚಿಕೊಂಡಿದೆ. ಈ ಚಿತ್ರದಲ್ಲಿ ರಮ್ಯಾ ಅದ್ಭುತವಾಗಿಯೇ ಅಭಿನಯಿಸಿದ್ದರು. ಚಿತ್ರ ಸಾಹಿತಿ ಕವಿರಾಜ್ ಈ ಚಿತ್ರಕ್ಕೆ ಒಳ್ಳೊಳ್ಳೆ ಹಾಡುಗಳನ್ನು ನೀಡಿದ್ದಾರೆ.
ಈ ಸಿನಿಮಾ ಮಾಡುವ ಆರಂಭದಲ್ಲಿ ಹಣದ ಅಭಾವವೂ ಇತ್ತು. ನಿರ್ಮಾಣದ ಹಿಂದೆ ಒಂದಲ್ಲ ಎರಡಲ್ಲ, ಹಲವು ರೋಚಕ ಕಥೆಗಳಿವೆ ಎಂದು ವೀಕೆಂಡ್‌ ವಿತ್‌ ರಮೇಶ್‌ ಶೋದಲ್ಲಿ ರಮ್ಯಾ ಹೇಳಿಕೊಂಡಿದ್ದರು. ಸಂಜು ವೆಡ್ಸ್ ಗೀತಾ ಚಿತ್ರ ಮತ್ತೆ ಆರಂಭ ಆಗಲು ರಮ್ಯಾ ಹಣ ಕೊಟ್ಟಿದ್ದರಂತೆ. ಬಳಿಕ ಈ ಸಿನಿಮಾ ಸೂಪರ್ ಡೂಪರ್ ಹಿಟ್ ಕೂಡ ಆಯಿತು.
Whole Album of "Sanju weds Geeta"
— ಸಪ್ತಸಾಗರ (@SaptaSagara_) May 8, 2023
is pure bliss 🎶…. pic.twitter.com/uD3MyuxQFz
ಇದನ್ನೂ ಓದಿ: Cinema News : ಸಿನಿಮಾಗಳ ಎರಡನೇ ಭಾಗಗಳು ಗಳಿಸಿದ್ದು ಎಷ್ಟು? ಯಾವುದು ಹಿಟ್? ಯಾವುದು ಫ್ಲಾಪ್‌?
ಇದಕ್ಕೂ ಹೆಚ್ಚಾಗಿ ರಮ್ಯಾ ಅವರ ಈ ಚಿತ್ರ ಇಡೀ ನಾಡಿನ ಹೆಣ್ಣುಮಕ್ಕಳ ಮನಸ್ಥಿತಿಯನ್ನ ಅಷ್ಟೇ ಸೂಕ್ಷ್ಮವಾಗಿಯೇ ಬಿಂಬಿಸಿತ್ತು. ವೀಕೆಂಡ್‌ ವಿತ್‌ ರಮೇಶ್‌ ಶೋದಲ್ಲಿ ಸಂಜು ವೆಡ್ಸ್ ಗೀತಾ ಚಿತ್ರದ ಕ್ಲಾಪ್ ಬೋರ್ಡ್ ಡೈರೆಕ್ಟರ್ ನಾಗಶೇಖರ್ ಅವರು ರಮ್ಯಾ ಅವರಿಗೆ ಗಿಫ್ಟ್ ಆಗಿ ಕೊಟ್ಟಿದ್ದಾರೆ. ಚಿತ್ರದ ಸವಿಸವಿ ನೆನಪಿಗಾಗಿಯೇ ಈ ಒಂದು ಸ್ಪೆಷಲ್ ಉಡುಗೊರೆಯನ್ನು ವೀಕೆಂಡ್‌ ವಿತ್‌ ರಮೇಶ್‌ ಶೋದಲ್ಲಿ ನಾಗಶೇಖರ್ ಅವರು ರಮ್ಯಾ ಅವರಿಗೆ ಕೊಟ್ಟಿದ್ದಾರೆ.