ಪ್ರತಾಪ್ ಸಿಂಹ ರೆಡ್ಡಿ-ಹರ್ಷಿಕಾ ಪೂಣಚ್ಛ ಅಭಿನಯದ ಸ್ತಬ್ಧ ಚಿತ್ರದ ಟೀಸರ್ (Sthabdha Teaser) ಇಂದು ಬಿಡುಗಡೆಯಾಗಿದೆ. ಈ ಚಿತ್ರದಲ್ಲಿ ನಟ ರಾಘವೇಂದ್ರ ರಾಜ್ಕುಮಾರ್ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದು, ಇಂದು ಟೀಸರ್ನ್ನು ಅವರೇ ಬಿಡುಗಡೆ ಮಾಡಿದ್ದಾರೆ. ಇಡೀ ಚಿತ್ರತಂಡಕ್ಕೆ ಶುಭಕೋರಿದ್ದಾರೆ. ಇಂದು 1.52 ನಿಮಿಷದ ಟೀಸರ್ ಬಿಡುಗಡೆಯಾಗಿದ್ದು, ಸಸ್ಪೆನ್ಸ್, ಥ್ರಿಲ್ಲರ್, ಹಾರರ್ ಮತ್ತು ಆ್ಯಕ್ಷನ್, ಜತೆಗೆ ಒಂದಷ್ಟು ರೊಮ್ಯಾಂಟಿಕ್ ಸೀನ್ ಇರುವ ಸಿನಿಮಾ ಎಂಬುದು ಇದರಲ್ಲಿ ಸ್ಪಷ್ಟವಾಗಿ ಗೋಚರಿಸುತ್ತದೆ. ಅಂದಹಾಗೇ, ಬಹುನಿರೀಕ್ಷಿತ ಸ್ತಭ್ಧ ಚಿತ್ರ ಜೂನ್ 9ರಂದು ರಾಜ್ಯಾದ್ಯಂತ ತೆರೆಕಾಣಲಿದೆ.
ಸ್ತಬ್ಧ ಚಲನಚಿತ್ರ ಸಾಯಿ ಸಾಗರ್ ಫಿಲ್ಮ್ ಫ್ಯಾಕ್ಟರಿ ಬ್ಯಾನರ್ನಡಿ ನಿರ್ಮಾಣಗೊಂಡಿದ್ದು, ಇದರ ನಿರ್ಮಾಪಕರು ಡಾ. ಡಿ.ವಿ.ವಿದ್ಯಾಸಾಗರ್. ಲಾಲಿ ರಾಘವ್ ಅವರು ಈ ಸಿನಿಮಾ ನಿರ್ದೇಶನ ಮಾಡಿದ್ದಾರೆ ಮತ್ತು ಸಂಗೀತ ನಿರ್ದೇಶಕ ಆರವ್ ರಿಶಿಕ್. ಹಾಗೇ, ಹಂಸಲೇಖ ಸಾಹಿತ್ಯ ಮತ್ತು ಸಾಹಸ ದೃಶ್ಯಗಳ ನಿರ್ದೇಶನವನ್ನು ಥ್ರಿಲ್ಲರ್ ಮಂಜು ಮಾಡಿದ್ದಾರೆ. 2022ರ ಜನವರಿಯಲ್ಲಿ ಈ ಚಿತ್ರದ ಮುಹೂರ್ತ ಸಮಾರಂಭ ನಡೆದಿತ್ತು. ಅದಾಗಿ ಕೆಲವೇ ತಿಂಗಳಲ್ಲಿ ಮೊದಲ ಮೋಶನ್ ಪೋಸ್ಟರ್ ಕೂಡ ಬಿಡುಗಡೆಯಾಗಿತ್ತು. ಮೋಶನ್ ಪೋಸ್ಟರ್ ಬಿಡುಗಡೆಯಾದಾಗಲೇ ಸಿನಿಮಾ ಬಗ್ಗೆ ಕುತೂಹಲ ಮೂಡಿತ್ತು. ಇನ್ನು ಇದರಲ್ಲಿ ಹರ್ಷಿಕಾ ಪೂಣಚ್ಛ ಅವರು ರಾಘವೇಂದ್ರ ರಾಜಕುಮಾರ್ ಮಗಳಾಗಿ ಅಭಿನಯಿಸುತ್ತಿದ್ದಾರೆ. ಈ ಬಗ್ಗೆ ಅವರು ಚಿತ್ರದ ಮುಹೂರ್ತದ ವೇಳೆ ಮಾತನಾಡುತ್ತ, ಸಿಕ್ಕಾಪಟೆ ಖುಷಿ ವ್ಯಕ್ತಪಡಿಸಿದ್ದರು.
ಇಲ್ಲಿದೆ ನೋಡಿ ಸ್ತಬ್ಧ ಕನ್ನಡ ಚಿತ್ರದ ಟೀಸರ್
