ಬೆಂಗಳೂರು: ರೆಬೆಲ್ ಸ್ಟಾರ್ ಅಂಬರೀಷ್‌ (Rebel star Ambareesh) ಎಲ್ಲೂ ಹೋಗಿಲ್ಲ. ಇಲ್ಲೇ ಇದ್ದಾರೆ ಅನಿಸಿತು. ಅವರಿಗೆ ನೀವು ನೀಡಿದ ಗೌರವ, ಸ್ಥಾನಮಾನ ಅಭಿಷೇಕ್‌ಗೂ ಕೊಡಿʼʼ ಎಂದು ಸಂಸದೆ ಸುಮಲತಾ ಅಂಬರೀಷ್‌ (Sumalatha Ambareesh) ಮನವಿ ಮಾಡಿದರು. ಅಭಿಷೇಕ್ ಅಂಬರೀಷ್‌ (Abhishek Ambareesh) ಅಭಿನಯದ ʼಬ್ಯಾಡ್ ಮ್ಯಾನರ್ಸ್ʼ (Bad manners movie) ಸಿನಿಮಾದ ಟ್ರೇಲರ್‌ ಲಾಂಚ್‌ (bad manners trailer launch) ಕಾರ್ಯಕ್ರಮದಲ್ಲಿ ಅವರು ಭಾಗವಹಿಸಿ ಮಾತನಾಡಿದರು.
ನಾನು ಚಿತ್ರದ ನಿರ್ದೇಶಕರ ಮೇಲೆ ಪೂರ್ತಿ ನಂಬಿಕೆಯಿಟ್ಟಿದ್ದೆ. ಒಂದು ದಿನ ಮಾತ್ರ ಶೂಟಿಂಗ್‌ಗೆ ಬಂದು ನೋಡಿದೆ. ಚೆನ್ನಾಗಿ ಮಾಡಿದ್ದಾರೆ. ಅದನ್ನು ನೋಡಿದಾಗ ಅಂಬರೀಷ್‌ ಅವು ನಮ್ಮ ನಡುವೆಯೇ ಇದ್ದಾರೆ ಎಂಬ ಫೀಲ್‌ ಬಂತು. ಅವರಿಗೆ ನೀಡಿದ ಯಶಸ್ಸು, ಗೌರವ, ಸ್ಥಾನಮಾನ ಅಭಿಷೇಕ್‌ಗೂ ನೀಡಿ ಆಶೀರ್ವದಿಸಿ ಎಂದು ಸುಮಲತಾ ಅಭಿಮಾನಿಗಳಲ್ಲಿ ಕೋರಿದರು.
ಯಂಗ್ ರೆಬೆಲ್ ಸ್ಟಾರ್ ಅಭಿಷೇಕ್ ಅಂಬರೀಶ್ ನಟನೆಯ ಎರಡನೇ ಸಿನಿಮಾ ʼಬ್ಯಾಡ್ ಮ್ಯಾನರ್ಸ್’ ರಿಲೀಸ್‌ಗೆ ರೆಡಿಯಾಗಿದ್ದು, ಸಿನಿಮಾ ಟ್ರೈಲರ್ ರಿಲೀಸ್ ಮಾಡಲಾಗಿದೆ. ದುನಿಯಾ ಸೂರಿ ಈ ಸಿನಿಮಾಗೆ ಆಕ್ಷನ್ ಕಟ್ ಹೇಳಿದ್ದು, ಇದೇ ನವೆಂಬರ್ 24ಕ್ಕೆ ಈ ಸಿನಿಮಾ ರಾಜ್ಯಾದ್ಯಂತ ಅದ್ಧೂರಿಯಾಗಿ ಬಿಡುಗಡೆಯಾಗುತ್ತಿದೆ. ಸಿನಿಮಾ ಮೇಲೆ ಕುತೂಹಲ ಸಾಕಷ್ಟಿದೆ. ತಮ್ಮ ಎರಡನೇ ಸಿನಿಮಾದಲ್ಲಿ ಅಭಿ ಆಕ್ಷನ್ ಹೀರೊ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಮತ್ತೊಬ್ಬ ಮಾಸ್ ಹೀರೊ ನೋಡುವುದಕ್ಕೆ ಪ್ರೇಕ್ಷಕರು ಕಾದು ಕೂತಿದ್ದಾರೆ. ಇಷ್ಟು ದಿನ ಟ್ರೈಲರ್ ನೋಡುವುದಕ್ಕೆ ಕಾತುರರಾಗಿದ್ದ ಅಭಿಷೇಕ್ ಫ್ಯಾನ್ಸ್‌ ಬಳಿಗೆ ʼಬ್ಯಾಡ್ ಮ್ಯಾನರ್ಸ್’ ಟ್ರೈಲರ್ ತಲುಪಿದೆ.
ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಟ್ರೈಲರ್ ಬಿಡುಗಡೆ ಕಾರ್ಯಕ್ರಮಕ್ಕೆ ಆಗಮಿಸಿ ಶುಭ ಹಾರೈಸಿದರು. ತಾವು ಇಡೀ ಸಿನಿಮಾವನ್ನೇ ನೋಡಿದ್ದಾಗಿ ಹೇಳಿದ್ದಾರೆ. “ನಾನು ಇಡೀ ಸಿನಿಮಾ ನೋಡಿದ್ದೀನಿ. ಸೂರಿಯವರಿಗೆ ಧನ್ಯವಾದಗಳನ್ನು ಹೇಳುತ್ತೇನೆ. ಯಾಕಂದ್ರೆ, ಅವರ ಸಿನಿಮಾದ ಪ್ಯಾಟ್ರನ್ ಬೇರೆನೇ ಇರುತ್ತೆ. ಇವತ್ತಿನ ಪೀಳಿಗೆ ಏನೇನಾಗ್ತಿದೆಯೋ ಆ ತರಹದ ಒಂದು ಸಿನಿಮಾ. ಈ ಸಿನಿಮಾದಲ್ಲಿ ನೀವು ಹೆಚ್ಚು ಗನ್‌ಗಳನ್ನೇ ನೋಡುತ್ತೀರ. ಅಂದ್ರೆ ಸೂರಿ ಹೇಳೋಕೆ ಹೊರಟಿರೋದು ಏನಂದ್ರೆ, ಇದು ಗನ್ ಕಣಪ್ಪ.. ಬನ್ ಅಲ್ಲ ಅಂತ.” ಎಂದಿದ್ದಾರೆ. ಅಭಿಯ ಮೊದಲನೇ ಸಿನಿಮಾದಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡ ದರ್ಶನ್, ಎರಡನೇ ಸಿನಿಮಾದ ಹಿಂದೆ ನಿಂತು ಪರೋಕ್ಷವಾಗಿ ಬೆಂಬಲ ಕೊಟ್ಟಿದ್ದಾರೆ.
#badmaners trailer launched by #Darshan https://t.co/mdpDEwdGGH#darshanthoogudeepa #abhishekambareesh #duniyasuri #Rachitharam #charanraj #dfanscompany #ChallengingStarDarshan #DBoss #darshancraze #dhanvir #vinodprabhakar #vikramravichandran @dasadarshan @sumalathaA pic.twitter.com/yAwzR61DsS
— D Fans Company ® official (@Dfanscompany) November 12, 2023
“ಇಲ್ಲಿವರೆಗೂ ನೀವು ಯಂಗ್ ರೆಬೆಲ್ ಸ್ಟಾರ್ ಅಂತಿದ್ರಿ. ಇಲ್ಲಿ ನೀವು ರಿಯಲ್ ರೆಬೆಲ್ ಸ್ಟಾರ್ ಅನ್ನೇ ನೋಡ್ತೀರಿ. ಮೊದಲನೇ ಸಿನಿಮಾಗೂ ಈ ಸಿನಿಮಾಗೂ ಅಭಿಷೇಕ್ ಅವರು ತುಂಬಾನೇ ಬದಲಾಗಿದ್ದಾರೆ. ಅವರ ಆಕ್ಟಿಂಗ್ ಸ್ಕಿಲ್ ಬದಲಾಗಿದೆ. ಅವರ ಸ್ಟೈಲ್ ಬದಲಾಗಿದೆ. ಅದೆಲ್ಲದ್ದಕ್ಕೂ ಕಾರಣ ಸೂರಿಯವರು. ಯಾಕಂದ್ರೆ ಅಷ್ಟು ಚೆನ್ನಾಗಿ ನಮ್ಮ ಹುಡುಗನ ಹತ್ತಿರ ಕೆಲಸ ತೆಗೊಂಡಿದ್ದಾರೆ” ಎಂದು ದರ್ಶನ್ ನಿರ್ದೇಶಕ ಸೂರಿ ಸಿನಿಮಾ ಶೈಲಿಯನ್ನು ಹೊಗಳಿದ್ದಾರೆ.
“ನಮ್ಮನ್ನು ನೋಡಿದಾಗ ಎಲ್ಲರೂ ಹೈಟ್ ಹೈಟ್ ಅನ್ನೋರು. ಈಗ ಯಾರು ಹೈಟಿದ್ದಾರೆ ನೋಡಿ ಸ್ವಾಮಿ. ಇವರ ಮುಂದೆ ನಾವೇ ಕುಳ್ಳಗೆ ಇಲ್ವಾ? ನನಗಿಂತ ಎರಡು ಇಂಚು ಉದ್ದ ಜಾಸ್ತಿ ಇದ್ದಾನೆ. ವಿಕ್ಕಿನೂ ನಮಗಿಂತಲೂ ಉದ್ದ ಇದ್ದಾನೆ. ಧನ್ವೀರ್, ವಿನೋದ್ ಪ್ರಭಾಕರ್, ಎಲ್ಲರೂ ಹೈಟ್ ಇದ್ದಾರೆ. ಮುಂದೆ ಬರ್ತಿರೋ ಎಲ್ಲಾ ಯಂಗ್‌ಸ್ಟರ್‌ಗಳಿಗೂ ಒಳ್ಳೆಯದಾಗಲಿ. ಬ್ಯಾಡ್ ಮ್ಯಾನರ್ಸ್ ಬರೀ ಹೆಸರಷ್ಟೇ.. ಒಳ್ಳೆ ಮ್ಯಾನರ್ಸ್ ಇಟ್ಟುಕೊಂಡು ಮಾಡಿದಂತಹ ಸಿನಿಮಾವಿದು” ಎಂದು ದರ್ಶನ್ ಶುಭ ಹಾರೈಸಿದ್ದಾರೆ.
ಇದನ್ನೂ ಓದಿ: Abhishek Ambareesh | ಇಲ್ಲಿವೆ ಅಭಿಷೇಕ್ ಅಂಬರೀಷ್‌ ಮತ್ತು ಅವಿವಾ ಬಿದ್ದಪ್ಪ ನಿಶ್ಚಿತಾರ್ಥ ಫೋಟೊಗಳು