ಪ್ಯಾರಿಸ್‌: ಫ್ರಾನ್ಸ್‌ನಲ್ಲಿ ಪ್ರಸಿದ್ಧ ಕಾನ್ಸ್‌ ಉತ್ಸವ ನಡೆಯುತ್ತಿದೆ. ಭಾರತದ ಹಲವು ಸೆಲೆಬ್ರಿಟಿಗಳು ಸೇರಿದಂತೆ ವಿಶ್ವದ ಹಲವಾರು ಗಣ್ಯರು ಈ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡಿದ್ದಾರೆ. ಬಾಲಿವುಡ್‌ ಪ್ರತಿಭೆಯಾಗಿರುವ ಸನ್ನಿ ಲಿಯೋನ್ (Sunny Leone) ಅವರೂ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದಾರೆ. ಕಾರ್ಯಕ್ರಮದಲ್ಲಿನ ಅವರ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸದ್ದು ಮಾಡುತ್ತಿವೆ.
ಸನ್ನಿ ಲಿಯೋನ್ ಅವರು ಕಾನ್ಸ್‌ನ ಮೊದಲನೇ ದಿನದಂದು ಕಡು ಹಸಿರು ಬಣ್ಣದ ದಿರಸಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಅದರ ಫೋಟೋಗಳನ್ನು ಹಂಚಿಕೊಂಡಿರುವ ನಟಿ, “ಕಾನ್ಸ್‌ನಲ್ಲಿ ಅದ್ಭುತವಾದ ಮೊದಲನೇ ದಿನ. ನಮ್ಮ ಕೆನ್ನೆಡಿ ಸಿನಿಮಾಗಾಗಿ ಸಂದರ್ಶನಗಳನ್ನು ಮಾಡುತ್ತಿದ್ದೇನೆ. ನನ್ನನ್ನು ಚಂದ ಕಾಣುವಂತೆ ಮಾಡಿದ ಲಿಯಾ ಅವರಿಗೆ ಧನ್ಯವಾದಗಳು” ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: Sunny Leone: ವೆಡ್ಡಿಂಗ್ ಲೆಹೆಂಗಾದಲ್ಲಿ ಸನ್ನಿ ಲಿಯೋನ್ ಹಾಟ್ ಫೋಟೊ ಶೂಟ್!
ಸನ್ನಿ ಅವರು ತಮ್ಮ ಪತಿ ಡೇನಿಯೆಲ್‌ ವೆಬೆರ್‌ ಅವರೊಂದಿಗೆ ಫ್ರಾನ್ಸ್‌ಗೆ ಬಂದಿಳಿದಿದ್ದಾರೆ. ಕಾರಿನಲ್ಲಿರುವ ಫೋಟೋ ಹಂಚಿಕೊಂಡಿದ್ದ ಅವರು, ಕಾರ್ಯಕ್ರಮದಲ್ಲಿ ಗೌನ್‌ಗಳು ಮತ್ತು ಡ್ರೆಸ್‌ಗಳನ್ನು ತೊಡುವುದಕ್ಕೆ ಉತ್ಸುಕರಾಗಿರುವುದಾಗಿ ತಿಳಿಸಿದ್ದರು. ಹಾಗೆಯೇ ಕಾರ್ಯಕ್ರಮದ ಸಾಕಷ್ಟು ಫೋಟೋ, ವಿಡಿಯೊಗಳನ್ನು ಹಂಚಿಕೊಳ್ಳುವುದಾಗಿ ಹೇಳಿದ್ದರು.
ಸನ್ನಿ ಲಿಯೋನ್ ಮತ್ತು ರಾಹುಲ್‌ ಭಟ್‌ ನಟಿಸರುವ ಕೆನ್ನೆಡಿ ಸಿನಿಮಾ ಕಾನ್ಸ್‌ನಲ್ಲಿ ಪ್ರದರ್ಶನಗೊಳ್ಳುತ್ತಿದೆ. ಈ ಸಿನಿಮಾವನ್ನು ಅನುರಾಗ್‌ ಕಷ್ಯಪ್‌ ಅವರು ನಿರ್ದೇಶಿಸಿದ್ದಾರೆ. ಸನ್ನಿ ಜತೆಯಲ್ಲಿ ರಾಹುಲ್‌ ಭಟ್‌, ಅನುರಾಗ್‌ ಕಷ್ಯಪ್‌ ಅವರೂ ಕೂಡ ಫ್ರಾನ್ಸ್‌ನಲ್ಲಿ ಕಾನ್ಸ್‌ ಉತ್ಸವದಲ್ಲಿ ಪಾಲ್ಗೊಂಡಿದ್ದಾರೆ.