ಬೆಂಗಳೂರು: ಸನ್ನಿ ಲಿಯೋನ್ (Sunny Leone) ಈಗ ಬಾಲಿವುಡ್‌ನಲ್ಲಿ ಸಾಲು ಸಾಲು ಸಿನಿಮಾಗಳನ್ನು ಮಾಡುತ್ತಿದ್ದಾರೆ. ಬಾಲಿವುಡ್‌ ‘ಕೊಟೇಶನ್‌ ಗ್ಯಾಂಗ್‌’ ಸಿನಿಮಾ ಟೀಸರ್‌ ಇತ್ತೀಚೆಗೆ ಬಿಡುಗಡೆ ಆಗಿ ಸಿನಿಪ್ರಿಯರ ಮೆಚ್ಚುಗೆ ಪಡೆದುಕೊಂಡಿತ್ತು. ಈ ಸಿನಿಮಾದ ಶೂಟಿಂಗ್ ಸೆಟ್‌ನಲ್ಲಿ ಸನ್ನಿ ಲಿಯೋನ್ ಗಾಯಗೊಂಡಿದ್ದು, ವಿಡಿಯೊವನ್ನು ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಸನ್ನಿ ಲಿಯೋನ್ ಅಭಿನಯಿಸುತ್ತಿರುವ ‘ಕೊಟೇಶನ್‌ ಗ್ಯಾಂಗ್‌’ ಸಿನಿಮಾದ ಶೂಟಿಂಗ್ ವೇಳೆ ಕಾಲಿನ ಬೆರಳಿಗೆ ಸಣ್ಣ ಗಾಯವಾಗಿದ್ದು ರಕ್ತ ಹೊರ ಬಂದಿದೆ. ಅಲ್ಲಿದ್ದ ಒಬ್ಬರು, ಸನ್ನಿ ಕಾಲೆಳೆಯಲು ನಿಮಗೆ ಇಂಜೆಕ್ಷನ್‌ ಕೊಡಿಸುತ್ತೇವೆ ಎಂದಾಗ, ಸನ್ನಿ ಭಯಗೊಂಡು ಎಂತಹ ಇಂಜೆಕ್ಷನ್‌…!. ನಿನ್ನ ಕೆನ್ನೆಗೆ ಈಗ ಬಾರಿಸುತ್ತೇನೆ ನೋಡು ಎಂದು ಗದರುತ್ತಾರೆ. ಸುತ್ತಮುತ್ತಲಿದ್ದವರು ಸನ್ನಿಗೆ ತಮಾಷೆ ಮಾಡುತ್ತಿದ್ದರೆ, ಸನ್ನಿ ಆಂಬುಲೆನ್ಸ್‌ ಕರೆಯಿರಿ ಎನ್ನುತ್ತಾರೆ. ಈ ವಿಡಿಯೋ ನೋಡಿದವರು ಸನ್ನಿ ಮಾತಿಗೆ ನಕ್ಕರೆ, ಕೆಲವರು ಬೇಗ ನೋವು ಕಡಿಮೆಯಾಗಲಿ ಎಂದ್ ವಿಶ್‌ ಮಾಡುತ್ತಿದ್ದಾರೆ. ಇನ್ನೂ ಕೆಲವರು ಸನ್ನಿ, ಜಾಗ್ರತೆಯಿಂದ ಇರಿ ಎಂದು ಕಮೆಂಟ್‌ ಮಾಡುತ್ತಿದ್ದಾರೆ. ಈ ವಿಡಿಯೊದಲ್ಲಿ ಸನ್ನಿ ತಮ್ಮ ಚಿತ್ರದ ಪಾತ್ರದ ಗೆಟಪ್‌ನಲ್ಲೇ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾ ಫೆಬ್ರವರಿಯಲ್ಲಿ ಬಿಡುಗಡೆ ಆಗುವ ಸಾಧ್ಯತೆ ಇದೆ.
ಇದನ್ನೂ ಓದಿ: Sunny Leone | ಉಪೇಂದ್ರ ಸಿನಿಮಾದ ʻಯುಐʼನಲ್ಲಿ ನಟಿಸುತ್ತಿದ್ದಾರಾ ಸನ್ನಿ ಲಿಯೋನ್?
ಬಾಲಿವುಡ್‌ ನಟ ಜಾಕಿ ಶ್ರಾಫ್‌, ಈ ಚಿತ್ರದಲ್ಲಿ ಮುಸ್ತಫಾ ಪಾತ್ರದಲ್ಲಿ ನಟಿಸಿದ್ದಾರೆ. ‘ಕೊಟೇಶನ್‌ ಗ್ಯಾಂಗ್‌’ ಚಿತ್ರವನ್ನು ಗಾಯತ್ರಿ ಸುರೇಶ್‌ ಹಾಗೂ ವಿವೇಕ್‌ ಕೆ ಕಣ್ಣನ್‌ ನಿರ್ಮಿಸಿದ್ದಾರೆ. ನಿರ್ಮಾಪಕ ವಿವೇಕ್‌, ಕಥೆ ಬರೆದು ಚಿತ್ರಕ್ಕೆ ಆಕ್ಷನ್‌ ಕಟ್‌ ಹೇಳಿದ್ದಾರೆ.