ಮುಂಬೈ: ಬಾಲಿವುಡ್‌ ನಟ ಸುಶಾಂತ್‌ ಸಿಂಗ್‌ ರಜಪೂತ್‌ (Sushanth Singh) ಆತ್ಮಹತ್ಯೆಗೆ ಶರಣಾಗಿ ಎರಡೂವರೆ ವರ್ಷಗಳು ಕಳೆದಿವೆ. ಆದರೆ ಇನ್ನೂ ಅವರ ನೆನಪುಗಳು ಮಾತ್ರ ನಮ್ಮಿಂದ ಮರೆಯಾಗಿಲ್ಲ. ಅವರ ಬಗ್ಗೆ ನೆನಪಿಸಿಕೊಂಡಿರುವ ನಟಿ ಕಿಯಾರಾ ಅಡ್ವಾಣಿ ಕೂಡ ಅವರ ಬಗ್ಗೆ ಯಾರಿಗೂ ತಿಳಿಯದ ಒಂದು ವಿಚಾರವನ್ನು ಬಿಚ್ಚಿಟ್ಟಿದ್ದಾರೆ. ಸುಶಾಂತ್‌ ದಿನಕ್ಕೆ ಕೇವಲ ಎರಡು ತಾಸು ನಿದ್ರೆ ಮಾಡುತ್ತಿದ್ದರು ಎನ್ನುವ ವಿಚಾರವನ್ನು ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: Sushanth Singh | ನಟ ಸುಶಾಂತ್‌ ಸಿಂಗ್‌ ಸಾಕಿದ್ದ ನಾಯಿ ಸಾವು; ಕಣ್ಣೀರಿಡುತ್ತ ಪೋಸ್ಟ್‌ ಮಾಡಿದ ಸಹೋದರಿ ಪ್ರಿಯಾಂಕಾ
ಯೂಟ್ಯೂಬರ್‌ ಒಬ್ಬರೊಂದಿಗೆ ಸಂದರ್ಶನದಲ್ಲಿ ಭಾಗವಹಿಸಿದ್ದ ನಟಿ ಈ ವಿಚಾರವಾಗಿ ಮಾತನಾಡಿದ್ದಾರೆ. “ನಾನು ಮತ್ತು ಸುಶಾಂತ್‌ ಎಂಎಸ್‌ ಧೋನಿ ಚಿತ್ರದಲ್ಲಿ ಜತೆಯಾಗಿ ನಟಿಸಿದ್ದೆವು. ಸಿನಿಮಾ ಚಿತ್ರೀಕರಣ ವೇಳೆ ನಾನು ಸುಸ್ತಾಗಿ ಕುಳಿತು, ʼಅಯ್ಯಪ್ಪಾ, ಮಲಗಿಕೊಂಡರೆ ಸಾಕುʼ ಅನ್ನುತ್ತಿದೆ. ಆದರೆ ಸುಶಾಂತ್‌ ಎಂದಿಗೂ ಹಾಗೆ ಹೇಳಿರಲಿಲ್ಲ. ಮನುಷ್ಯನ ಜೀವಕ್ಕೆ ದಿನಕ್ಕೆ ಎರಡು ತಾಸು ನಿದ್ರೆ ಸಾಕು. ನಾವು 8-9 ತಾಸು ನಿದ್ರೆ ಮಾಡಿದರೂ ನಮ್ಮ ಮೆದುಳು ವಿಶ್ರಾಂತಿ ಪಡೆಯುವುದು ಎರಡು ತಾಸು ಮಾತ್ರ. ಉಳಿದೆಲ್ಲ ಸಮಯದಲ್ಲಿ ಅದು ಆಕ್ಟಿವ್‌ ಆಗಿರುತ್ತದೆ ಎನ್ನುತ್ತಿದ್ದರು. ಅವರು ನಿಜವಾಗಿಯೂ ನಿದ್ರಾಹೀನತೆಯಿಂದ ಬಳಲುತ್ತಿದ್ದರು” ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ: ವಿಸ್ತಾರ TOP 10 NEWS | ಎಲ್ಲೆಡೆ ಮಾಸ್ಕ್‌ ಕಡ್ಡಾಯದಿಂದ, ಸುಶಾಂತ್‌ ಸಿಂಗ್‌ರದ್ದು ಹತ್ಯೆ ಎಂಬ ಮಾಹಿತಿವರೆಗಿನ ಪ್ರಮುಖ ಸುದ್ದಿಗಳಿವು
ಸುಶಾಂತ್‌ ತಾವು ದಿನಕ್ಕೆ ಎರಡು ತಾಸು ಮಾತ್ರ ನಿದ್ರೆ ಮಾಡುವುದಾಗಿ ನನಗೆ ಹೇಳಿದ್ದರು. ಅದು ಸಾಧ್ಯವೇ ಎಂದು ನಾನು ಆಶ್ಚರ್ಯಪಟ್ಟಿದ್ದೆ. ಆದರೆ ಪ್ರತಿ ದಿನ ಸುಶಾಂತ್‌ ಚಿತ್ರೀಕರಣದ ಸೆಟ್‌ನಲ್ಲಿ ನಮ್ಮೆಲ್ಲರಿಗಿಂತಲೂ ಆಕ್ಟಿವ್‌ ಆಗಿಯೇ ಕಾಣಿಸಿಕೊಳ್ಳುತ್ತಿದ್ದರು ಎಂದು ಹೇಳಿದ್ದಾರೆ.
ಸುಶಾಂತ್‌ ಸಿಂಗ್‌ ಅವರು 2020ರ ಜೂನ್‌ 14ರಂದು ಆತ್ಮಹತ್ಯೆಗೆ ಶರಣಾಗಿದ್ದರು. ಆ ವೇಳೆ ಟ್ವಿಟರ್‌ನಲ್ಲಿ ಪೋಸ್ಟ್‌ ಮಾಡಿದ್ದ ನಟಿ ಕಿಯಾರಾ, “ಈ ವಿಚಾರವನ್ನು ನಂಬಲಾಗುತ್ತಿಲ್ಲ. ನೀವು ಬೇಗನೇ ನಮ್ಮನ್ನೆಲ್ಲ ಬಿಟ್ಟು ಹೋಗಿಬಿಟ್ಟಿರಿ” ಎಂದು ಹೇಳಿದ್ದರು. ನಟನ ಸಾವಿಗೆ ಇಡೀ ದೇಶವೇ ಕಂಬನಿ ಮಿಡಿದಿತ್ತು.