ಬೆಂಗಳೂರು: ಬಾಲಿವುಡ್‌ ನಟ ಶಾರುಖ್ ಖಾನ್ ಅವರ ‘ಸ್ವದೇಶ್‌’ ನಟಿ ಗಾಯತ್ರಿ ಜೋಶಿ (Gayatri Joshi) ಮತ್ತು ಅವರ ಪತಿ ಉದ್ಯಮಿ ವಿಕಾಸ್ ಒಬೆರಾಯ್ (Vikas Oberoi) ಕಾರು ಇಟಲಿಯಲ್ಲಿ ಅಪಘಾತಕ್ಕೆ ಈಡಾಗಿದೆ. ವಕೇಶನ್‌ಗೆ ದಂಪತಿ ಇಟಲಿಗೆಂದು ಹೋಗಿದ್ದು, ಈ ದುರ್ಘಟನೆ ಸಂಭವಿಸಿದೆ. ನಟಿ ಗಾಯತ್ರಿ ಜೋಶಿ ಹಾಗೂ ವಿಕಾಸ್ ಓಬೆರಾಯ್ ಇಬ್ಬರೂ ಪ್ರಾಣಾಪಾಯದಿಂದ ಪಾರಾಗಿದ್ದು, ಫೆರಾರಿಯಲ್ಲಿ ಓವರ್‌ಟೇಕ್ ಮಾಡುತ್ತಿದ್ದ ಸ್ವಿಡ್ಜರ್‌ಲ್ಯಾಂಡ್ ಮೂಲದ ಇಬ್ಬರು ಹಿರಿಯರು ಮೃತಪಟ್ಟಿದ್ದಾರೆ ಎಂದು ವರದಿಯಾಗಿದೆ.
ಇಟಲಿಯ ಸಾರ್ಡಿನಿಯಾದಲ್ಲಿ ಭೀಕರ ಸರಣಿ ಕಾರು ಅಘಾತವಾಗಿದೆ. ಫೆರಾರಿ ಹಾಗೂ ಲ್ಯಾಂಬೊರ್ಗಿನಿ ಕಾರುಗಳು ಓವರ್‌ಟೇಕ್ ಮಾಡುವಾಗ ಈ ಅಪಘಾತ ಸಂಭವಿಸಿದೆ ಎಂದು ಹೇಳಲಾಗುತ್ತಿದೆ. ಗಾಯತ್ರಿ ಜೋಶಿ ಫ್ರೀ ಪ್ರೆಸ್ ಜರ್ನಲ್‌ಗೆ ಈ ಬಗ್ಗೆ ಖಚಿತಪಡಿಸಿದ್ದು, “ವಿಕಾಸ್ ಮತ್ತು ನಾನು ಇಟಲಿಯಲ್ಲಿದ್ದೇವೆ. ನಮ್ಮ ಕಾರು ಅಪಘಾತಕ್ಕೆ ಒಳಗಾಗಿದೆ. ದೇವರ ದಯೆಯಿಂದ ನಾವಿಬ್ಬರೂ ಕ್ಷೇಮವಾಗಿದ್ದೇವೆʼʼ ಎಂದು ಹೇಳಿಕೊಂಡಿದ್ದಾರೆ.
ವರದಿಗಳ ಪ್ರಕಾರ, ಪ್ರಾಣ ಕಳೆದುಕೊಂಡ ದಂಪತಿ ಮಾರ್ಕಸ್ ಕ್ರೌಟ್ಲಿ (67) ಮತ್ತು ಅವರ ಪತ್ನಿ ಮೆಲಿಸ್ಸಾ ಕ್ರೌಟ್ಲಿ (63) ಎಂದು ತಿಳಿದುಬಂದಿದೆ. ಅವರು ಸ್ವಿಟ್ಜರ್‌ಲ್ಯಾಂಡ್‌ನ ಜ್ಯೂರಿಚ್‌ನಿಂದ ಬಂದವರಾಗಿದ್ದರು. ಈ ಅಪಘಾತದ ವೇಳೆ ಫೆರಾರಿ ಕಾರು ಹೊತ್ತಿ ಉರಿದಿದೆ ಎಂದೂ ವರದಿಯಾಗಿದೆ. ಅಪಘಾತದ ದೃಶ್ಯ ಮತ್ತೊಂದು ಕಾರಿನ ಡ್ಯಾಶ್ ಬೋರ್ಡ್‌ನಲ್ಲಿ ಸೆರೆಯಾಗಿದೆ.
ಇದನ್ನೂ ಓದಿ: Shahrukh Khan | ʻದೇಶಭಕ್ತಿ ಸಾರುವ ಚಿತ್ರ ಪಠಾಣ್‌ʼ: ಟ್ವೀಟ್‌ನಲ್ಲಿ ಅಭಿಮಾನಿಗಳ ಜತೆ ಶಾರುಖ್ ಹೇಳಿದ್ದೇನು?
Two deaths on a Ferrari in Sardina, Italy pic.twitter.com/skT3CaXg0T
— Globe Clips (@globeclip) October 3, 2023
ಗಾಯತ್ರಿ ಜೋಶಿ ಮಾಜಿ ಭಾರತೀಯ ನಟಿ, ವಿಡಿಯೊ ಜಾಕಿ ಮತ್ತು ರೂಪದರ್ಶಿ. 2004ರ ಚಲನಚಿತ್ರ ‘ಸ್ವದೇಶ್‌’ನಲ್ಲಿ ನಟಿಸಿದ್ದರು. ಅದಾದ ನಂತರ ಬಾಲಿವುಡ್‌ನಿಂದ ದೂರ ಉಳಿದಿದ್ದರು. 2005ರಲ್ಲಿ ಉದ್ಯಮಿ ವಿಕಾಸ್ ಒಬೆರಾಯ್ ಅವರನ್ನು ವಿವಾಹವಾದರು.ಇವರಿಗೆ ಇಬ್ಬರು ಮಕ್ಕಳಿದ್ದಾರೆ. ಜಗಜಿತ್ ಸಿಂಗ್ ಅವರ ‘ಕಘಜ್ ಕಿ ಕಷ್ಟಿ’ ( Jagjit Singh’s ‘Kaghaz Ki Kashti) ಮತ್ತು ಹನ್ಸ್ ರಾಜ್ ಹನ್ಸ್ ಅವರ ‘ಝಂಜರಿಯಾ’ (Hans Raj Hans’ ‘Jhanjaria’.) ಮ್ಯೂಸಿಕ್‌ ವಿಡಿಯೊಗಳಲ್ಲಿ ಕಾಣಿಸಿಕೊಂಡಿದ್ದಾರೆ.