ಬೆಂಗಳೂರು: ನಟಿ ತಾಪ್ಸಿ ಪನ್ನು (Taapsee Pannu) ಏಪ್ರಿಲ್ 6ರಂದು ಇನ್‌ಸ್ಟಾದಲ್ಲಿ 6 ಪ್ಯಾಕ್ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ. ನಟಿಯ 6-ಪ್ಯಾಕ್ ಕಂಡು ಅವರ ಅಭಿಮಾನಿಗಳು ಮೆಚ್ಚುಗೆ ಸೂಚಿಸಿದ್ದಾರೆ. ಅಷ್ಟೇ ಅಲ್ಲದೇ ನಟಿಯ ಈ ಅವತಾರ ಕಂಡು ಫಿಟ್ನೆಸ್ ಫ್ರೀಕ್ ಎಂದು ಕರೆಯಲ್ಪಡುವ ಟೈಗರ್ ಶ್ರಾಫ್‌ ಅವರಿಗೆ ಹೋಲಿಸಿದ್ದಾರೆ.
ತಾಪ್ಸಿ ಪನ್ನು ತನ್ನ ಅಧಿಕೃತ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಫೋಟೊಗಳನ್ನು ಹಂಚಿಕೊಂಡಿದ್ದು, ಜಿಮ್ ತರಬೇತುದಾರ ಸುಜೀತ್ ಕಾರ್ಗುಟ್ಕರ್ ಅವರೊಂದಿಗೆ ಪೋಸ್ ನೀಡಿದ್ದಾರೆ. ನಟಿ ಕಪ್ಪು ಜಿಮ್ ಧರಿಸಿ ಕಾಣಿಸಿಕೊಂಡಿದ್ದಾರೆ. ತಾಪ್ಸಿ ಪನ್ನು ಅವರ ಫೋಟೊಗಳನ್ನು ಕಂಡು ಅವರ ಅಭಿಮಾನಿಗಳು ಹುಬ್ಬೇರಿಸಿದ್ದಾರೆ. ಟೈಗರ್ ಶ್ರಾಫ್‌ಗೆ ನಟಿಯನ್ನು ಹೋಲಿಸಿದ್ದಾರೆ. ಅಭಿಮಾನಿಯೊಬ್ಬರು, “ಟೈಗರ್ ಶ್ರಾಫ್‌ ಅವರಿಗೆ ಸ್ಪರ್ಧೆಯನ್ನು ನೀಡುತ್ತಿದ್ದಾರೆʼʼ ಎಂದು ಕಾಮೆಂಟ್ ಮಾಡಿದ್ದಾರೆ.
ಫ್ಯಾಶನ್ ಶೋ ಒಂದರಲ್ಲಿ ನಟಿ ತಾಪ್ಸಿ ಪನ್ನು ಧರಿಸಿದ ದೇವಿ ಲಕ್ಷ್ಮಿಯ ಚಿತ್ರವಿರುವ ನೆಕ್ಲೆಸ್ ಧರಿಸಿದ್ದು ವಿವಾದಕ್ಕೆ ಕಾರಣವಾಗಿತ್ತು. ಅವರ ಮೇಲೆ ಮಧ್ಯಪ್ರದೇಶದ ಛತ್ರಿಪುರ ಪೊಲೀಸ್ ಠಾಣೆಯಲ್ಲಿ ಕೇಸ್ ದಾಖಲಾಗಿದೆ. ಇದೇ ವೇಳೆ ನಟಿ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಾಕಿಕೊಂಡಿರುವ ಚಿತ್ರದ ಕಾಮೆಂಟ್ ಸೆಕ್ಷನ್ನಲ್ಲಿ ಅವರಿಗೆ ಬೇಕಾಬಿಟ್ಟಿ ಬೈಗುಳಗಳೂ ದೊರೆತಿವೆ.
ಏನಿದು ವಿವಾದ?
ಫ್ಯಾಶನ್ ಶೋನಲ್ಲಿ ತಾಪ್ಸಿ ಪನ್ನು ಲೋ ಕಟ್ ಕೆಂಪು ಬಟ್ಟೆಯನ್ನು ಧರಿಸಿದ್ದರು. ಜತೆಗೆ ದೊಡ್ಡದಾದ ನೆಕ್ಲೆಸ್ ಕೂಡ ಧರಿಸಿದ್ದರು. ದಪ್ಪನೆಯ ಆ ಒಡವೆ ತಾಪ್ಸಿ ಪನ್ನು ಅವರ ಎದೆಯ ನಡುವೆ ನಿಂತಿದೆ. ಅದರಲ್ಲಿ ದೊಡ್ಡ ಗಾತ್ರದ ಲಕ್ಷ್ಮೀ ದೇವಿಯ ಚಿತ್ರವನ್ನು ಅಚ್ಚೊತ್ತಲಾಗಿದೆ. ಈ ವಿನ್ಯಾಸಕ್ಕೆ ಸಂಪ್ರದಾಯವಾದಿಗಳು ಆಕ್ಷೇಪ ವ್ಯಕ್ತಪಡಿಸಿದ್ದರು. ಸರ್ವಪೂಜಿತೆ ಲಕ್ಷ್ಮೀ ದೇವಿಯನ್ನು ಫ್ಯಾಶನ್ ಶೋಗಾಗಿ ಬಳಸಿದ್ದು ತಪ್ಪು. ಅದರಲ್ಲೂ ಮಹಿಳೆಯೊಬ್ಬಳ ಎದೆ ಸೀಳಿನಲ್ಲಿಟ್ಟು ಛಾಯಚಿತ್ರ ತೆಗೆದಿರುವುದು ಅಕ್ಷಮ್ಯ ಎಂದು ಅವರು ವಾದಿಸಿದ್ದರು.
ಇವೆಲ್ಲದರ ನಡುವೆ ಮಧ್ಯಪ್ರದೇಶ ಬಿಜೆಪಿ ಶಾಸಕಿ ಮಾಲಿನಿ ಗೌರ್ ಅವರ ಪುತ್ರ ಏಕಲವ್ಯ ಗೌರ್ ತಾಪ್ಸಿ ಮೇಲೆ ಪೊಲೀಸ್ ದೂರು ನೀಡಿದ್ದಾರೆ. ನಟಿ ಹಿಂದೂಗಳ ಭಾವನೆಗಳಿಗೆ ಧಕ್ಕೆ ಮಾಡಿದ್ದಾರೆ ಎಂದು ಅವರು ಆರೋಪಿಸಿದ್ದಾರೆ. ಪ್ರಕರಣ ದಾಖಲು ಮಾಡಿಕೊಂಡಿರುವ ಪೊಲೀಸರು ತಾಪ್ಸಿ ಪನ್ನುಗೆ ನೋಟಿಸ್ ಕೊಟ್ಟಿದ್ದಾರೆ.
ತಾಪ್ಸಿ ಪನ್ನು ಪೋಸ್ಟ್‌
ಇದನ್ನೂ ಓದಿ: Taapsee Pannu : ಎದೆ ಸೀಳಿನಲ್ಲಿ ಲಕ್ಷ್ಮೀ ಚಿತ್ರವಿರುವ ನೆಕ್ಲೆಸ್, ನಟಿ ತಾಪ್ಸಿ ಪನ್ನು ಮೇಲೆ ಬಿತ್ತು ಕೇಸ್
ʻಫಿರ್ ಆಯಿ ಹಸೀನ್ ದಿಲ್‌ರುಬಾʼ ಫಸ್ಟ್‌ ಲುಕ್‌ನಲ್ಲಿ ಹಾಟ್‌ ಆಗಿ ಕಾಣಿಸಿಕೊಂಡ ತಾಪ್ಸಿ ಪನ್ನು
ಹಸೀನ್ ದಿಲ್‌ರುಬಾ (Haseen Dilruba’s) ತಂಡದ ಮುಂಬರುವ ʼಫಿರ್ ಆಯಿ ಹಸೀನ್ ದಿಲ್‌ರುಬಾʼ (Phir Aayi Haseen Dilruba) ಪೋಸ್ಟರ್‌ ಅನಾವರಣಗೊಂಡಿದೆ. ಚಿತ್ರದಲ್ಲಿ ತಾಪ್ಸಿ ಪನ್ನು (Taapsee Pannu) ಸಖತ್‌ ಹಾಟ್‌ ಆಗಿ ಕಾಣಿಸಿಕೊಂಡಿದ್ದಾರೆ. ನೀಲಿ ಸೀರೆಯನ್ನು ಧರಿಸಿರುವ ತಾಪ್ಸಿ ಬ್ಯಾಕ್‌ಲೆಸ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಪೋಸ್ಟರ್‌ನಲ್ಲಿ ತಾಪ್ಸಿ ತಾಜ್ ಮಹಲ್ ಕಡೆಗೆ ಮುಖ ಮಾಡಿದ್ದಾರೆ. ಮೇಲ್ನೋಟಕ್ಕೆ ಆಗ್ರಾದಲ್ಲಿ ಕಥೆ ನಡೆದಂತೆ ಇದೆ ಎನ್ನಲಾಗಿದೆ. ಈ ಚಿತ್ರದಲ್ಲಿ ತಾಪ್ಸಿ ಜತೆಗೆ ವಿಕ್ರಾಂತ್ ಮಾಸ್ಸೆ ಮತ್ತು ಸನ್ನಿ ಕೌಶಲ್ ಕೂಡ ನಟಿಸಲಿದ್ದಾರೆ.
ಹಲವು ಸಿನಿಮಾಗಳಲ್ಲಿ ಬ್ಯುಸಿಯಾದ ನಟಿ
ತಾಪ್ಸಿ ಪನ್ನು ಕೊನೆಯದಾಗಿ ZEE5 ಚಲನಚಿತ್ರ ಬ್ಲರ್‌ನಲ್ಲಿ ಗುಲ್ಶನ್ ದೇವಯ್ಯ ಅವರೊಂದಿಗೆ ಕಾಣಿಸಿಕೊಂಡರುನಟಿ ತಾಪ್ಸಿ ಪನ್ನು ತೆಲುಗು, ತಮಿಳು ಹಾಗೂ ಹಿಂದಿಯಲ್ಲಿ ಸೇರಿ ಒಟ್ಟು 50 ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಶಾರುಖ್ ಖಾನ್ ಜತೆಗೆ ಡಂಕಿ ಸಿನಿಮಾ ಬಿಡುಗಡೆಯಾಗಬೇಕಾಗಿದೆ.