ಬೆಂಗಳೂರು : ನಿರ್ದೇಶಕ ಗುರುಪ್ರಸಾದ್‌ ಅವರ ʼಡೈರೆಕ್ಟರ್‌ ಸ್ಪೆಷಲ್‌ʼ ಚಿತ್ರದ ಮೂಲಕ ಸಿನಿ ರಂಗಕ್ಕೆ ಕಾಲಿಟ್ಟವರು ಡಾಲಿ ಧನಂಜಯ್. ಪಿ. ಅರ್ಜುನ್ ಅವರ ಚಲನಚಿತ್ರ ʼರಾಟೆʼಯಲ್ಲಿ ಶ್ರುತಿ ಹರಿಹರನ್ ಜತೆ ನಟಿಸಿದ್ದರು. ನಂತರ ಪ್ರೀತಮ್ ಗುಬ್ಬಿ ನಿರ್ದೇಶನದ ʼಬಾಕ್ಸರ್ʼ ಚಿತ್ರದಲ್ಲಿನ ನಟನೆ ಅವರಿಗೆ ವ್ಯಾಪಕ ಮೆಚ್ಚುಗೆಯನ್ನು ತಂದಿತು. ನಂತರ ಶಿವರಾಜ್‌ಕುಮಾರ್‌ ಅಭಿನಯದ ʼಟಗರುʼ ಚಿತ್ರದಲ್ಲಿ ನೆಗೆಟಿವ್ ಶೇಡ್‌ನಲ್ಲಿ ಅಬ್ಬರಿಸಿ ಬೊಬ್ಬಿರಿದ ಧನಂಜಯ್ ಇದೀಗ ಮೋಸ್ಟ್ ಡಿಮ್ಯಾಂಡೆಡ್ ಹೀರೋ ಕಮ್ ವಿಲನ್ ಆಗಿದ್ದಾರೆ.
ಒಂದಕ್ಕಿಂತ ಒಂದು ವಿಭಿನ್ನ ಸಿನಿಮಾಗಳನ್ನು ಮಾಡುತ್ತ ಬಂದಿರು ಡಾಲಿ ಈ ವರ್ಷದಲ್ಲಿ ಅತೀ ಹೆಚ್ಚು ಸಿನಿಮಾಗಳು ರಿಲೀಸ್‌ ಆದ ನಟ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಸರಾಸರಿ ಎರಡು ತಿಂಗಳಿಗೆ ಒಂದರಂತೆ ಅವರ ಅಭಿನಯದ ಸಿನಿಮಾಗಳು ರಿಲೀಸ್‌ ಆಗಲಿವೆ.
ಇದನ್ನೂ ಓದಿ | ಕಿಚ್ಚ ಸುದೀಪ್‌ V/S ಅಜಯ್‌ ದೇವಗನ್‌: ʼThank Godʼ ಸಿನಿಮಾ ರಿಲೀಸ್‌ ಡೇಟ್‌ ಮುಂದಕ್ಕೆ, ವಿಕ್ರಾಂತ್‌ ರೋಣ ಫಿಕ್ಸ್‌
ʼರತ್ನನ್‌ ಪ್ರಪಂಚʼ, ʼಬಡವ ರಾಸ್ಕಲ್‌ʼ, ʼಪಾಪ್‌ಕಾರ್ನ್ ಮಂಕಿ ಟೈಗರ್ʼ, ʼಸಲಗʼ, ʼಪುಷ್ಪ ದಿ ರೈಸ್‌ʼ, ʼ21 ಅವರ್ಸ್ʼ ಹೀಗೆ ಹಲವಾರು ಚಿತ್ರದ ಮೂಲಕ ಹೆಸರು ಪಡೆದವರು ಡಾಲಿ.
ಸ್ಯಾಂಡಲ್‌ವುಡ್‌ನಲ್ಲಿ ಹವಾ ಸೃಷ್ಟಿ ಮಾಡುತ್ತಿರುವ ಡಾಲಿ
ಶುಕ್ರವಾರ (ಜೂನ್‌ 11 ) ಧನಂಜಯ್ ಅಭಿನಯದ ಹೊಸ ಸಿನಿಮಾದ ರಿಲೀಸ್‌ ಡೇಟ್‌ ಅನೌನ್ಸ್‌ ಆಗಿದೆ. ಅವರೇ ನಿರ್ಮಾಣ ಮಾಡಿ, ನಟಿಸಿರುವ ʼಹೆಡ್‌ ಬುಷ್‌ʼ ಸಿನಿಮಾ ಅಕ್ಟೋಬರ್‌ 21ರಂದು ತೆರೆಗೆ ಬರಲಿದೆ. ಈ ಸಿನಿಮಾದಲ್ಲಿ ಬೆಂಗಳೂರಿನ ಭೂಗತ ದೊರೆ ಜಯರಾಜ್‌ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಚಿತ್ರಕ್ಕೆ ರವಿಚಂದ್ರನ್‌, ವಸಿಷ್ಠ ಸಿಂಹ, ಶ್ರುತಿ ಹರಿಹರನ್ ಸೇರಿದಂತೆ ಹೆಸರಾಂತ ತಾರಬಳಗವೇ ಚಿತ್ರಕ್ಕಿದೆ.
ಡಾಲಿ ಸಿನಿಮಾ ಫೆಸ್ಟಿವಲ್
ಜುಲೈನಲ್ಲಿ ಸಿನಿಮಾ ಹಬ್ಬ ಆಚರಿಸಲಿದ್ದಾರೆ ಡಾಲಿ. ಇವರ ಸಿನಿಮಾಗಳು ಜುಲೈ ನಂತರ ಒಂದರ ಮೇಲೊಂದು ನಾನ್‌ಸ್ಟಾಪ್‌ ಇಲ್ಲದೇ ರಿಲೀಸ್‌ ಆಗುತ್ತಿವೆ. ಶಿವರಾಜ್ ಕುಮಾರ್ ಜತೆಗಿನ ʼಭೈರಾಗಿʼ (Bairagi ), ಆಗಸ್ಟ್‌ನಲ್ಲಿ ʼಮಾನ್ಸೂನ್‌ ರಾಗʼ (Monsoon Raaga), ಸೆಪ್ಟೆಂಬರ್‌ನಲ್ಲಿ ʼಒನ್ಸ್‌ ಅಪಾನ್‌ ಅ ಟೈಮ್‌ ಇನ್‌ ಜಮಾಲಿಗುಡ್ಡʼ (‘Once Upon A Time in Jamaligudda’), ಅಕ್ಟೋಬರ್‌ನಲ್ಲಿ ʼಹೆಡ್‌ ಬುಷ್‌ʼ (Head Bush) , ನವೆಂಬರ್‌ನಲ್ಲಿ ʼಹೊಯ್ಸಳʼ (Hoysala ), ಅಲ್ಲದೇ ಈ ನಡುವೆ ಯಾವ ತಿಂಗಳಲ್ಲಾದರೂ ಜಗ್ಗೇಶ್‌ ಜತೆಗಿನ ʼತೋತಾಪುರಿʼ (Totapuri) ಸಿನಿಮಾ ಕೂಡ ರಿಲೀಸ್‌ ಆಗಬಹುದು.
ನಟನೆ ಮಾತ್ರವಲ್ಲ, ಬರಹಗಾರರೂ ಆಗಿರುವ ಡಾಲಿ, ‘ಜಯನಗರ 4ನೇ ಬ್ಲಾಕ್ʼ ಕಿರುಚಿತ್ರದ ಮೂಲಕ ನಟನೆ ಜತೆ ಅವರೇ ಚಿತ್ರಕಥೆಯನ್ನು ಬರೆದಿರುವುದು ವಿಶೇಷ. ಬೆಸ್ಟ್‌ ನೆಗೆಟಿವ್ ರೋಲ್‌ ಅವಾರ್ಡ್‌, ಬೆಸ್ಟ್‌ ಆ್ಯಕ್ಟರ್‌ ಅವಾರ್ಡ್‌, ಬೆಸ್ಟ್‌ ಸಪೋರ್ಟಿಂಗ್‌ ಆ್ಯಕ್ಟರ್‌ ಅವಾರ್ಡ್‌… ಹೀಗೆ ಸಾಕಷ್ಟು ಪ್ರಶಸ್ತಿಗಳನ್ನು ಮುಗಿಲೇರಿಸಿಕೊಂಡವರು. ಸ್ಯಾಂಡಲ್‌ವುಡ್‌ ಮಾತ್ರವಲ್ಲದೆ ತಮಿಳಿನಲ್ಲೂ ಪಾದಾರ್ಪಣೆ ಮಾಡಿರುವ ಡಾಲಿ, ಪುಷ್ಪ ಸಿನಿಮಾದ ಶೂಟಿಂಗ್‌ನಲ್ಲಿ ಸದ್ಯ ಬ್ಯುಸಿ ಆಗಿದ್ದಾರೆ. ಇನ್ನು ಡಾಲಿ ಅಭಿಮಾನಿಗಳಂತೂ ಸಾಲುಸಾಲು ಸಿನಿಮಾ ಡೇಟ್ಸ್ ನೋಡಿ ಇದು ಡಾಲಿ ಫೆಸ್ಟಿವಲ್ ಕಣೋ ಅಂತಿದ್ದಾರೆ.
ಇದನ್ನೂ ಓದಿ | Movie Review | ಕಣ್ಣಾಮುಚ್ಚಾಲೆ ಆಟದಂತಿರುವ ʼ 21 ಅವರ್ಸ್ ʼ