ಜೀ ಕನ್ನಡ ವಾಹಿನಿಯ ಸತ್ಯ ಧಾರಾವಾಹಿಯಿಂದ (Sathya Kannada Serial) ನಟಿ ಅನು ಜನಾರ್ಧನ್ ಹೊರ ಬಂದಿದ್ದಾರೆ. ಖಳನಾಯಕಿಯಾಗಿ ಕಿರುತೆರೆ ವೀಕ್ಷಕರನ್ನು ರಂಜಿಸಿದ್ದ ಕೀರ್ತನಾ ಪಾತ್ರಕ್ಕೆ ಅನು ಜನಾರ್ಧನ್ ಅವರು ವಿದಾಯ ಹೇಳಿದ್ದಾರೆ.
ಅನು ಜನಾರ್ಧನ್ ಅವರು ನಟನೆ ಮಾತ್ರವಲ್ಲದೇ ತಮ್ಮ ಸ್ಟೈಲ್ ಮೂಲಕ ಕೂಡ ಹೆಸರುವಾಸಿಯಾಗಿದ್ದರು.
ನಟಿ ಸೋಷಿಯಲ್‌ ಮೀಡಿಯಾದಲ್ಲಿ ಈ ಬಗ್ಗೆ ಪೋಸ್ಟ್‌ ಮಾಡಿ ʻಕೆಲ ವೈಯಕ್ತಿಕ ಕಾರಣಗಳಿಂದ ನಾನು ಈ ಪಾತ್ರದಿಂದ ಹೊರ ಬರುತ್ತಿದ್ದೇನೆ. ಆದರೂ ಎಂದಿಗೂ ನಿಮ್ಮ ಸಂಪರ್ಕದಲ್ಲಿ ಇರುತ್ತೇನೆ. ಹೆಚ್ಚೆಚ್ಚು ಸ್ಟೈಲಿಂಗ್ ಟಿಪ್ಸ್‌ಗಳೊಂದಿಗೆ ನಿಮ್ಮ ಮುಂದೆ ಬರುತ್ತೇನೆ” ಎಂದು ಬರೆದುಕೊಂಡಿದ್ದರು.
ಇದನ್ನೂ ಓದಿ: Sathya Serial Kannada: ಸತ್ಯ ಧಾರಾವಾಹಿ ಖ್ಯಾತಿಯ ರಕ್ಷಿತಾ ʻಎದೆ ತುಂಬಿ ಹಾಡುವೆನುʼ ವಿನ್ನರ್‌!
ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಪೌರಾಣಿಕ ಧಾರಾವಾಹಿ ‘ಮಹಾಕಾಳಿ’ಯಲ್ಲಿ ನಟಿಸುವ ಮೂಲಕ ಕಿರುತೆರೆಗೆ ಕಾಲಿಟ್ಟಿದ್ದರು. ‘ಬ್ರಹ್ಮಗಂಟು’ ಧಾರಾವಾಹಿಯಲ್ಲಿಯೂ ಅಭಿನಯಿಸಿದರು. ಮುಂದೆ ಪೌರಾಣಿಕ ಧಾರಾವಾಹಿ ‘ಜೈ ಹನುಮಾನ್’ ಮತ್ತು ‘ಶ್ರೀ ವಿಷ್ಣು ದಶಾವತಾರ’ದಲ್ಲಿ ನಟಿಸಿದ ಅನು ಜನಾರ್ಧನ್ ಅವರಿಗೆ ಜನಪ್ರಿಯತೆ ನೀಡಿದ್ದು ‘ರಂಗನಾಯಕಿ’ ಧಾರಾವಾಹಿ.
ಸತ್ಯ ಧಾರಾವಾಹಿಯಲ್ಲಿ ನಟಿ ಅಮುಲ್‌ ಬೇಬಿ (ನಾಯಕ)ಕೀರ್ತನಾ ಪಾತ್ರವನ್ನು ನಿಭಾಯಿಸುತ್ತಿದ್ದರು. ನಟಿ ಅನು ಜನಾರ್ದನ್. ಇದೂವರೆಗೂ ನೆಗೆಟಿವ್ ಪಾತ್ರದ ಮೂಲಕ ವೀಕ್ಷಕರ ಗಮನ ಸೆಳೆದಿದ್ದಾರೆ.
ಇದೀಗ ವೀಕ್ಷಕರು ಕಮೆಂಟ್‌ ಮೂಲಕ ಬೇಸರ ಹೊರಹಾಕುತ್ತಿದ್ದಾರೆ. ಮುಂದಿನ ದಿನಗಳಲ್ಲಿ ನಟಿ ಬೇರೆ ಧಾರಾವಾಹಿಗಳಲ್ಲಿ ಕಾಣಿಸಿಕೊಳ್ಳುತ್ತಾರಾ ಎಂದು ಕಾದು ನೋಡಬೇಕಿದೆ.