ಬೆಂಗಳೂರು: ಜೀ ಕನ್ನಡ ವಾಹಿನಿಯಲ್ಲಿ (Drama Juniors 5) ಈಗಾಗಲೇ ಸಾಕಷ್ಟು ಹೊಸ ಧಾರಾವಾಹಿಗಳು, ರಿಯಾಲಿಟಿ ಶೋಗಳು ಪ್ರಸಾರ ಕಾಣುತ್ತಿದೆ. ಅದೇ ರೀತಿ ಡ್ರಾಮಾ ಜೂನಿಯರ್ಸ್ ಪ್ರಸಾರ ಯಾವಾಗ ಎಂದು ಪ್ರೇಕ್ಷಕರು ಕಮೆಂಟ್‌ ಮೂಲಕ ಪ್ರಶ್ನಿಸುತ್ತಲೇ ಇದ್ದರು. ಆದರೀಗ ವಾಹಿನಿ ನೋಡುಗರಿಗೆ ಗುಡ್‌ ನ್ಯೂಸ್‌ ಕೊಟ್ಟಿದೆ. ಹೌದು ಇದೇ ಇದೇ ನವೆಂಬರ್ 18ರಿಂದ ಡ್ರಾಮಾ ಜೂನಿಯರ್ಸ್-5 (Drama Juniors 5) ಶನಿ-ಭಾನು ರಾತ್ರಿ 9ಕ್ಕೆ ಪ್ರಸಾರವಾಗಲಿದೆ.
ಪುಟಾಣಿ ಪ್ರತಿಭೆಗಳು ತುಂಬಿರೋ ಬಸ್ಸು ಈಗಾಗಲೇ ಹೊರಿಟಿದೆ. ಡ್ರಾಮಾ ಜೂನಿಯರ್ಸೇ ಇವರ ಕೇರ್ ಆಫ್ ಅಡ್ರೆಸ್ಸು. ನಿಮ್ಮ ಮುಂದೆ ಇದೇ ನವೆಂಬರ್ 18ರಿಂದ ಎಂದು ಜೀ ವಾಹಿನಿ ಪ್ರೋಮೊ ಹಂಚಿಕೊಂಡಿದೆ. ಎಂದಿನಂತೆ ಜಡ್ಜ್‌ಗಳಾಗಿ ಹಿರಿಯ ನಟಿ ಲಕ್ಷ್ಮಿ, ವಿ. ರವಿಚಂದ್ರನ್ ಜತೆಗೆ ರಚಿತಾ ರಾಮ್ ಕೂಡ ‘ಡ್ರಾಮಾ ಜೂನಿಯರ್ಸ್’ನಲ್ಲಿ ಇರಲಿದ್ದಾರೆ.
ಇದನ್ನೂ ಓದಿ: Yathindra Siddaramaiah : ಯತೀಂದ್ರ ವರ್ಗಾವಣೆ ದಂಧೆ; ಮಾನ – ಮರ್ಯಾದೆ ಇದ್ದರೆ ಸಿಎಂ ರಾಜೀನಾಮೆ ಕೊಡಲಿ ಎಂದ ಎಚ್‌ಡಿಕೆ
ಮಾಸ್ಟರ್ ಆನಂದ್ ನಿರೂಪಣೆಯಲ್ಲಿ ‘ಡ್ರಾಮಾ ಜೂನಿಯರ್ಸ್’ ಸೀಸನ್ 5 ಪ್ರಾರಂಭವಾಗಲಿದೆ. ಜೀ ಕನ್ನಡದ ಜನಪ್ರಿಯ ಶೋ ಡ್ರಾಮಾ ಜೂನಿಯರ್ ಇನ್ನೆರಡು ದಿನಗಳಲ್ಲಿ ಎಲ್ಲರನ್ನು ರಂಜಿಸಲು ಬರುತ್ತಿದೆ. ಈಗಾಗಲೇ 4 ಸೀಸನ್ ಮುಗಿಸಿ ಈಗ ಐದನೇ ಸೀಸನ್‌ಗೆ ಕಾಲಿಟ್ಟಿದೆ. ಹಲವಾರು ದಿನಗಳಿಂದ ಕಾಯುತ್ತಿದ್ದ ವೀಕ್ಷಕರ ಕಣ್ಣಿಗೆ ರಸದೌತಣವನ್ನು ಉಣಬಡಿಸಲು ಡ್ರಾಮಾ ಜೂನಿಯರ್ಸ್ ಬರುತ್ತಿದ್ದಾರೆ. ಪ್ರೇಕ್ಷಕರು ಕೂಡ ಮಕ್ಕಳ ಟ್ಯಾಲೆಂಟ್‌ ನೋಡೋದೇ ಒಂದು ಹಬ್ಬ.. ಡ್ರಾಮಾ ಜೂನಿಯರ್ಸ್‌ನ ಎಲ್ಲ ಪುಟಾಣಿಗಳಿಗೆ ಶುಭವಾಗಲಿ ಎಂದು ಕಮೆಂಟ್‌ ಮಾಡಿದ್ದಾರೆ.