ಬೆಂಗಳೂರು: ಬಿಗ್‌ ಬಾಸ್‌ ಸೀಸನ್ 10ರ ರನ್ನರ್ ಅಪ್ ಡ್ರೋನ್ ಪ್ರತಾಪ್ (Drone Prathap) ಕ್ರೇಜ್‌ ಮಾತ್ರ ದಿನೇ ದಿನೇ ಫ್ಯಾನ್ಸ್‌ನಲ್ಲಿ ಹೆಚ್ಚಾಗುತ್ತಿದೆ. ಇದೀಗ ಡ್ರೋನ್ ಪ್ರತಾಪ್ ತಮ್ಮ ಅಭಿಮಾನಿಗಳನ್ನು ರಂಜಿಸಲು ಗಿಚ್ಚಿಗಿಲಿಗಿಲಿ ಸೀಸನ್- 3 ವೇದಿಕೆ ಬಂದಿದ್ದಾರೆ. ಈಗಾಗಲೇ ಡ್ರೋನ್ ಪ್ರತಾಪ್ ಇರುವಂತ ಪ್ರೋಮೊಗಳನ್ನು ಕಲರ್ಸ್‌ ಕನ್ನಡ ಹಂಚಿಕೊಂಡಿದೆ. ಇದರಲ್ಲಿ ಪ್ರತಾಪ್ ಕಡೆಯಿಂದ ಒಂದು ಪದ ಹೇಳಿಸುವುದಕ್ಕೆ ಮೆಂಟರ್ ಸರ್ಕಸ್ ಮಾಡಿದ್ದಾರೆ. ಡೈಲಾಗ್ ಹೇಳಲು ಪ್ರತಾಪ್ ಹರಸಾಹಸ ಪಟ್ಟಿದ್ದಾರೆ. ಇದೀಗ ನೆಟ್ಟಿಗರ ಕಮೆಂಟ್ ಬಾಕ್ಸ್‌ನಲ್ಲಿ ಈ ಡೈಲಾಗ್‌ವನ್ನು ತಮ್ಮ ಪ್ರೀತಿಯ `ಪ್ರತು’ಗೆ ಹೇಳಿಕೊಟ್ಟಿದ್ದಾರೆ.
ಬಿಗ್‌ ಬಾಸ್‌ ಬರುವದಕ್ಕೂ ಮುಂಚೆ ಪ್ರತಾಪ್ ಅವರು ಜನ ಮನ್ನಣೆ ಗಳಿಸಿರಲಿಲ್ಲ. ಯಾವಾಗ ಬಿಗ್‌ ಬಾಸ್‌ ಒಳಗೆ ಕಾಲಿಟ್ಟರೋ ತಮ್ಮದೇ ಆದ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ ಪ್ರತಾಪ್. ಇದೀಗ ಕಲರ್ಸ್‌ ಕನ್ನಡ ಹಂಚಿಕೊಂಡಿರುವ ಪ್ರೋಮೊದಲ್ಲಿ ʻʻಪ್ರತಾಪ್ ಮುಂದೆ ಇನ್ನೊಬ್ಬ ಮಂತ್ರವಾದಿಯೂ ನಿಂತಿದ್ದಾನೆ. ʻಆವಾಹಯಾಮಿʼ ಡೈಲಾಗ್ ಹೇಳಬೇಕಿತ್ತು. ಅದು ಆವಾಹಯಾಮಿ.. ʻಹಾವಾಹಯಾಮಿʼ ಅಲ್ಲ ಎಂದಿದ್ದಾರೆ ಪ್ರೇಕ್ಷಕರು. ಆವಾಹಯಾಮಿ ಡೈಲಾಗ್ ಹೇಳಲು ಪ್ರತಾಪ್ ಪಟ್ಟ ಕಷ್ಟ ಅಷ್ಟಿಷ್ಟಲ್ಲ. ಪ್ರತಾಪ್ ಅವರು ಈ ಕಷ್ಟ ಕಂಡು ಜಡ್ಜಸ್ ಸುಸ್ತಾಗಿ ಹೋಗಿದ್ದಾರೆ. ಸಾಧುಕೋಕಿಲಾ ಅವರ ಕುರ್ಚಿ ಬಿಟ್ಟು ಎದ್ದು ಎದ್ದು ನಕ್ಕಿದ್ದಾರೆ.
ಈಗ ಗಿಚ್ಚಿಗಿಲಿ ಗಿಲಿಯಲ್ಲೂ ತನ್ನೊಳಗೂ ಒಬ್ಬ ಹಾಸ್ಯನಟ ಇದ್ದಾನೆ ಎಂಬುದನ್ನು ಪ್ರತಾಪ್ ಈಗ ಪ್ರೂವ್ ಮಾಡಿಕೊಂಡಿದ್ದಾರೆ. ಪ್ರತಾಪ್ ಈಗ ಮಾಮೂಲಿ ಡ್ರೋನ್ ಪ್ರತಾಪ್ ಆಗಿ ಉಳಿದುಕೊಂಡಿಲ್ಲ. ಬದಲಿಗೆ ಪ್ರೀತಿಯ ಪ್ರತು ಆಗಿದ್ದಾರೆ. ಪ್ರತು ಕಾಮಿಡಿಗೆ ಮಹಿಳಾ ಮಣಿಗಳು ಫಿದಾ ಆಗಿದ್ದಾರೆ. ಗಿಚ್ಚಿಗಿಲಿ ಗಿಲಿಯಲ್ಲೂ ಪ್ರತಾಪ್ ಗೆಲ್ಲಬೇಕು ಎಂದೇ ಹಾರೈಸುತ್ತಿದ್ದಾರೆ.
ಇದನ್ನೂ ಓದಿ: Drone Prathap: ಮಲೆ ಮಹದೇಶ್ವರ ಬೆಟ್ಟದಲ್ಲಿ ಡ್ರೋನ್ ಪ್ರತಾಪ್ ನೋಡಲು ಮುಗಿಬಿದ್ದ ಫ್ಯಾನ್ಸ್!
ಕಲರ್ಸ್‌ ಕನ್ನಡ ಪ್ರೋಮೊ
ಮೊದಲನೆ ಸೀಸನ್‌ನ ಮೂಲಕ ಇದು ಜನರ ಮೆಚ್ಚುಗೆಗೆ ಪಾತ್ರವಾಗಿತ್ತು. ʻಗಿಚ್ಚಿ ಗಿಲಿಗಿಲಿ’ಯ ಮೊದಲ ಸೀಸನ್‌ನಲ್ಲಿ ನಿವೇದಿತಾ ಗೌಡ, ಜಗ್ಗಪ್ಪ, ಪ್ರಶಾಂತ್, ಚಂದ್ರಪ್ರಭಾ ಮುಂತಾದವರು ಇದ್ದರು. ಮೊದಲನೇ ಸೀಸನ್‌ನಲ್ಲಿ ವಂಶಿಕಾ ಅಂಜನಿ ಕಶ್ಯಪ ಹಾಗೂ ಶಿವು ಈ ಶೋನ ವಿಜೇತರಾಗಿ ಹೊರಹೊಮ್ಮಿದ್ದರು. ವಿನೋದ್ ಗೊಬ್ರಗಾಲ್, ನಿವೇದಿತಾ ಗೌಡ ಈ ಶೋನ ರನ್ನರ್ ಅಪ್ ಆಗಿದ್ದರು. ಗಿಚ್ಚಿ ಗಿಲಿಗಿಲಿ ಸೀಸನ್ 2 ವಿನ್ನರ್ ಪಟ್ಟವನ್ನು ಚಂದ್ರಪ್ರಭಾ ಅಲಂಕರಿಸಿದ್ದರು.