ಆರಂಭದಲ್ಲಿ ಕೆಲ ಧಾರಾವಾಹಿಗಳಲ್ಲಿ ಮಿಂಚಿದ್ದ ಗಾಳಿಪಟ ಖ್ಯಾತಿಯ ನೀತು ಶೆಟ್ಟಿ ಅವರು ಮತ್ತೆ ಕಿರುತೆರೆ ಲೋಕಕ್ಕೆ ಕಮ್‌ಬ್ಯಾಕ್‌ ಆಗಿದ್ದಾರೆ. ‘ಬಿಗ್ ಬಾಸ್‌’ ಕನ್ನಡ ಸೀಸನ್ 2 ಸೇರಿದಂತೆ ಹಲವು ರಿಯಾಲಿಟಿ ಶೋಗಳಲ್ಲಿ ನೀತು ಕಾಣಿಸಿಕೊಂಡಿದ್ದಾರೆ. ಇದೀಗ ಉದಯ ಟಿವಿಯಲ್ಲಿ ಪ್ರಸಾರವಾಗುವ ‘ಕನ್ಯಾದಾನʼ ಧಾರಾವಾಹಿಯಲ್ಲಿ (Kanyadana Serial) ನಟಿಸುತ್ತಿದ್ದಾರೆ. ಈ ಬಗ್ಗೆ ರೀಲ್ಸ್‌ ಕೂಡ ಸೋಷಿಯಲ್‌ ಮೀಡಿಯಾದಲ್ಲಿ ನಟಿ ಹಂಚಿಕೊಂಡಿದ್ದಾರೆ.
ಕನ್ಯಾದಾನ ಧಾರಾವಾಹಿಯಲ್ಲಿ ತಂದೆ ತನ್ನ ಐದು ಹೆಣ್ಣು ಮಕ್ಕಳ ಜೀವನ ಸುಂದರವಾಗಿ ಇರಬೇಕು ಎಂದು ಏನೆಲ್ಲ ಮಾಡುತ್ತಾನೆ ಎಂಬುದು ಕಥೆಯ ಒನ್‌ಲೈನ್‌ ಸ್ಟೋರಿ.
ಈ ಹಿಂದೆ ನಟಿ ಸುಧಾರಾಣಿ ಅವರು ವಿಶೇಷ ಪಾತ್ರದಲ್ಲಿ ‘ಕನ್ಯಾದಾನ’ ಧಾರಾವಾಹಿಯಲ್ಲಿ ಕಾಣಿಸಿಕೊಂಡಿದ್ದರು. ಈಗಾಗಲೇ 600 ಸಂಚಿಕೆಗಳನ್ನು ಪೂರೈಸಿದೆ ಧಾರಾವಾಹಿ. ಇದೀಗ ನೀತು ಅವರ ಎಂಟ್ರಿ ಆಗಿದೆ.
ಇದನ್ನೂ ಓದಿ: Physical Abuse: ಒಂಟಿ ಮಹಿಳೆಯರಿಗೆ ಲೈಂಗಿಕ ಕಿರುಕುಳ ನೀಡುತ್ತಿದ್ದವನ ಬಂಧನ
ಅಕ್ಕ-ತಂಗಿಯರಾದ ರಚನಾ ಹಾಗೂ ದೀಪು ನಡುವೆ ವಾರ್‌ ಆಗಿದೆ. ಇದು ತಂದೆ ಅಶ್ವತ್ಥನ ದುಃಖಕ್ಕೆ ಕಾರಣವಾಗಿದೆ. ಮಕ್ಕಳಿಬ್ಬರ ಈ ನಡೆಗೆ ಬೇಸತ್ತು ಅಶ್ವತ್ಥ ಮನೆ ಬಿಟ್ಟು ಹೋಗಿದ್ದಾನೆ. ರಚನಾ ಮತ್ತು ದೀಪು ನಡುವಿನ ಮನಸ್ತಾಪವನ್ನು ನೀತು ಹೇಗೆ ಸರಿಪಡಿಸುತ್ತಾರೆ? ಎಂಬುದೇ ಈ ವಿಶೇಷ ಸಂಚಿಕೆಯಲ್ಲಿದೆ.
ಗಾಳಿಪಟ’ ಸಿನಿಮಾ ತೆರೆಕಂಡು 15 ವರ್ಷಗಳು ಕಳೆದಿದೆ. ದಿಗಂತ್‌ಗೆ ನಾಯಕಿಯಾಗಿ ನೀತು ಶೆಟ್ಟಿ ನಟಿಸಿದ್ದರು. ಇದೀಗ ಮತ್ತೆ ನಟಿಯ ನಟನೆಯನ್ನು ನೋಡಲು ತುದಿಗಾಲಲ್ಲಿ ಕಾಯುತ್ತಿದ್ದಾರೆ ಅವರ ಫ್ಯಾನ್ಸ್‌!