ಬೆಂಗಳೂರು: ಜೀ ಕನ್ನಡ ವಾಹಿನಿಯಲ್ಲಿ ಈಗಾಗಲೇ ಹಲವಾರು ರಿಯಾಲಿಟಿ ಶೋಗಳು ಪ್ರೇಕ್ಷಕರ ಮನ ಸೆಳೆದಿವೆ. ʻಭರ್ಜರಿ ಬ್ಯಾಚುಲರ್ಸ್‌ʼ ಶೋ ಸಖತ್‌ ಆಗಿಯೇ ಮೂಡಿ ಬರುತ್ತಿದೆ. ಆದರೀಗ ಮತ್ತೊಮ್ಮೆ ಜೀ ವಾಹಿನಿ ನೋಡುಗರಿಗೆ ಸಿಹಿ ಸುದ್ದಿ ನೀಡಿದೆ ವಾಹಿನಿ. ಜೋಡಿ ನಂ. 1 ರಿಯಾಲಿಟಿ ಶೋ (Jodi No 1) ಮತ್ತೆ ಶುರುವಾಗುತ್ತಿದೆ. ಸೀಸನ್ 1ರಲ್ಲಿ ಹಲವು ಜೋಡಿಗಳು ಭಾಗವಹಿಸಿ, ತಮ್ಮ ಸಂಗಾತಿಯ ಇಷ್ಟ ಕಷ್ಟವನ್ನು ಅರಿತಿದ್ದರು. ಇದೀಗ ಜೋಡಿ ನಂ. 1 ಸೀಸನ್ 2 ಆರಂಭಕ್ಕೆ ದಿನಗಣನೆ ಆರಂಭವಾಗಿದೆ. ಜೀ ವಾಹಿನಿ ಈಗಾಗಲೇ ಪ್ರೋಮೊ ಕೂಡ ಹಂಚಿಕೊಂಡಿದ್ದು ನಗು ಇರುವುದು ಗ್ಯಾರಂಟಿ ಅಂತಿದ್ದಾರೆ ನೆಟ್ಟಿಗರು.
ಜೋಡಿ ನಂ 1ರಲ್ಲಿ ನಾಗಿಣಿ 2 ಖ್ಯಾತಿಯ ನಿನಾದ್-ರಮ್ಯಾ , ಕೆಜಿಎಫ್ ಚಿತ್ರದ ಹಾಸ್ಯ ಕಲಾವಿದರಾದ ಗೋವಿಂದೇಗೌಡ- ದಿವ್ಯಶ್ರೀ , ಸಂತೋಷ್- ಮಾನಸ , ಹಿಟ್ಲರ್ ಕಲ್ಯಾಣ ಧಾರಾವಾಹಿಯ ನಟಿ ನೇಹಾ ಪಾಟೀಲ್- ಪ್ರಣವ್ , ನಿರೂಪಕ ಕಿರಿಕ್ ಕೀರ್ತಿ- ಅರ್ಪಿತಾ ಕೀರ್ತಿ , ಸರಿಗಮಪ ಕಾರ್ಯಕ್ರಮದ ಗಾಯಕ ಕಂಬದ ರಂಗಯ್ಯ- ಲೀಲಾವತಿ , ಹಾಸ್ಯ ನಟ ಮಿತ್ರ- ಗೀತಾ , ಪ್ರೊಫೆಸರ್ ಕೃಷ್ಣೇಗೌಡರು- ಕಲ್ಪನಾ , ಚಂದನವನದ ಹಿರಿಯ ನಟ ಫ್ಯಾಮಿಲಿ ಹೀರೊ ಅಭಿಜಿತ್- ರೋಹಿಣಿ , ಕಿರುತೆರೆ ನಟ ಭವಾನಿಸಿಂಗ್ – ಪಂಕಜಾ ಜೋಡಿ ಸ್ಪರ್ಧಿಗಳಾಗಿ ಆಯ್ಕೆ ಆಗಿದ್ದರು. ಜೋಡಿ ನಂ. 1 ಕಾರ್ಯಕ್ರಮದಲ್ಲಿ ಹೇಗೆ ಹಲವು ರೀತಿಯ ಗೇಮ್ ಶೋಗಳು ಇತ್ತೋ, ಗಂಡ-ಹೆಂಡತಿ ತಮ್ಮ ತಮ್ಮ ಬದುಕನ್ನು ಹೇಗೆ ಅರ್ಥೈಸಿಕೊಂಡಿದ್ದಾರೆ. ಎಂಬೆಲ್ಲಾ ಮಾಹಿತಿಗಳು ಜೋಡಿ ನಂ. 1 ಸೀಸನ್ 2ರಲ್ಲೂ ಸಿಗಲಿದೆ.
ಸಖತ್‌ ಮಜವಾಗಿದೆ ಪ್ರೋಮೊ
ಜೋಡಿ ನಂ 1 ಮೊದಲ ಸೀಸನ್‌ನಲ್ಲಿಯೇ ಸಾಕಷ್ಟು ಮನೆ ಮಾತಾಗಿತ್ತು. ಜೋಡಿ ನಂ 1 ಸೀಸನ್ 2ನಲ್ಲಿ ಈ ಬಾರಿ ಧಾರಾವಾಹಿ ಕಲಾವಿದರ ಜತೆಗೆ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆದ ಜೋಡಿ ಕೂಡ ಬಂದಿದೆ. ಲಾವಣ್ಯ -ಶಶಿ, ಸುನೇತ್ರ ಪಂಡಿತ್ -ರಮೇಶ್ ಪಂಡಿತ್, ಚಿದಾನಂದ್ -ಕವಿತಾ, ಮಾಲತಿ ಸರದೇಶಪಾಂಡೆ -ಯಶವಂತ, ಚೈತ್ರಾ-ಆನಂದ್, ಸಂಜು ಬಸಯ್ಯ-ಪಲ್ಲವಿ, ಮಂಜುನಾಥ್-ಅನುಷಾ, ಗಣೇಶ್ ಕಾರಂತ್-ಶ್ರೀವಿದ್ಯಾ, ನೇತ್ರಾವತಿ-ಸದಾನಂದ ಪ್ರೋಮೊದಲ್ಲಿ ಇದ್ದಾರೆ. ಕಳೆದ ಶೋನಲ್ಲಿ ಈ ರೀತಿಯ ಸರ್ಕಸ್ ಎಲ್ಲಾ ಮಾಡಲಾಗಿತ್ತು. ಅದಕ್ಕೆಂದೆ ಈಗ ಜೋಡಿಗಳು ಹಳೆಯ ಆಟಗಳನ್ನೇ ಪ್ರಾಕ್ಟೀಸ್ ಮಾಡುತ್ತಿದ್ದಾರೆ. ಆದರೆ ಈ ಬಾರಿ ವಿಭಿನ್ನವಾಗಿರಲಿದೆ ಎಂದು ತೀರ್ಪುಗಾರರ ಸ್ಥಾನಕ್ಕೆ ಮತ್ತೆ ಮರಳಿದ ಪ್ರೇಮ್ ಮತ್ತು ಮಾಳವಿಕ ಹೇಳಿದ್ದಾರೆ.
ಇದನ್ನೂ ಓದಿ: Kaveri Kannada Medium: `ಸ್ವಾಭಿಮಾನʼ ಸಿನಿಮಾ ಖ್ಯಾತಿಯ ನಟಿ ಮಹಾಲಕ್ಷ್ಮೀ ಕನ್ನಡ ಕಿರುತೆರೆಗೆ ಎಂಟ್ರಿ!
ಈ ಕಾರ್ಯಕ್ರಮಕ್ಕೆ ಕನ್ನಡ ಕಿರುತೆರೆಯ ಜನಪ್ರಿಯ ನಟಿ ಶ್ವೇತಾ ಚೆಂಗಪ್ಪ, ಕುರಿ ಪ್ರತಾಪ್ ಅವರು ನಿರೂಪಣೆಯ ಜವಾಬ್ದಾರಿ ಹೊತ್ತಿದ್ದರೆ, ನೆನಪಿರಲಿ ಖ್ಯಾತಿಯ ಸ್ಯಾಂಡಲ್‌ವುಡ್‌ನ ಲವ್ಲಿ ಸ್ಟಾರ್ ಪ್ರೇಮ್ ಮತ್ತು ನಟಿ ಮಾಳವಿಕಾ ಅವಿನಾಶ್ ಅವರು ಪ್ರಮುಖ ತೀರ್ಪುಗಾರರಾಗಿ ಸಾರಥ್ಯ ವಹಿಸಿದ್ದಾರೆ. ಇದೇ ಶನಿವಾರದಿಂದ ಶನಿ-ಭಾನು ಸಂಜೆ 6ಕ್ಕೆ ಈ ಕಾರ್ಯಕ್ರಮ ಪ್ರಸಾರ ಆಗಲಿದೆ.