ಜೀ ಕನ್ನಡ ವಾಹಿನಿಯಲ್ಲಿ ಈಗಾಗಲೇ ಹಲವಾರು ರಿಯಾಲಿಟಿ ಶೋಗಳು ಪ್ರೇಕ್ಷಕರ ಮನ ಸೆಳೆದಿವೆ. ಇದರಲ್ಲಿ ಜೋಡಿ ನಂ. 1 ರಿಯಾಲಿಟಿ ಶೋ ಕೂಡ ಒಂದು. ಜೋಡಿ ನಂ. 1 (Jodi No 1) ಸೀಸನ್ 2ರಲ್ಲಿ ಕಿರುತೆರೆ ನಟಿ ಲಾವಣ್ಯ ಹಾಗೂ ಕಿರುತೆರೆ ನಟ ಶಶಿ ಅವರು ಈ ಸೀಸನ್‌ನ ವಿನ್ನರ್ ಆಗಿ ಹೊರಹೊಮ್ಮಿದ್ದಾರೆ.
ಪ್ರಶಸ್ತಿ ಸ್ವೀಕರಿಸಿದ ಲಾವಣ್ಯ ಶಶಿ ದಂಪತಿ ಸಂತಸ ವ್ಯಕ್ತಪಡಿಸಿದ್ದಾರೆ. ʻʻನೀವು ಏನು ಪ್ರೀತಿ ವಿಶ್ವಾಸ ಇಟ್ಟು ವೋಟ್ ಮಾಡಿದ್ದೀರೋ ಅದನ್ನ ನಾವು ಕಾಪಾಡ್ಕೊಂಡು ಕೊನೆಯ ತನಕ ಹೀಗೆ ಮುಂದುವರಿಯುತ್ತೇವೆʼʼಎಂದು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: Jodi No 1: ಇದೇ ಶನಿವಾರದಿಂದ ಮನರಂಜನೆಯ ಹಂಗಾಮ; ಪ್ರೋಮೊ ಕಂಡು ಪ್ರೇಕ್ಷಕರು ಫುಲ್‌ ಖುಷ್‌!
“ಜೋಡಿ ನಂ 1 ಸೀಸನ್ 2” ರ ಸೆಕೆಂಡ್ ರನ್ನರ್ ಅಪ್ ಪ್ರಶಸ್ತಿಯನ್ನು ಗಣೇಶ್ ಕಾರಂತ್-ಶ್ರೀವಿದ್ಯಾ ಜೋಡಿ ಪಡೆದುಕೊಂಡಿದೆ.
ಈ ಕಾರ್ಯಕ್ರಮಕ್ಕೆ ಕನ್ನಡ ಕಿರುತೆರೆಯ ಜನಪ್ರಿಯ ನಟಿ ಶ್ವೇತಾ ಚೆಂಗಪ್ಪ, ಕುರಿ ಪ್ರತಾಪ್ ಅವರು ನಿರೂಪಣೆಯ ಜವಾಬ್ದಾರಿ ಹೊತ್ತಿದ್ದರೆ, ನೆನಪಿರಲಿ ಖ್ಯಾತಿಯ ಸ್ಯಾಂಡಲ್‌ವುಡ್‌ನ ಲವ್ಲಿ ಸ್ಟಾರ್ ಪ್ರೇಮ್ ಮತ್ತು ನಟಿ ಮಾಳವಿಕಾ ಅವಿನಾಶ್ ಅವರು ಪ್ರಮುಖ ತೀರ್ಪುಗಾರರಾಗಿ ಸಾರಥ್ಯ ವಹಿಸಿದ್ದಾರೆ.