ಬೆಂಗಳೂರು: ರೋಹಿತ್ ಶೆಟ್ಟಿ ಶೀಘ್ರದಲ್ಲೇ `ಖತ್ರೋನ್ ಕೆ ಕಿಲಾಡಿ’ಯ ಹೊಸ ಸೀಸನ್‌ನೊಂದಿಗೆ (Khatron Ke Khiladi 14) ಮತ್ತೆ ಕಮ್‌ಬ್ಯಾಕ್‌ ಆಗುತ್ತಿದ್ದಾರೆ. ಸ್ಟಂಟ್ ಆಧಾರಿತ ರಿಯಾಲಿಟಿ ಶೋ `ಖತ್ರೋನ್ ಕೆ ಕಿಲಾಡಿ’ಯ ಹೊಸ ಸೀಸನ್ನಲ್ಲಿ ಯಾರೆಲ್ಲ ಭಾಗವಹಿಸುತ್ತಾರೆ ಎಬ ಕುತೂಹಲ ಪ್ರೇಕ್ಷಕರಿಗಿತ್ತು. ಈಗಾಗಲೇ 13 ಸೀಸನ್ಗಳು ಯಶಸ್ವಿಯಾಗಿ ಪೂರ್ಣಗೊಂಡಿದ್ದು, 14ನೇ ಸೀಸನ್ಗೆ ದಿನಗಣನೆ ಆರಂಭ ಆಗಿದೆ. ರೋಹಿತ್ ಶೆಟ್ಟಿ ಅವರು ಇದನ್ನು ನಡೆಸಿಕೊಡಲಿದ್ದಾರೆ. ಈ ಶೋಗಾಗಿ ಅವರು ಪಡೆದ ಸಂಭಾವನೆ ಕೇಳಿ ಅಚ್ಚರಿಗೆ ಒಳಗಾಗಿದ್ದಾರೆ ಫ್ಯಾನ್ಸ್‌.
ರೋಹಿತ್ ಶೆಟ್ಟಿ ಅವರು ಬರೋಬ್ಬರಿ 16 ಕೋಟಿ ರೂ. ಚಾರ್ಜ್ ಮಾಡುತ್ತಿದ್ದಾರೆ. ʻಖತ್ರೋನ್ ಕೆ ಕಿಲಾಡಿʼಯ ಹಿಂದಿನ ಸೀಸನ್ನಲ್ಲಿ ರೋಹಿತ್ ಶೆಟ್ಟಿ ಅವರು ಪ್ರತಿ ಸಂಚಿಕೆಗೆ 50 ಲಕ್ಷ ರೂ. ಪಡೆಯುತ್ತಿದ್ದರು. ಈಗ ಇದನ್ನು 60-70 ಲಕ್ಷ ರೂ. ಏರಿಕೆ ಮಾಡಿಕೊಂಡಿದ್ದಾರೆ. ಇದನ್ನು ಲೆಕ್ಕ ಹಾಕಿದರೆ ಅವರು 14ನೇ ಸೀಸನ್ಗೆ 16 ಕೋಟಿ ರೂ. ಅಧಿಕ ಹಣ ಪಡೆಯುತ್ತಿದ್ದಾರೆ.
ಇದನ್ನೂ ಓದಿ: Kiara Sid Wedding: ಕಿಯಾರಾ-ಸಿದ್ಧಾರ್ಥ ಮದುವೆ ಅಟೆಂಡ್ ಮಾಡಲಿದ್ದಾರೆ ಗೆಳೆಯ ರೋಹಿತ್ ಶೆಟ್ಟಿ
ʻಖತ್ರೋನ್ ಕೆ ಖಿಲಾಡಿʼ ಜನಪ್ರಿಯ ರಿಯಾಲಿಟಿ ಶೋ ಆಗಿದ್ದು, ಸ್ಟಂಟ್‌ಗಳಿಗೆ ಹೆಸರುವಾಸಿಯಾಗಿದೆ. ಕಳೆದ ಸೀಸನ್ನಲ್ಲಿ ರ‍್ಯಾಪರ್ ಡಿನೋ ಜೇಮ್ಸ್ ಅವರು ಗೆದ್ದಿದ್ದರು. ಆ ಸೀಸನ್ ದಕ್ಷಿಣ ಆಫ್ರಿಕಾದ ಕೇಪ್ ಟೌನ್ನಲ್ಲಿ ನಡೆದಿತ್ತು.
‘ಬಿಗ್ ಬಾಸ್ ಹಿಂದಿ ಸೀಸನ್ 17’ ವಿನ್ನರ್‌ ಮುನ್ನಾವರ ಫಾರುಖಿ ಹಾಗೂ ಮನ್ನಾರಾ ಚೋಪ್ರಾ ‘ಖತ್ರೊ ಕೆ ಖಿಲಾಡಿ’ ಶೋನಲ್ಲಿ ಭಾಗವಹಿಸೋ ಸಾಧ್ಯತೆ ಇದೆ.
ಮುನ್ನಾವರ ಫಾರುಖಿ ಸೀಸನ್ 12ರಲ್ಲಿಯೇ ಆಯ್ಕೆಯಾಗಿದ್ದರು. ಆದರೆ ಆದರೆ, ವೀಸಾ ಸಂಬಂಧಿತ ಸಮಸ್ಯೆಗಳಿಂದಾಗಿ ಅವರು ಕೊನೆಯ ಕ್ಷಣದಲ್ಲಿ ಕಾರ್ಯಕ್ರಮದಿಂದ ಹಿಂದೆ ಸರಿಯಬೇಕಾಯಿತು. ಇದಕ್ಕೂ ಮುನ್ನ ಬಿಗ್ ಬಾಸ್ 17 ಖ್ಯಾತಿಯ ನವಿದ್ ಸೋಲೆ ಕೂಡ ರೋಹಿತ್ ಶೆಟ್ಟಿ ಕಾರ್ಯಕ್ರಮದ ಭಾಗವಾಗಬೇಕೆಂದು ವ್ಯಕ್ತಪಡಿಸಿದ್ದಾರೆ. ಇನ್ನುಳಿದಂತೆ ನಟಿ ಸನಯಾ ಇರಾನಿ ಕೂಡ ʻಖತ್ರೋನ್ ಕೆ ಕಿಲಾಡಿ 14ʼರಲ್ಲಿ ಭಾಗವಹಿಸುವ ಸಾಧ್ಯತೆ ಇದೆ.