ಬೆಂಗಳೂರು: ಜೀ ಕನ್ನಡ ವಾಹಿನಿಯಲ್ಲಿ ಒಂದರ ಮೇಲೊಂದು ಹೊಸ ಸೀಸನ್‌ಗಳೊಂದಿಗೆ ರಿಯಾಲಿಟಿ ಶೋ ಪ್ರಸಾರವಾಗುತ್ತಿದೆ. ಈಗಾಗಲೇ ಕಾಮಿಡಿ ಕಿಲಾಡಿಗಳು (Comedy Khiladigalu) ಸೀಸನ್‌-4 ಅದ್ಧೂರಿಯಾಗಿ ಪ್ರಾರಂಭಗೊಂಡಿದೆ. ಡಿಕೆಡಿ ಕಾರ್ಯಕ್ರಮ ಮುಗಿಯುವ ಹಂತಕ್ಕೆ ತಲುಪಿದ್ದು, ಇದು ಮುಗಿದ ಬಳಿಕ ಸರಿಗಮಪ ಆರಂಭವಾಗುವುದು ಫಿಕ್ಸ್‌ ಆಗಿದೆ. ಇದರ ನಡುವೆ ಸರಿಗಮಪ ಲಿಟಲ್‌ ಚಾಂಪ್ಸ್‌ -19 (Saregamapa Lil Champs-19) ರಿಯಾಲಿಟಿ ಶೋಗಾಗಿ ಮಕ್ಕಳ ಆಡಿಷನ್‌ಗೆ ಸಿದ್ಧತೆಗಳು ನಡೆದಿವೆ.
ಸರಿಗಮಪ ಲಿಟಲ್‌ ಚಾಂಪ್ಸ್‌ ರಿಯಾಲಿಟಿ ಶೋ ಈಗಾಗಲೇ 18 ಸೀಸನ್‌ಗಳು ಪ್ರಸಾರಗೊಂಡಿವೆ. ಮೂವತ್ತು ಜಿಲ್ಲೆಗಳಲ್ಲಿ ಆಡಿಷನ್‌ ನಡೆಸಿ ಪುಟಾಣಿಗಳನ್ನು ಆಯ್ಕೆ ಮಾಡಿ, ಮಕ್ಕಳ ಹಾಡಿನ ಮೂಲಕ ರಂಜನೆ ನೀಡುವ ಕಾರ್ಯಕ್ರಮ ಇದಾಗಿದೆ. ಈ ವೇದಿಕೆಯಲ್ಲಿ ಹಾಡಿದ ಮಕ್ಕಳು ಕಿರುತೆರೆ ಮತ್ತು ಬೆಳ್ಳಿ ಪರದೆ ಮೇಲೆ ತಮ್ಮದೇ ಆದ ಛಾಪು ಮೂಡಿಸಿದ್ದಾರೆ.
ಇದನ್ನೂ ಓದಿ | Comedy Kiladigalu-4 | ಇಂದಿನಿಂದ ನಗ್ಸೋಕೆ ಅಖಾಡಕ್ಕೆ ಇಳಿಯಲಿದ್ದಾರೆ ಕಾಮಿಡಿ ಕಿಲಾಡಿಗಳು!
ಸರಿಗಮಪ ಲಿಟಲ್‌ ಚಾಂಪ್ಸ್‌ ಸೀಸನ್‌ 19ಕ್ಕೆ ಕಳೆದ ತಿಂಗಳು ಆಡಿಷನ್‌ ಮಾಡಲಾಗಿತ್ತು. ಆರು ಜಿಲ್ಲೆಗಳಲ್ಲಿ ಆಡಿಷನ್‌ ನಡೆಸಲಾಗಿತ್ತು. 4ರಿಂದ 15 ವಯಸ್ಸಿನ ಮಕ್ಕಳು ಈ ಬಾರಿ ವೇದಿಕೆಯಲ್ಲಿ ಹಾಡಲಿದ್ದಾರೆ. ಈಗಾಗಲೇ ಮೈಸೂರು, ಶಿವಮೊಗ್ಗ, ವಿಜಯಪುರ, ಬೆಂಗಳೂರು, ಉಡುಪಿ ಮತ್ತು ಹುಬ್ಬಳ್ಳಿಯಲ್ಲಿ ಆಡಿಷನ್‌ ನಡೆದಿದೆ.
ಮುಂದಿನ ತಿಂಗಳು ರಿಯಾಲಿಟಿ ಶೋ ಪ್ರಾರಂಭವಾಗುವ ಸಾಧ್ಯತೆಗಳಿವೆ. ಈ ಬಾರಿಯೂ ಅನುಶ್ರೀ ನಿರೂಪಣೆ ಮಾಡಲಿದ್ದಾರೆ. ಆದರೆ, ತೀರ್ಪುಗಾರರಾಗಿ ಯಾರೆಲ್ಲ ಇರಬಹುದೆಂಬ ಕುತೂಹಲವಿದೆ.
ಇದನ್ನೂ ಓದಿ | Bigg Boss Kannada | ಬಿಗ್‌ ಬಾಸ್‌ ಕನ್ನಡ ಸೀಸನ್‌ 9ಕ್ಕೆ ದಿನಗಣನೆ ಶುರು!