ಬೆಂಗಳೂರು: ಜೀ ವಾಹಿನಿಯಲ್ಲಿ ಈಗಾಗಲೇ ಹಲವು ಹೊಸ ಧಾರಾವಾಹಿಗಳು ಮತ್ತು ರಿಯಾಲಿಟಿ ಶೋಗಳು ಪ್ರಸಾರ ಕಾಣುತ್ತಿವೆ. `ಭೂಮಿಗೆ ಬಂದ ಭಗವಂತ’, `ಅಮೃತಧಾರೆ’ ಈಗಾಗಲೇ ಧಾರಾವಾಹಿಗಳು ಪ್ರಸಾರ ಆಗುತ್ತಿವೆ. ಈ ಧಾರಾವಾಹಿಗಳಿಗಿಂತ ಮೊದಲು `ಸೀತಾ ರಾಮ’ ಧಾರಾವಾಹಿ (Seetha Raama Serial) ಪ್ರೋಮೊ ಪ್ರಸಾರ ಕಂಡಿತ್ತು. ಆದರೆ ಧಾರಾವಾಹಿ ಮಾತ್ರ ರಿಲೀಸ್ ಡೇಟ್ ಅನೌನ್ಸ್ ಆರಲಿಲ್ಲ. ಇದೀಗ ರೀತು ಸಿಂಗ್ ಮೂಲಕ ಹೊಸ ಅಪ್‌ಡೇಟ್‌ ರಿವೀಲ್‌ ಆಗಿದೆ.
ʻಸೀತಾ ರಾಮ’ ಧಾರಾವಾಹಿಯಲ್ಲಿ ವೈಷ್ಣವಿ ಗೌಡ ಹಾಗೂ ಗಗನ್ ಚಿನ್ನಪ್ಪ ಮುಖ್ಯ ಭೂಮಿಕೆ ನಿರ್ವಹಿಸುತ್ತಿದ್ದಾರೆ. ರೀತು ಸಿಂಗ್ ಹೆಸರಿನ ಬಾಲಕಿ ವೈಷ್ಣವಿ ಗೌಡ ಮಗಳಾಗಿ ಧಾರಾವಾಹಿಯಲ್ಲಿ ನಟಿಸುತ್ತಿದ್ದಾಳೆ. ಈ ಧಾರಾವಾಹಿಯ ಪ್ರೋಮೊ ರಿಲೀಸ್ ಆಗಿದ್ದು ಮಾರ್ಚ್ ತಿಂಗಳಲ್ಲಿ. ಆದರೆ, ಇಲ್ಲಿಯವರೆಗೆ ಸೀರಿಯಲ್ ರಿಲೀಸ್ ಡೇಟ್ ಅನೌನ್ಸ್ ಆಗಿಲ್ಲ. ಈ ಹೊಸ ಪ್ರೋಮೊದಲ್ಲಿ ಈಗ ‘ಸೀತಾ ರಾಮ’ (Seetha Rama Serial) ರಿಲೀಸ್ ಡೇಟ್ ಹೇಳದೇ ಆ್ಯಕ್ಟ್ ಮಾಡುವುದಿಲ್ಲ ಎಂದಿದ್ದಾಳೆ ರೀತು. ಈ ವಾರದ ಡಿಕೆಡಿಯಲ್ಲಿ ಸೀತಾ ರಾಮ ಧಾರಾವಾಹಿಯ ರಿಲೀಸ್ ಡೇಟ್ ಅನೌನ್ಸ್ ಆಗಲಿದೆ. ಜೀ ಕನ್ನಡ ವಾಹಿನಿ ರಿಲೀಸ್ ಮಾಡಿರುವ ಈ ಹೊಸ ಪ್ರೋಮೊ ಪ್ರೇಕ್ಷಕರ ಗಮನ ಸೆಳೆಯುತ್ತಿದೆ.
‘ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ʼ ಸೀಸನ್ 7’ರ ವೇದಿಕೆ ಮೇಲೆ ಈ ಪ್ರಶ್ನೆಗೆ ಉತ್ತರ ಸಿಗಲಿದೆ. ‘ಚಳಿಗಾಲದಲ್ಲಿ ಟೀಸರ್ ಬಂತು, ಬೇಸಿಗೆಯಲ್ಲಿ ಟ್ರೇಲರ್ ಬಂತು, ಮಳೆಗಾಲದಲ್ಲಿ ಸೀರಿಯಲ್ ಬರೋದು ಪಕ್ಕಾನಾ? ಸೀತಾ ರಾಮ ಯಾವಾಗ್ ಬರತ್ರೀ ಅನ್ನೋ ಮಿಲಿಯನ್ ಡಾಲರ್ ಪ್ರಶ್ನೆಗೆ ಉತ್ತರ ಕೊಡೋ ಟೈಮ್. ಮಿಸ್ ಮಾಡ್ದೇ ನೋಡಿ, ಈ ವಾರದ ಡಿಕೆಡಿ7’ ಎಂದು ಪ್ರೋಮೋಗೆ ಜೀ ಕನ್ನಡ ವಾಹಿನಿ ಅಡಿಬರಹ ನೀಡಿದೆ.
ಇದನ್ನೂ ಓದಿ: Vaishnavi Gowda | ʻಸೀತಾರಾಮʼ ಧಾರಾವಾಹಿ ಮೂಲಕ ಮಿಂಚಲಿದ್ದಾರೆ ವೈಷ್ಣವಿ ಗೌಡ
ʻಅಗ್ನಿಸಾಕ್ಷಿʼ ಧಾರಾವಾಹಿ ಖ್ಯಾತಿಯ ವೈಷ್ಣವಿ ಗೌಡ (Vaishnavi Gowda) ಮತ್ತೆ ಟಿವಿ ಪರದೆಯಲ್ಲಿ ಮಿಂಚಲು ರೆಡಿಯಾಗಿದ್ದಾರೆ. ʻʻಸೀತಾರಾಮʼʼ ಧಾರಾವಾಹಿ ಮೂಲಕ ವೈಷ್ಣವಿಗೌಡ ಮತ್ತೆ ಕಿರುತೆರೆಗೆ ಬರುತ್ತಿದ್ದಾರೆ. ಇದರಿಂದ ಅವರ ಅಭಿಮಾನಿಗಳು ಸಂತಸಗೊಂಡಿದ್ದಾರೆ .