‘ಮಜಾಭಾರತ ಹಾಗೂ ಗಿಚ್ಚಿ ಗಿಲಿ ಗಿಲಿ ಕಾಮಿಡಿ ಕಾರ್ಯಕ್ರಮದಲ್ಲಿ ಸ್ಪರ್ಧಿಸಿದ್ದ ಸುಶ್ಮಿತಾ – ಜಗಪ್ಪ (Sushmitha And Jagappa) ಕಳೆದ 6 ವರ್ಷಗಳಿಂದ ಪರಸ್ಪರ ಪ್ರೀತಿಸುತ್ತಿದ್ದರು.
ಇದೀಗ ಪ್ರೀತಿಗೆ ಅಧಿಕೃತ ಮುದ್ರೆ ಇಡಲು ಜೋಡಿ ಸಜ್ಜಾಗಿದೆ. ಸುಶ್ಮಿತಾ ಹಾಗೂ ಜಗಪ್ಪ ಮದುವೆ ನಿಶ್ಚಯವಾಗಿದೆ. ಈಗಾಗಲೇ ವಿವಾಹ ಪೂರ್ವ ಶಾಸ್ತ್ರಗಳು ಆರಂಭವಾಗಿದ್ದು, ಮೆಹಂದಿ ಸಮಾರಂಭ ಅದ್ಧೂರಿಯಾಗಿ ಜರುಗಿದೆ. ಇದೀಗ ಈ ಪೋಟೊಗಳನ್ನು ಜೋಡಿ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದೆ.
ಮಜಾ ಭಾರತ ಹಾಸ್ಯ ಕಾರ್ಯಕ್ರಮದ ಮೂಲಕ ಜನಪ್ರಿಯತೆ ಪಡೆದ ಜಗಪ್ಪ ಮತ್ತು ಸುಶ್ಮಿತಾ 6 ವರ್ಷಗಳಿಂದ ಪ್ರೀತಿಸುತ್ತಿದ್ದರು. ಈ ವಿಚಾರವನ್ನು ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಭರ್ಜರಿ ಬ್ಯಾಚುಲರ್ಸ್‌ ಕಾರ್ಯಕ್ರಮದಲ್ಲಿ ರಿವೀಲ್ ಮಾಡಿದ್ದರು. ಅಲ್ಲದೆ ಗುರು ಹಿರಿಯ ಮುಂದೆ ನಿಶ್ಚಿತಾರ್ಥ ಕೂಡ ಮಾಡಿಕೊಂಡಿದ್ದರು. ಇದೀಗ ವಿವಾಹಕ್ಕೆ ಜೋಡಿ ಸಜ್ಜಾಗಿದೆ.
ಇದನ್ನೂ ಓದಿ: Abhishek Ambareesh Wedding: ಅಭಿಷೇಕ್ ಅಂಬರೀಶ್‌ ಕೈಯಲ್ಲಿ ಮೆಹೆಂದಿ; ಪ್ರೀತಿಯಿಂದ ಬರೆಸಿಕೊಂಡ ಹೆಸರು ಇವು!
ಜಗಪ್ಪ ಭರ್ಜರಿ ಬ್ಯಾಚುಲರ್ಸ್‌ ಕಾರ್ಯಕ್ರಮದಲ್ಲಿ ಕೈಯಲ್ಲಿ 5 ಗುಲಾಬಿ ಹಿಡಿದ ಜಗಪ್ಪ ಡಿಫರೆಂಟ್ ಡಿಫರೆಂಟ್ ಆಗಿ ಪ್ರಪೋಸ್ ಮಾಡಿದ್ದರು.
ಈ ಹಿಂದೆ ಜೋಡಿ ಒಟ್ಟಿಗೆ ವಿಡಿಯೋಗಳನ್ನ ಮಾಡಿ ಪೋಸ್ಟ್‌ ಮಾಡುತ್ತಿತ್ತು. ನಿಜ ಜೀವನದಲ್ಲೂ ಈ ಜೋಡಿ ಒಂದಾಗ್ಲಿ ಎಂದು ಇಬ್ಬರ ಫ್ಯಾನ್ಸ್‌ ಕಮೆಂಟ್‌ ಮೂಲಕ ವ್ಯಕ್ತಪಡಿಸುತ್ತಿದ್ದರು.ನೀವಿಬ್ರು ಯಾಕೆ ಮದುವೆಯಾಗಬಾರದು ಎಂದು ಫ್ಯಾನ್ಸ್‌ ಕೇಳಿದಾಗ ಎಲ್ಲಿಯೂ ಸಣ್ಣ ಸುಳಿವನ್ನು ಬಿಟ್ಟುಕೊಡದೆ, ಕೊನೆಗೂ ಹಸೆಮಣೆ ಏರುತ್ತಿದೆ ಜೋಡಿ.
ಬ್ಯೂಟಿಫುಲ್ ಜೋಡಿಗೆ ಅಭಿನಂದನೆಗಳು ಎಂದು ಫ್ಯಾನ್ಸ್‌ ಶುಭ ಹಾರೈಸುತ್ತಿದ್ದಾರೆ.